[᭕᭔ 54B]
᭕᭔
ᬳᬵᬮᬶᬓᬸ᭞ᬓ᭄ᬭᬡᬵᬩ᭄ᬮᬶᬳᬾᬫᭂᬂᬧᬶᬲᬦ᭄᭞ᬓᬕᬸᬗᬦᬾᬳᬸᬲᬓᬂᬩᬦ᭄ᬳᬦᬓ᭄ᬳᭂᬮᬸᬄ᭞ᬧᬸᬢ᭄ᬭᬦᬾᬭᬭᬶᬲ᭄ᬫᬜ᭄ᬮᬕ᭄ᬫᬵᬢᬹᬃᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭟ᬲᬧᬶᬲᬭᬵᬧ᭄ᬭᬪᬹᬤ᭄ᬳᬵ᭞ᬲᬯ᭄ᬬᬓ᭄ᬢᬶᬓᬾᬧᬺᬦᬄᬢᬶᬢ᭄ᬬᬂ
ᬫᬳᬸᬯ᭄ᬯᬵᬓᬾᬗᬶᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬫᬲᬯᬹᬃ᭞ᬩ᭄ᬦᭂᬄᬢᭀᬳ᭄ᬯᬦ᭄ᬳᬶᬤᬾᬯ᭄ᬯᬵ᭞ᬩᬳᬸᬫᬭᬵᬓ᭄ᬜᭂᬓᬦ᭄ᬳᬶᬤᬵᬲᬂᬧ᭄ᬭᬪᬷ᭞ᬫᬩᬩᬯᭀᬲ᭄ᬲᬕᬾᬢ᭄ᬢ᭄ᬓᬵ᭞ᬚᬦ᭄ᬫᬵᬧᬋᬓ᭄ᬤᬶᬳᬶᬲ᭄ᬤᬶᬳᬶᬲ᭄᭟ᬫᬓ᭄ᬮᭀᬦᬸᬫᬢᭂ
ᬕ᭄ᬢᭂᬕᬦ᭄᭞ᬤ᭄ᬗᬮ᭄ᬲ᭄ᬗᬮ᭄ᬧ᭄ᬮᬸᬄᬧᬶᬤᬶᬢ᭄ᬦ᭄ᬕᬓ᭄ᬦᬗ᭄ᬓᬶᬮ᭄᭞ᬫᬜᬸᬫ᭄ᬩᬄᬮᬯᬸᬢ᭄ᬫᬳᬢᬹᬃ᭞ᬭᬢᬸᬢᬶᬳ᭄ᬬᬂᬗᬸᬦᬶᬗᬬᬂ᭞ᬯᬾᬦ᭄ᬢᭂᬦ᭄ᬭᬯᬸᬄᬳᬦᬓ᭄ᬮᬦᬂᬮᬶᬦ᭄ᬢᬂᬩᬕᬸᬲ᭄᭞ᬢᬹᬃᬫᬦᬶᬂᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤᬵ᭞ᬗᬫᬭᬶᬓᬶ
ᬬᬂᬫᬫᬃᬕ᭄ᬕᬶ᭟ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬦᬗᬸᬦᬂ᭞ᬧ᭄ᬲᬗ᭄ᬕ᭄ᬭᬳᬦ᭄ᬳᬶᬭᬶᬓᬶᬭᬶᬂᬧᬦ᭄ᬧᬶ᭞ᬳᬓ᭄ᬯᬾᬄᬫᬳᬶᬭᬶᬗᬦ᭄ᬭᬢᬸ᭞ᬫᬦᬯᬶᬢᬦ᭄ᬲᬯᭀᬲᬦ᭄᭞ᬚᬕᬵᬗᭂᬩᬸᬕ᭄᭞ᬚᬕᬢ᭄ᬤ᭄ᬭᬸᬯᬾᬦᬾᬤᬾᬯᬵᬕᬸᬂ
[᭕᭕ 55A]
ᬓᭂᬲ᭄ᬬᬩ᭄ᬲᬂᬧ᭄ᬭᬪᬷᬫᬶᬋᬗᬂ᭞ᬬᬾᬦ᭄ᬓᬾᬢᭀᬓ᭄ᬦᭂᬳᬂᬓᬳᬶ᭟ᬚ᭄ᬦᭂᬢᬾᬢᬸᬭᬸᬦᬦ᭄ᬲᬢ᭄ᬭ᭄ᬬᬵ᭞ᬢ᭄ᬯᬄᬳᬦᬓ᭄ᬍᬯᬶᬄᬢᭀᬲ᭄ᬦᬶᬂᬧ᭄ᬭᬚᬸᬭᬶᬢ᭄᭞ᬲᬂᬧ᭄ᬭᬪᬹᬦ᭄ᬤᬯᬸᬳᬂᬲᬵᬫ᭄ᬧᬸᬦ᭄᭞ᬗ᭄ᬲᬾᬗᬶᬦ᭄ᬫᬜ᭄ᬘᬧᬸᬗ᭄ᬕᬯ᭄ᬯᬵ᭞ᬲᬭ
ᬯᬸᬳᬾ᭞ᬲᬂᬧ᭄ᬭᬪᬹᬗᬦ᭄ᬤᬶᬓ᭄ᬳᬮᬸᬲ᭄᭞ᬓᬾᬦ᭄ᬓᬾᬜ᭄ᬚᬦᬶᬩᬦ᭄ᬫᬓᬡ᭄ᬥᬵ᭞ᬳᬤᬵᬫᬸᬲᬸᬄᬢ᭄ᬓᬵᬫᬳᬶ᭟ᬫ᭄ᬓᬤᬶᬜᬳᬤᬵᬳᭀᬃᬢ᭄ᬣᬵ᭞ᬮ᭄ᬬᬸᬧᬶᬲᬦ᭄ᬲᬸᬩᬵᬗᬮᬳᬂᬕᬸᬫᬶ᭞ᬲᬯᬢᭂᬓ᭄ᬧ᭄ᬭᬭᬢᬹᬦᬸᬗ᭄ᬓᬸᬮ᭄᭞ᬫ᭄ᬮᬳᬂ
ᬧᬶᬲᬦ᭄ᬫᬵᬜᬧᬵ᭞ᬓ᭄ᬫᭂᬧᭂᬦ᭄ᬤᬓ᭄ᬳᬶᬭᬵᬫᬓ᭄ᬦᭂᬄᬫᬦᬸᬗ᭄ᬓᬸᬮ᭄᭞ᬧ᭄ᬭᬦᬫ᭄ᬬᬳᬩ᭄ᬢᬾᬫᭂᬦ᭄ᬤᬓ᭄᭞ᬮᬳᬸᬢᬂᬳᬶᬭᬶᬗᬂᬫᬳᬶ᭟ᬭᬤᬾᬦ᭄ᬲᬶᬗ᭄ᬳᬵᬫᬵᬢᬹᬃᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬩᬧᬵᬲᬵᬫ᭄ᬧᬸᬦᬂᬗᭀᬩ᭄ᬢᬂᬫᬗ᭄ᬓᬸᬦ᭄᭞ᬢᬶ
ᬢ᭄ᬬᬂᬧᬤᬾᬯᬾᬓᬦ᭄ᬭᬢᬸ᭞ᬳᬶᬤ᭄ᬯᬂᬧᬘᬂᬫᬬᬸᬤ᭄ᬥᬵ᭞ᬗᬫᭂᬲᭂᬳᬶᬦ᭄ᬰᬢ᭄ᬭᬸᬦᬾᬦᬾᬩᬯᬸᬭᬯᬸᬄ᭞ᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄ᬫᬫᬸᬗ᭄ᬕᬮ᭄᭞ᬬᬤ᭄ᬬᬧᬶᬦ᭄ᬲᬢ᭄ᬭ᭄ᬬᬵᬍᬯᬶᬄ᭟ᬲᬂᬧ᭄ᬭᬪᬹᬢ᭄ᬯᬭᬵᬗᬺᬱᭂᬧᬂ᭞ᬤᬾᬦᬶᬂ
Kaca:Bali-lontar-paparikan-panji-semirang-250ppi.pdf/55
Kaca puniki sampun kauji-wacén
