[᭕᭒ 52B]
᭕᭒
ᬧᬸᬢ᭄᭞ᬢ᭄ᬓᬾᬦ᭄ᬫᬳᬵᬮᬶᬓᬸᬯ᭄ᬬᬓ᭄ᬢᬶ᭞ᬳᬶᬤᬵᬲᬂᬧ᭄ᬭᬪᬷᬤᬶᬤ᭄ᬳᬵ᭞ᬓ᭄ᬭᬡᬵᬳᬶᬩ᭄ᬮᬶᬦᬾᬮᬮᬶ᭞ᬢ᭄ᬓᬾᬦ᭄ᬳᬶᬤᬾᬯ᭄ᬯᬵᬧᬫᭂᬗ᭄ᬕᬄ᭞ᬲᬳᬱᬵᬮᬯᬸᬢ᭄ᬫᬗᬸᬦ᭄ᬢᬶᬂ᭟ᬧ᭄ᬭᬫᬶᬰ᭄ᬯᬭᬶᬓ᭄ᬭᬡᬵᬮᬫ᭄ᬧᬸᬲ᭄᭞ᬤᬾᬦᬶᬂᬫᬳᬵᬮᬶᬓᬸᬜ᭄ᬚᬶ
ᬓ᭄᭞ᬤᬶᬢᬧᬾᬤᬾᬓᬕ᭄ᬦᬳᬂ᭞ᬫ᭄ᬓᬤᬶᬳᬶᬤᬾᬯ᭄ᬯᬵᬫᬰᬶᬄ᭞ᬓᬳᬶᬫ᭄ᬧ᭄ᬬᬂᬤᬸᬓᬾᬚᬸᬫᬄ᭞ᬢ᭄ᬓᬾᬦ᭄ᬫᬳᬵᬮᬶᬓᬸᬚᬢᬶ᭟ᬢ᭄ᬮᬲ᭄ᬓᬢ᭄ᬮᬾᬄᬢᬾᬳᬂᬲᬵᬫᬵᬧᬸᬦ᭄᭞ᬲᬓᬡ᭄ᬥᬵᬓᬡ᭄ᬥᬵᬦᬾᬲᬫᬶ᭞ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬤ᭄ᬭᬵ
ᬓᬶᬭᬡᬵ᭚ᬩᬸᬫᬭᬵᬫᬶᬋᬗᬂᬭᬭᬶᬲ᭄᭞ᬫᬦᬗᬶᬲ᭄ᬫᬶᬯᬄᬳᬶᬭᬶᬗᬦ᭄᭞ᬲᬼᬕᬢ᭄ᬲᬼᬕᬸᬢ᭄ᬧᬥᬲ᭄ᬤᬶᬄ᭟ᬲᬯᬢᭂᬓ᭄ᬢᬧᬦᬾᬤᬶᬢᬸ᭞ᬧᬥᬵᬫᬶᬢᬸᬭᬸᬦᬶᬦ᭄ᬢᬗᬶᬲ᭄᭞ᬫᬶᬯᬄᬳᬶᬭᬶᬗᬦ᭄ᬫᬦᬓ᭄ᬚᬂ᭞ᬧᬸᬢ᭄ᬭᬶᬩᬾᬓᭀ
ᬕᬦ᭄ᬥᬵᬰᬭᬷ᭞ᬫᬜᬶᬗᬓ᭄ᬘᬡ᭄ᬤ᭄ᬭᬵᬓᬶᬭᬡᬵ᭞ᬦᬗᬶᬲ᭄ᬫᬰᬶᬄᬫᬶᬮᬸᬲ᭄ᬥᬶᬄ᭟ᬲᬶᬕ᭄ᬲᬶᬕᭂᬦ᭄ᬤᬶᬢᬸᬫᬗᬸᬦ᭄ᬢᬸᬓ᭄᭞ᬤᬶᬧᬗ᭄ᬓᭀᬦ᭄ᬩ᭄ᬬᬗᬾᬲ᭄ᬤᬶᬄ᭞ᬮᬸᬢ᭄ᬫᬢᬹᬃᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬫ᭄ᬕᬢ᭄ᬫᭂᬕᬢ᭄ᬲᬫ᭄ᬩᬶᬮ᭄ᬦᬗᬶᬲ᭄᭞ᬢᬶᬢ᭄ᬬᬂ
[᭕᭓ 53A]
ᬫᬗ᭄ᬓᬶᬦ᭄ᬫᬦᬯ᭄ᬕᬂ᭞ᬫᬧᬫᬶᬢ᭄ᬗᬸᬫ᭄ᬩᬭᬵᬫᬵᬮᬶᬄ᭟ᬭᬭᬶᬲ᭄ᬗᬸᬘᬧ᭄ᬮᬶᬦ᭄ᬢᬂᬳᬮᬸᬲ᭄᭞ᬧᬸᬢ᭄ᬭᬶᬩᬾᬓᭀᬕᬡ᭄ᬥᬵᬲᬭᬶ᭞ᬤᬵᬦ᭄ᬤᬾᬦ᭄ᬫᬮᬸᬫᬗᬸᬫ᭄ᬩᬭᬵ᭞ᬤᬶᬦᬶᬩ᭄ᬯᬶᬦ᭄ᬳᬚ᭄ᬩᭀᬲ᭄ᬳᬦ᭄ᬢᬶ᭞ᬘᬶᬡ᭄ᬤ᭄ᬭᬵᬓᬶᬭᬡᬵᬫᬜᭂᬫ᭄ᬩᬄ᭞ᬢᬶᬢ᭄ᬬᬂ
ᬧᬶᬢ᭄ᬮᬲ᭄ᬫᬗᬶᬭᬶᬂ᭟ᬧᬶᬢᬸᬢᬸᬭᬾᬮᬶᬯᬢ᭄ᬧᬢᬸᬢ᭄᭞ᬧᬸᬢ᭄ᬭᬶᬩᬾᬓᭀᬕᬡ᭄ᬥᬵᬲᬭᬷ᭞ᬳᬯᬦᬦ᭄ᬓᬳᬶᬭᬶᬓᬵ᭞ᬭᬶᬂᬕᬸᬦᬸᬂᬯᬶᬮᬶᬲ᭄ᬫᬮᬶᬗ᭄ᬕᬶᬄ᭞ᬢ᭄ᬯᬦ᭄ᬧᬸᬢ᭄ᬭᬶᬓᬶᬭᬡᬵ᭞ᬢᬶᬫ᭄ᬩᬮᬂᬳᬸᬘᬧᬂᬚᬦᬶ᭟ᬐ
᭐ᬐᬧᬗ᭄ᬓᬸᬃᬐ᭐ᬐᬩᬸᬤᬮ᭄ᬲᬓᬾᬂᬚᬕᬵᬭᬕᬵ᭞ᬧᬫᬃᬕ᭄ᬕᬶᬦᬾᬚᬬᬾᬂᬓᬸᬲᬸᬫᬵᬫᬗ᭄ᬓᬶᬦ᭄᭞ᬫᬗ᭄ᬮᬶᬯᬢᬶᬦ᭄ᬳᬮᬲ᭄ᬕᬸᬦᬸᬂ᭞ᬫᬶᬯᬄᬧᬤᬲᬦ᭄ᬦᬕᬭᬵ᭞ᬤᬶᬯᬯᭂᬗ᭄ᬓᭀᬦ᭄ᬢᬦᬄᬚᬯ
ᬦᬾᬓᬯᬸᬯᬸᬲ᭄᭞ᬮ᭄ᬬᬸᬦᬾᬜ᭄ᬚᬄᬚᬄᬦᬵᬕᬭᬵ᭚ᬳᬤᬵᬲᬾᬓᭂᬢ᭄ᬓ᭄ᬯᬂᬳᬩ᭄ᬲᬶᬓ᭄᭟ᬧᬫᬃᬕ᭄ᬚᬶᬜ᭄ᬚᬬᬾᬂᬓᬸᬲᬸᬫᬵ᭞ᬲᬕᬾᬢ᭄ᬦᬧᬓ᭄ᬤᬶᬢ᭄ᬧᬶᬦ᭄ᬦᬵᬕᬭᬵᬚᬦᬶ᭞ᬭᬾᬄᬚᬬᬾᬂᬓᬸᬲᬸᬫᬵᬢ
Kaca:Bali-lontar-paparikan-panji-semirang-250ppi.pdf/53
Kaca puniki sampun kauji-wacén
