[᭕᭓ 53B]
᭕᭓
ᬳᬸ᭞ᬳᭂᬦ᭄ᬢᭀᬚᬕᬢ᭄ᬕᬕ᭄ᬮᬂ᭞ᬕ᭄ᬮᬶᬲ᭄ᬦᬯᬸᬳᬂ᭞ᬜ᭄ᬚᬸᬚᬸᬓᬂᬧᬲᬗ᭄ᬕ᭄ᬭᬳᬦ᭄ᬲᬵᬫ᭄ᬧᬸᬦ᭄᭞ᬧ᭄ᬲᬗ᭄ᬕ᭄ᬭᬳᬦᬾᬦᬲᬕᬾᬢ᭄ᬧ᭄ᬭᬕᬢ᭄᭞ᬭᬭᬶᬲ᭄ᬫᬮᬶᬗ᭄ᬕᬶᬄᬓᬢᬗ᭄ᬓᬶᬮ᭄᭟ᬭᬳᬤᬾᬜ᭄ᬚᬬᬾᬂᬓᬸᬲᬸᬫᬵ᭞ᬓᬢᬗ᭄ᬓᬶᬮᬶᬦ᭄ᬩᬳ
ᬦ᭄ᬧᬸᬢ᭄ᬭᬶᬦᬾᬓᬓᬵᬮᬸᬄ᭞ᬧᬸᬢ᭄ᬭᬶᬦᬶᬮᬵᬯᬢᬶᬗᬸᬦ᭄ᬢᬸᬓ᭄᭞ᬓᬮᬶᬄᬕᬮᬸᬄᬦᬯᬂᬘᬶᬡ᭄ᬤ᭄ᬭᬵ᭞ᬫ᭄ᬓᬤᬶᬜᬭᬤᬾᬦ᭄ᬯᬶᬭᬵᬦ᭄ᬢᬓᬵᬤᬶᬢᬸ᭞ᬚᬬᬾᬂᬓᬸᬲᬸᬫᬵᬗᬦ᭄ᬤᬶᬓᬵ᭚ᬓᬾᬦ᭄ᬓᬾᬦ᭄ᬓᬬᬸᬦ᭄ᬳᬤᬶᬚᬦᬶ᭟ᬩ᭄ᬮᬶᬧᬘᬂᬗ᭄ᬮ
ᬯᬸᬢ᭄ᬧᬶᬲᬦ᭄᭞ᬓᬦᬵᬕᬭᬵᬕᬕ᭄ᬮᬂᬦᬾᬦᬾᬚᬦᬶ᭞ᬲᬂᬧ᭄ᬭᬪᬹᬕᬕ᭄ᬮᬂᬢᬸᬳᬸ᭞ᬭᬭᬫᬦ᭄ᬩ᭄ᬮᬶᬧᬶᬲᬦ᭄᭞ᬤᬶᬕᬕ᭄ᬮᬂᬫᬘᭂᬓᬶᬦ᭄ᬫᬜ᭄ᬦᭂᬂᬳᬕᬸᬂ᭞ᬳᬶᬯᬶᬭᬸᬦ᭄ᬲ᭄ᬫᬃᬳᬶᬓᬮᬂ᭞ᬦ᭄ᬲᭂᬓᬶᬦ᭄ᬕᬗ᭄ᬲᬃᬫᬦᬗ᭄ᬓᬶᬮ᭄᭟ᬚ
ᬬᬾᬂᬓᬸᬲᬸᬫᬵᬫᬵᬗᬦ᭄ᬤᬶᬓᬵ᭚ᬯᬸᬭᬶᬦ᭄᭞ᬲ᭄ᬫᬃᬚᬮᬦ᭄ᬫᬚᬮᬜ᭄ᬚᬦᬶ᭞ᬓᬓᭀᬢ᭄ᬣᬵᬕᬕ᭄ᬮᬂᬗ᭄ᬮᬯᬸᬢ᭄᭞ᬧᬋᬓ᭄ᬭᬶᬂᬳᬶᬤᬵᬳᬶᬩᬧᬵ᭞ᬯᬶᬭᬾᬄᬳᬶᬭᬵ᭚ᬳᬸᬮᬶᬫᬮᬸᬢᭀᬦ᭄ᬤᬾᬦ᭄ᬢᬳᬸ᭞ᬭᬶᬂᬳᬶᬤᬵᬲᬂᬧ᭄ᬭᬪᬹᬕ
[᭕᭔ 54A]
ᬕ᭄ᬮᬂ᭞ᬳᬶᬲ᭄ᬫᬃᬯᬶᬭᬸᬦ᭄ᬫᬪᬓ᭄ᬢᬶ᭟ᬧᬢᬸᬢ᭄ᬧᬶᬲᬦ᭄ᬧᬓᬬᬸᬦᬦ᭄᭞ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬢᬦ᭄ᬧᬶᬯᬮ᭄ᬗᬶᬭᬶᬂ᭞ᬢᬸᬫᬸᬮᬶᬫᬤᬩ᭄ᬤᬩ᭄ᬲᬵᬫ᭄ᬧᬸᬦ᭄᭞ᬫᬫᬃᬕ᭄ᬕᬶᬚᬬᬾᬂᬓᬸᬲᬸᬫᬵ᭞ᬫᬧ᭄ᬮᬶᬗ᭄ᬕᬶᬳᬜ᭄ᬚᬭᬦ᭄ᬫᬦᬤ᭄ᬢᬤ᭄ᬧᬧ᭄ᬘᬸᬢ᭄᭞
ᬚᬭᬦᬾᬩᬶᬦᬮ᭄ᬫᬲᭀᬮᬄ᭞ᬦᬾᬫᬤᬦ᭄ᬳᬶᬭᬗ᭄ᬰᬵᬭᬗ᭄ᬕᬶᬢ᭄᭟ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬤ᭄ᬭᬵ᭞ᬫ᭄ᬓᬤᬶᬜᬢ᭄ᬯᬦ᭄ᬧᬸᬢ᭄ᬭᬶᬦᬶᬮᬵᬯᬢᬶ᭞ᬤᬶᬧᬲᬗ᭄ᬕ᭄ᬭᬳᬦ᭄ᬢ᭄ᬯᬭᬵᬫᬶᬮᬸ᭞ᬗᬶᬭᬶᬂᬚᬬᬾᬂᬓᬸᬲᬸᬫᬵ᭚ᬕ᭄ᬮᬶᬲ᭄ᬢᬶᬫ᭄ᬩᬮ᭄᭞ᬦᬾ
ᬚᬦᬶᬘ᭄ᬭᬶᬢᬬᬂᬮᬯᬸᬢ᭄᭞ᬳᬶᬤᬵᬲᬂᬧ᭄ᬭᬪᬹᬕᬕ᭄ᬮᬂ᭞ᬫᬲᬡ᭄ᬤᬶᬂᬭᬶᬂᬧ᭄ᬭᬫᬶᬰ᭄ᬯᬭᬶ᭟ᬫᬮᬶᬗ᭄ᬕᬶᬄᬢᬗ᭄ᬓᬶᬮᬶᬦ᭄ᬧᬸᬢᬺ᭞ᬦᬾᬫᬧᬭᬩ᭄ᬭᬳᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬮᬸᬲ᭄᭞ᬭᬶᬂᬧ᭄ᬭᬫᬶᬰ᭄ᬯᬭᬶ
ᬗᬦ᭄ᬤᬶᬓᬵ᭞ᬳᬤᬸᬄᬳᬤᬶᬤᬤᬶᬩ᭄ᬮᬶᬮᬶᬯᬢ᭄ᬩᬶᬗᬸᬂ᭞ᬩ᭄ᬮᬶᬦᬶᬗᭂᬄᬳᭀᬃᬢ᭄ᬢᬵᬲᬶᬦᬄ᭞ᬤᬶᬦᬵᬕᬭᬵᬤ᭄ᬳᬵᬚᬦᬶ᭟ᬲᬗᭂᬢ᭄ᬫᬩᬸᬳᬸᬢ᭄ᬩᬸᬳᬸᬢᬦ᭄᭞ᬢ᭄ᬯᬭᬵᬧᬶᬲᬦ᭄ᬫᬤ᭄ᬯᬾᬓᬡ᭄ᬥᬵᬳᬶᬩ᭄ᬮᬶ᭞ᬓᬢᬶᬢᬄᬩᬦ᭄ᬫ
Kaca:Bali-lontar-paparikan-panji-semirang-250ppi.pdf/54
Kaca puniki sampun kauji-wacén
