[᭔᭙ 49B]
᭔᭙
ᬦᬾᬚᬦᬶ᭞ᬧᬫᬃᬕ᭄ᬕᬶᬦᬾᬧᬜ᭄ᬚᬶᬲ᭄ᬫᬶᬭᬂᬗᬸᬫ᭄ᬩᬭᬵᬐ᭐ᬐᬕᬶᬦᬦ᭄ᬢᬶᬐ᭐ᬐᬧᬜ᭄ᬚᬶᬲ᭄ᬫᬶᬭᬂᬓᬯᬸᬯᬸᬲ᭄᭞ᬧᬫᬃᬕ᭄ᬕᬶᬦᬾᬦᬦ᭄ᬤᬂᬲ᭄ᬤᬶᬄ᭞ᬫᬗ᭄ᬮᬶᬯᬢᬶᬦ᭄ᬳᬮᬲ᭄ᬚᬶᬫ᭄ᬩᬃ᭞ᬫᬳᬶᬭᬶᬗᬦ᭄ᬳ᭄ᬦᭂᬫ᭄ᬤᬶᬭᬶ᭞ᬳᬶᬓᬸᬤᬵ
ᬧ᭄ᬭᬯᬶᬭᬵᬫᬶᬯᬄ᭞ᬳᬶᬓᬸᬤᬵᬧ᭄ᬭᬧᬜ᭄ᬘᬵᬫᬮᬶᬄ᭟ᬫ᭄ᬓᬤᬶᬦᬾᬧ᭄ᬢᬂᬳᬸᬓᬸᬤ᭄᭞ᬳᬸᬮᬶᬤᬶᬫᭂᬦ᭄ᬢᬯᬵᬦ᭄ᬲᬫᬶ᭞ᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬫᬶᬯᬄᬧᬸᬢ᭄ᬭᬶᬧᬸᬱ᭄ᬧᬵᬲᬭᬹ᭞ᬫᬓᬵᬤᬶᬓᬾᬦ᭄ᬧᬲᬶᬭᬶᬳᬦ᭄᭞ᬫᬶᬯᬄ
ᬓᬾᬦ᭄ᬧᬗᭀᬦᭂᬂᬩ᭄ᬯᬶᬦ᭄᭟ᬦᬾᬚᬦᬶᬓᬘ᭄ᬭᬶᬢ᭄ᬣᬮᬯᬸᬢ᭄᭞ᬧᬜ᭄ᬚᬶᬲ᭄ᬫᬶᬭᬂᬫᬕᭂᬦ᭄ᬢᬶ᭞ᬲᬸᬳᬸᬤ᭄ᬫᬧᬗᬗ᭄ᬕᭀᬮᬦᬂ᭞ᬩ᭄ᬯᬶᬦ᭄ᬫᬧᬗᬗ᭄ᬕᭀᬳᬶᬲ᭄ᬢ᭄ᬭᬶ᭞ᬮᬸᬢ᭄ᬲᬶᬦᬄᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬯᬃᬡ᭄ᬦᬵᬳᬬᬸᬢᬦ᭄ᬲᬶᬦᬶᬧᬶ᭟ᬩᬸᬫ
ᬭᬵᬫᬗᬗ᭄ᬕᭀᬳ᭄ᬮᬸᬄ᭞ᬚᬦᬶᬧ᭄ᬤᬲ᭄ᬓᬳᬸᬦᬶᬗᬶᬦ᭄᭞ᬭᬶᬂᬧᬸᬢ᭄ᬭᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬫᬶᬯᬄᬧᬸᬢ᭄ᬭᬶᬧᬸᬱ᭄ᬧᬵᬲᬭᬶ᭞ᬳᬶᬧᬜ᭄ᬚᬶᬲ᭄ᬫᬶᬭᬂᬢ᭄ᬯᬭᬵ᭞ᬢᬢ᭄ᬯᬬᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭟ᬧᬸᬱ᭄ᬧᬵᬚ᭄ᬯᬶᬢ᭄ᬣᬵᬮᬯᬸᬢ᭄ᬗᬸᬦ᭄ᬢᬸᬓ᭄᭞ᬫᬓᬵᬫᬶ
[᭕᭐ 50A]
ᬯᬄᬧᬸᬱ᭄ᬧᬵᬲᬭᬷ᭞ᬜᭂᬫ᭄ᬩᬄᬭᬶᬂᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬘᬶᬭᬶᬦ᭄ᬦᬸᬫᬗ᭄ᬕᭂᬄᬲᬸᬪᬓ᭄ᬢᬶ᭞ᬭᬶᬂᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬲᬢᬶᬩᬵᬧᬭᬵᬫᬗᬶᬭᬶᬂ᭟ᬳᬶᬓᬸᬤᬵᬧ᭄ᬭᬯᬶᬭᬵᬲᬵᬫ᭄ᬧᬸᬦ᭄᭞ᬳᬶᬓᬸᬤᬵᬧ᭄ᬭᬧᬜ᭄ᬘᬵᬓᬮᬶᬄ
᭞ᬲᬸᬩᬵᬧᬸᬧᬸᬢ᭄ᬫᬓᬤᬤ᭄ᬯᬵ᭞ᬩ᭄ᬯᬶᬦ᭄ᬫᬧᬗᬗ᭄ᬕᭀᬳᬶᬲ᭄ᬢ᭄ᬭᬶ᭞ᬮᬯᬸᬢ᭄ᬲᬶᬦᬄᬦᬶᬓᬾᬦ᭄ᬩᬬᬦ᭄᭞ᬫᬓᬤᬶᬜᬦᬶᬓᬾᬦᬸᬲᬗ᭄ᬕᬶᬢ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬗ᭄ᬓᬶᬦ᭄ᬗ᭄ᬭᬗ᭄ᬲᬸᬓ᭄᭞ᬧᬧᬬᬲᬦ᭄ᬲᬋᬂᬲᬫᬶ᭞ᬢᬸᬫᬸᬮᬶ
ᬮᬯᬸᬢ᭄ᬫᬚᬮᬦ᭄᭞ᬢ᭄ᬯᬭᬵᬧ᭄ᬕᬢ᭄ᬗᭂᬫ᭄ᬩᭂᬂᬢᬗᬶᬲ᭄᭞ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬢᭀᬬᬦ᭄ᬧᬗᬓ᭄ᬱᬶᬦᬾᬫᬶᬚᬶᬮ᭄᭟ᬫᬕᬦ᭄ᬢᬸᬂᬤᬶᬓᬬᬸᬦ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬳᬯᬂᬳᬯᬗᭂᬦ᭄ᬫᬗᭂᬦᬄ
᭞ᬫᬓ᭄ᬮᬃᬧ᭄ᬓᭂᬮᬧ᭄ᬤᬶᬳᬓ᭄ᬱᬶ᭞ᬧᬫᬵᬃᬕ᭄ᬕᬶᬦᬾᬲᬬᬦ᭄ᬲᬯᬢ᭄᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬭᬯᬸᬄᬫᬵᬗ᭄ᬓᬶᬦ᭄᭟ᬤᬶᬩᭀᬗ᭄ᬓᭀᬮ᭄ᬕᬸᬦᬸᬗᬾᬤᬶᬢᬸ᭞ᬫᬭᬃᬬᬦ᭄ᬲᬋᬂᬲᬫᬶ᭞ᬩᬦ᭄ᬍᬍᬳᬾᬓᬩᬶᬦᬯ᭄ᬯᬵ᭞ᬧ
Kaca:Bali-lontar-paparikan-panji-semirang-250ppi.pdf/50
Kaca puniki sampun kauji-wacén
