[᭕᭐ 50B]
᭕᭐
ᬥᬵᬫ᭄ᬘᬶᬓ᭄ᬫᭂᬘᬶᬓ᭄ᬩᬢᬶᬲ᭄᭞ᬢᬹᬃᬤᬶᬢᬸᬳᬤᬵᬧᬜ᭄ᬘᭀᬭᬦ᭄᭞ᬧᬯᬶᬢᬺᬢᭀᬬᬦᬾᬍᬯᬶᬄ᭟ᬤᬶᬢᬸᬮᬯᬸᬢ᭄ᬢ᭄ᬯᬦ᭄ᬕᬮᬸᬄ᭞ᬘᬶᬡ᭄ᬤ᭄ᬭᬵᬓᬶᬭᬡᬫᬲᬸᬘᬶ᭞ᬲᬋᬂᬧᬸᬢ᭄ᬭᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬲᬋᬂᬧᬸᬢ᭄ᬭᬶᬧᬸᬱ᭄ᬧᬵᬲᬭᬶ᭞ᬳᬶ
ᬭᬶᬗᬦ᭄ᬫᬥᬸᬲ᭄ᬫᬓ᭄ᬚᬂ᭞ᬘᬭᬶᬢᬬᬂᬦᬾᬦᬾᬚᬦᬶ᭟ᬩᬾᬓᭀᬕᬡ᭄ᬥᬵᬲᬭᬷᬤᬶᬢᬸ᭞ᬫᬢᬧᬤᬶᬕᬸᬦᬸᬂᬯᬶᬮᬶᬲ᭄᭞ᬰᬓ᭄ᬢᬶᬫᬶᬯᬄᬩᬾᬢᬾᬮ᭄ᬢᬶᬗᬮ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬵᬳᬭᬶᬲ᭄᭞ᬢᬸᬫ᭄ᬩᬸᬦ᭄ᬳᬸᬫ᭄ᬩᬸᬦ᭄ᬓ᭄ᬫᬵᬢᬸᬳᬸᬦᬦ᭄
ᬓᬩᭀᬗ᭄ᬓᭀᬮ᭄ᬕᬸᬦᬸᬗᬾᬳᬮᬶᬄ᭟ᬓᬧᭀᬦᬓᬦ᭄ᬳᬶᬭᬵᬢᬸᬳᬸ᭞ᬧᬧᬕᬶᬦ᭄ᬳᬢ᭄ᬳᬂᬫᬳᬶ᭞ᬳᭀᬓᬦ᭄ᬲᬂᬧ᭄ᬭᬪᬹᬤᬶᬤ᭄ᬳᬵ᭞ᬫᬶᬚᬶᬮ᭄ᬲᬓᬶᬂᬧ᭄ᬭᬫᬶᬰ᭄ᬯᬭᬶ᭞ᬫᬳᬤᬜ᭄ᬘᬶᬦ᭄ᬤ᭄ᬭᬵᬓᬶᬭᬡᬵ᭞ᬦᬶᬳᬸᬫ᭄ᬩᬸᬦ᭄ᬳᬸᬫ᭄ᬩᬸᬦ᭄ᬫᬫᬃᬕ᭄ᬕᬶ᭞
᭞ᬢ᭄ᬓᭂᬤᬾᬤᬶᬩᭀᬗ᭄ᬓᬶᬮ᭄ᬕᬸᬦᬸᬂ᭞ᬦᬶᬳᬸᬫ᭄ᬩᬸᬦ᭄ᬳᬸᬫ᭄ᬩᬸᬦ᭄ᬗᬪᬓ᭄ᬢᬶ᭞ᬘᭀᬓᭀᬃᬳᬶᬤᬾᬯ᭄ᬯᬓᬲᬾᬗᬦ᭄᭞ᬫᬸᬗ᭄ᬕᬳᬦ᭄ᬓᬕᬸᬦᬸᬂᬯᬶᬮᬶᬲ᭄᭞ᬭᬶᬂᬩ᭄ᬬᬂᬘᭀᬓᭀᬃᬳᬶᬤᬾᬯ᭄ᬯᬵ᭞ᬧᬸᬢ᭄ᬭᬶᬩᬾᬓᭀᬕᬡ᭄ᬥᬵᬲᬭᬹ᭟
[᭕᭑ 51A]
ᬮᬸᬢ᭄ᬫᬫᬃᬕ᭄ᬕᬶᬗᬮ᭄ᬕᬮ᭄ᬕᬸᬦᬸᬂ᭞ᬫᬸᬗ᭄ᬖᬦ᭄ᬓᬕᬸᬦᬸᬂᬯᬶᬮᬶᬲ᭄᭞ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬦᬶᬳᬸᬫ᭄ᬩᬸᬦ᭄ᬳᬸᬫ᭄ᬩᬸᬦ᭄ᬫᬗᬶᬭᬶᬂ᭞ᬫᬶᬯᬄᬳᬶᬭᬶᬗᬦ᭄ᬫᬓ᭄ᬚᬂ᭞ᬲᬭᬯᬸᬳᬾᬮᬸᬢ᭄ᬫᬪᬓ᭄ᬢᬶ᭟ᬩᬾᬓᭀᬕᬡ᭄ᬥᬵᬲᬭᬶᬳᬮᬸᬲ᭄᭞
ᬗᬦ᭄ᬤᬶᬓᬵᬜᬧᬢ᭄ᬯᬦ᭄ᬧᬸᬢ᭄ᬭᬶ᭞ᬧᬦᬓ᭄ᬫᬾᬫᬾᬦᬾᬳᬶᬤᬾᬯ᭄ᬯᬵ᭞ᬧᬫᬶᬢᬸᬤᬸᬄᬲᬂᬳ᭄ᬬᬂᬯᬶᬤ᭄ᬥᬶ᭞ᬦᬸᬤᬸᬳᬂᬭᬕᬦ᭄ᬳᬶᬤᬾᬯ᭄ᬯᬵ᭞ᬓ᭄ᬭᬡᬵᬢ᭄ᬓᭂᬤ᭄ᬫᬦᬶᬤᬶᬦᬶ᭟ᬢᬦ᭄ᬤᬸᬫᬤᬾᬲᬕᬾᬢ᭄ᬭᬯᬸᬄ᭞ᬳᬚᭂᬗᬦ᭄ᬗᬬᬸᬦᬂᬫᬗ᭄ᬓᬶ
ᬦ᭄᭞ᬲᬢᬸᬲᬦᬾᬫᬗᬬᬸᬦᬂ᭞ᬢᬜ᭄ᬘᬭᬶᬢ᭄ᬣᬵᬲᬵᬫ᭄ᬧᬸᬦ᭄ᬯᭂᬗᬶ᭞ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵᬲᬫ᭄ᬧᬸᬦ᭄ᬓᬚ᭄ᬭᭀᬯᬦ᭄ᬫᬗ᭄ᬭᬜ᭄ᬚᬶᬂ᭟ᬧᬫᬺᬫᬦ᭄ᬫᬭᬳᬩ᭄ᬤᭀᬦ᭄ᬓᬬᬸ᭞ᬦ᭄ᬮᬗ᭄ᬲᬄᬫᬳᬗ᭄ᬕᬾᬦ᭄ᬤᬶᬂᬤᬶᬂ᭞ᬫᬢᬫ᭄ᬧᬸᬮ᭄ᬩᬜ᭄ᬘ
ᬭᬂᬘᬭᬂ᭞ᬓᬬᬸᬦᬾᬤᬶᬕᬸᬦᬸᬂᬯᬶᬮᬶᬲ᭄᭞ᬭᬾᬄᬳᬸᬫᬄᬳᬦᬓ᭄ᬫᬢᬧᬵ᭞ᬗᬃᬤ᭄ᬥᬵᬡ᭄ᬦᬵᬳᬶᬤᬵᬳ᭄ᬬᬂᬯᬶᬤ᭄ᬥᬶ᭟ᬳᬧᬦᬾᬦᬾᬢᭀᬦ᭄ᬤᬾᬦ᭄ᬢᬸᬢᬸᬕ᭄᭞ᬤᬶᬤᬸᬳᬸᬃᬩᬢᬸᬦᬾᬧᬸᬢᬶᬄ᭞ᬫᬫᬸᬱ᭄ᬝᬶᬫᬫᭀᬤᬵᬦ᭄ᬕ
Kaca:Bali-lontar-paparikan-panji-semirang-250ppi.pdf/51
Kaca puniki sampun kauji-wacén
