[᭕᭑ 51B]
᭕᭑
ᬓ᭄᭞ᬧ᭄ᬢᭂᬂᬮ᭄ᬫᬄᬢ᭄ᬯᬭᬵᬕᬶᬗ᭄ᬲᬶᬃ᭞ᬩᬩᬃᬳᬸᬚᬦ᭄ᬳᬗᬶᬦ᭄ᬧᬦᬲ᭄᭞ᬫᬳᬾᬦ᭄ᬤᬳᬾᬦ᭄ᬤᬳᬦ᭄ᬩ᭄ᬯᬶᬦ᭄᭟ᬢᬓᬾᬢᭀᬳᬸᬘᬧᬂᬮᬯᬸᬢ᭄᭞ᬚᬦᬶᬮᬶᬯᬢ᭄ᬢ᭄ᬗᬄᬯ᭄ᬗᬶ᭞ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬢ᭄ᬯᬭᬵᬤᬤᬶ
ᬫᬺᬫ᭄ᬲ᭄ᬤᬶᬄ᭞ᬫᬾᬮᬶᬂᬢ᭄ᬓᬾᬦ᭄ᬫᬡ᭄ᬥᬵᬡᬕ᭄ᬬᬵ᭞ᬲᬵᬗ᭄ᬲᬭᬵᬦᬶᬗ᭄ᬕᬮ᭄ᬦᬕᬭᬶ᭟ᬳᬾᬓᬦᬾᬓᬦ᭄ᬫᬳᬵᬮᬶᬓᬸ᭞ᬓ᭄ᬭᬡᬵᬳᬶᬤᬵᬗᭂᬗ᭄ᬕᬳᬶᬦ᭄᭞ᬕᬮᬸᬄᬳᬚᭂᬂᬫᬗ᭄ᬭᬦᬬᬂ᭞ᬲᬗ᭄ᬓᬦ᭄ᬦ᭄ᬤᬸᬮᬭᬵᬓᬶᬗ᭄ᬓᬶᬂ᭞ᬮᬸ
ᬤᬶᬦ᭄ᬓᬗᭂᬦ᭄ᬗᬚᬧᬚᬧ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭟ᬫᬓ᭄ᬮᬧ᭄ᬓ᭄ᬮᬧ᭄ᬳᬤᬸᬮᬸᬃ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬤᬶᬤ᭄ᬳᬵᬫᬍᬕᬦ᭄ᬍᬕᬦ᭄᭞ᬗᬚᬓ᭄ᬕᬮᬸᬄᬳᬚᭂᬂᬲᬳᬶ᭞ᬓᬾᬢᭀᬭᬱᬓᬘᬶᬗᬓᬦ᭄᭞ᬲᬸ
ᬗ᭄ᬲᬸᬳᬾᬫᬢᬶᬡ᭄ᬥᬶᬄᬢᬶᬡ᭄ᬥᬶᬄ᭟ᬧᬲ᭄ᬫᭂᬗᬦ᭄ᬢ᭄ᬯᬦ᭄ᬕᬮᬸᬄ᭞ᬮᬸᬢ᭄ᬫᬲᬶᬭᬫ᭄ᬲᬋᬂᬲᬫᬶ᭞ᬓᬳᬶᬭᬶᬂᬩᬦ᭄ᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬓᬵᬮᬶᬄᬧᬸᬢ᭄ᬭᬶᬧᬸᬱ᭄ᬧᬵᬲᬭᬷ᭞ᬦᬶᬓᬾᬦ᭄ᬫᭀᬦᭂᬂᬧᬲᬶᬭᬶᬳᬦ᭄᭞ᬦᬶᬓᬾᬦ᭄ᬩᬬᬦ᭄ᬦᬶ
[᭕᭒ 52A]
ᬓᬾᬦ᭄ᬲᬗ᭄ᬕᬶᬢ᭄᭟ᬲᬳᬸᬲᬦ᭄ᬫᬲᬶᬭᬫ᭄ᬲᬵᬫ᭄ᬧᬸᬦ᭄᭞ᬫ᭄ᬤᭂᬓ᭄ᬩᬾᬓᭀᬕᬡ᭄ᬤᬵᬲᬭᬷ᭞ᬧ᭄ᬤᬶᬭᬭᬶᬲ᭄ᬫᬗᬦ᭄ᬤᬶᬓᬵᬩᬦ᭄ᬩᬦ᭄᭞ᬧᬸᬢ᭄ᬭᬶᬩᬾᬓᭀᬕ᭄ᬡ᭄ᬥᬵᬲᬭᬷ᭞ᬧ᭄ᬤᬲᬂᬤᬾᬯ᭄ᬯᬵᬫᬶᬋᬗᬂ᭞ᬫᬾᬫᬾᬫᬶᬤᬃᬢᬳᬶᬦ᭄ᬥᭂᬦᬶᬂ᭟
ᬓ᭄ᬭᬦᬵᬳᬶᬤᬾᬯ᭄ᬯᬵᬫᬦ᭄ᬫᬸ᭞ᬓᬲᬓᬶᬢᬦ᭄ᬩᬸᬓᬵᬚᬦᬶ᭞ᬳᬸᬮᬶᬤᬶᬦᬶᬫᬾᬫᬾᬦᬯᬂ᭞ᬓᬾᬦᬾᬓᬘ᭄ᬥᬦ᭄ᬜᬦᬾᬓᬯᬶᬢ᭄᭞ᬭᬵᬢᬹᬓᬸᬭᬶᬧᬦ᭄ᬫᬧᬾᬢᬂ᭞ᬢᭀᬕᭀᬕ᭄ᬢᭀᬕᭀᬕᬦ᭄ᬓᬓᬮᬶᬄ᭞ᬢᭀᬕᭀ
ᬕᬾᬢ᭄ᬯᬭᬵᬚᬧᬢᬸᬄ᭞ᬩᬳᬦ᭄ᬳᭂᬫᬲ᭄ᬦᬾᬳᬳᬩ᭄ᬲᬶᬓ᭄᭞ᬦᬾᬗ᭄ᬲᬶᬓᬦ᭄ᬩᬦ᭄ᬲ᭄ᬮᬓᬵ᭞ᬕᬮᬸᬄᬳᬚᭂᬂᬫᬫᬶᬮᬶᬳᬶᬦ᭄᭞ᬮᬯᬸᬢ᭄ᬳᬶᬤᬾᬯ᭄ᬯᬵᬫᬓᬢᬂ᭞ᬢᭀᬕᭀᬕ᭄ᬳᭂᬫᬵᬲ᭄ᬲᬶᬲᬦ᭄ᬧᬶᬮᬶᬄ᭟ᬢᭀᬕᭀᬕ᭄ᬳᬶ
ᬤᬾᬯᬤᬾᬳᬮᬸᬲ᭄᭞ᬮᬯ᭄ᬢᬸᬢᬕᬶᬄᬜᬶᬮᬸᬭᬶᬦ᭄᭞ᬕᬮᬸᬄᬳᬚᭂᬂᬗ᭄ᬫᬼᬤᬂ᭞ᬳᬶᬤᬾᬯ᭄ᬯᬵᬤᬶᬢᬸᬫᬸᬘᬶᬗᬶᬦ᭄᭟ᬢᭀᬓ᭄ᬭᬡᬵᬳᬶᬤᬾᬯ᭄ᬯᬵᬲᬮᬄ᭞ᬢ᭄ᬓᬾᬦᬶᬂᬳᬶᬤᬵᬳᬶᬩ᭄ᬮᬶ᭟ᬤᬾᬦᬶᬂᬳᬾᬤᬍᬫᬾᬫᬸ
Kaca:Bali-lontar-paparikan-panji-semirang-250ppi.pdf/52
Kaca puniki sampun kauji-wacén
