[᭔᭖ 46B]
᭔᭖
ᬬᬕ᭄ᬕᬵ᭞ᬯᬢᭂᬓ᭄ᬬᬤᬦᬾᬫᬫᬃᬕ᭄ᬕᬶ᭞ᬕᬸᬫᬸᬭᬸᬄᬲᬫᬶᬫᬲᬹᬃᬬ᭄ᬬᬓ᭄᭞ᬕᬶᬭᬂᬧᬘᬂᬫᬦᬗ᭄ᬓᭂᬧᬶᬦ᭄᭞ᬚᬕᬗ᭄ᬤᬸᬓ᭄᭟ᬧᬸᬦ᭄ᬫᬗ᭄ᬓᬶᬦ᭄᭞ᬚᬬᬾᬂᬓᬸᬲᬸᬫᬵᬬᬓᭂᬜᬸᬲ᭄᭞ᬫᬶᬋᬗᬂᬲ᭄ᬫᬭᬦ᭄ᬲᬹᬃᬬ᭄ᬬᬓ᭄
᭞ᬢᭀᬂᬩᬸᬳᬸᬂᬕᬕᬳᬾᬜ᭄ᬚᬦᬶ᭞ᬲᬶᬦᬄᬧᬬᬸ᭞ᬢᬦ᭄ᬧᬭᬶᬯᬗ᭄ᬤᬾᬫᬲ᭄ᬬᬢ᭄᭟ᬫᬫᬸᬲᬸᬄᬳᬦᬓ᭄ᬧ᭄ᬭᬯᬶᬭᬵ᭞ᬳ᭄ᬤᬵᬳᬫ᭄ᬧᬄᬗᬫᬸᬲᬸᬳᬶᬦ᭄᭞ᬳᬶᬯᬶᬭᬸᬦ᭄ᬲ᭄ᬫᬃᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬢᬦ᭄ᬧᬷᬯᬮ᭄ᬲᬳᬶᬭᬶᬂ᭞ᬢᬦ᭄ᬜ
ᬦ᭄ᬤᬂᬧᬜ᭄ᬚᬗᬂᬫᬵᬮᬶᬄ᭞ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂᬤᬾᬯᬵᬕᬸᬂ᭞ᬳᬤ᭄ᬯᬂᬢᬶᬢ᭄ᬬᬂᬳᬤ᭄ᬯᬂ᭞ᬢᬢ᭄ᬓᬮᬦᬾᬲᬧᬸᬦᬶᬓᬶ᭞ᬲᬫ᭄ᬧᬸᬦ᭄ᬧᬶᬲᬦ᭄ᬫᬤᬕᬶᬂᬧᬲᬸᬫᬦ᭄ᬤᬾᬬᬵ᭟ᬫᬳᬯᬦ᭄ᬫᬗ᭄ᬕᬶᬄᬮ᭄ᬕᬵᬉᬭᬶᬧ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬬ
ᬤᬶᬂᬢᬜ᭄ᬘᭀᬓᭀᬃᬳᬶᬤᬾᬯ᭄ᬯᬵ᭞ᬓᬭᬶᬲ᭄ᬯᬾᬘᬵᬲᬓᬶᬂᬭᬶᬳᬶᬦ᭄᭞ᬳᬯᬦᬦ᭄ᬢᬶᬢ᭄ᬬᬂᬫᬫᬗ᭄ᬕᬶᬄ᭞ᬫᬦᬗ᭄ᬓᬦ᭄ᬳᬶᬧᬸᬦᬾᬭᬢᬸ᭞ᬧᬳᬶᬘᬜ᭄ᬘᭀᬓᭀᬃᬳᬶᬤᬾᬯ᭄ᬯᬵ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗᬸᬮᬸᬭᬶᬦ᭄᭞ᬍᬕᬦ᭄ᬫ
[᭔᭗ 47A]
ᬦᬄ᭞ᬳᬢᬸᬭᬂᬢᬶᬢ᭄ᬬᬂᬳᬢᬹᬭᬂ᭟ᬲᬵᬫᬸᬦᬾᬫᬋᬧᬺᬧᬦ᭄᭞ᬫᬲ᭄ᬬᬢ᭄ᬫᬢᬓᭂᬃᬕ᭄ᬢᬶᬄ᭞ᬲᬮᬶᬂᬲᬸᬤᬸᬓ᭄ᬱᬮᬶᬂᬧ᭄ᬤᬂ᭞ᬲᬶᬮᬶᬄᬘᬓ᭄ᬘᬓ᭄ᬱᬶᬮᬶᬄᬢᬶᬕ᭄ᬢᬶᬕ᭄᭞ᬫᬫ᭄ᬢᭂᬂᬗᬫᬸᬓ᭄ᬗ᭄ᬮᬶᬦ᭄ᬤᬶᬄ᭞ᬳᬶᬓᬮᬂᬳᬦ᭄ᬤᬵᬓᬯᬶᬭᬸᬦ᭄᭞ᬫ᭄ᬓᬤᬶ
ᬮᬸᬭᬄᬲ᭄ᬫᬃ᭞ᬢ᭄ᬯᬭᬵᬧᬶᬲᬦ᭄ᬩᬶᬱᬵᬧᬶᬳᬶᬤ᭄᭞ᬤᬶᬧᬲ᭄ᬬᬢᬦ᭄᭞ᬬᬦ᭄ᬳᬓᬸᬤᬂᬫ᭄ᬩᬳᬦ᭄ᬜ᭄ᬚᬬᬵ᭟ᬲᬂᬧ᭄ᬭᬪᬹᬭᬶᬂᬚᬕᬵᬭᬕᬵ᭞ᬫᬧ᭄ᬮᬶᬗ᭄ᬕᬶᬳᬦ᭄ᬤᬭᬦ᭄ᬕ᭄ᬮᬶᬲ᭄᭞ᬳᬫ᭄ᬘᬸᬢᬶᬜ᭄ᬚᬭᬦ᭄ᬕᬭᬂ᭞ᬚᬬᬾᬂᬓᬸᬲᬸᬫᬵᬓᬳᬸᬗ᭄ᬲᬶ᭞ᬫ
ᬘ᭄ᬧᬸᬓ᭄ᬧᬥᬵᬗ᭄ᬮᬶᬗ᭄ᬕᬶᬳᬶᬦ᭄᭞ᬚᬭᬦ᭄ᬩᬶᬦᬮ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬹᬫᬤᬤᬕᬦ᭄᭞ᬧᬢᬸᬗ᭄ᬕᬮᬦ᭄ᬲᬮᬶᬂᬲᬩᬶᬢ᭄᭞ᬧᬬᬸᬤᬦᬾᬫᬫᬸᬲᬸᬄᬚᬬᬾᬂᬓᬸᬲᬸᬫᬵ᭟ᬳᬶᬤᬵᬧ᭄ᬭᬪᬹᬚᬕᬭᬕᬵ᭞ᬫᬗᬸ
ᬮᬳᬂᬦ᭄ᬲᭂᬓ᭄ᬕᭂᬮᬶᬲ᭄᭞ᬧᬲ᭄ᬬᬢᬾᬫᬕᬸᬮᬸᬦᬦ᭄᭞ᬤᬾᬦᬶᬂᬫᬫᬶᬧᬶᬢᬂᬕᬢᬶ᭞ᬲᬂᬚᬕᬵᬭᬕᬵᬯ᭄ᬬᬓ᭄ᬢᬶ᭞ᬧᬫᬓᬬᬸᬦ᭄ᬧᬘᬂᬗ᭄ᬚᬸᬓ᭄᭞ᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬲᬾᬩᭂᬢ᭄ᬳᬶᬤᬵᬢᬦ᭄ᬲᬶᬦᬶᬧᬶ᭞ᬗ
Kaca:Bali-lontar-paparikan-panji-semirang-250ppi.pdf/47
Kaca puniki sampun kauji-wacén
