[᭔᭗ 47B]
᭔᭗
ᬫᬸᬲᬸᬳᬶᬦ᭄ᬭᬚᬵᬭᬚᬵᬫ᭄ᬬᬸᬤᬵ᭟ᬭᬾᬄᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬧᬲᬶᬓᭂᬧᬦ᭄ᬳᬶᬤᬵᬓ᭄ᬭᬶᬲ᭄᭞ᬧᬚ᭄ᬦᭂᬂᬗᬦ᭄ᬲᬓᬶᬂᬮᬯᬲ᭄᭞ᬫᬤᬦ᭄ᬳᬶᬓᬮᬵᬫᬢᬡᬶ᭞ᬤᬤᬶᬓᬲᬾᬧᬦ᭄ᬧᬦᬗ᭄ᬓᬶᬲ᭄᭞ᬭᬚᬵᬚ
ᬕᬵᬭᬕᬵᬮᬯᬸᬢ᭄᭞ᬲ᭄ᬓᭂᬦ᭄ᬭᬶᬂᬤᬤᬦᬾᬧᬶᬲᬦ᭄᭞ᬓ᭄ᬦᭂᬓᬢ᭄ᬯᭂᬓ᭄ᬩᬦ᭄ᬓ᭄ᬭᬶᬲ᭄᭞ᬫᬶᬚᬶᬮ᭄ᬦᭀᬫ᭄ᬩ᭄ᬬᭀᬢ᭄ᬭᬳᬾᬲᬂᬧ᭄ᬭᬪᬹᬲᬾᬤᬵ᭟ᬕ᭄ᬮᬶᬲ᭄ᬭᬤᬾᬦ᭄ᬯᬶᬭᬵᬦ᭄ᬢᬓᬵ᭞ᬩᬳᬸᬫᬭᬵᬫᬜᬶᬗᬓᬶᬦ᭄᭞ᬭᬚᬚᬕᬵᬭᬕ
ᬭᬸᬲᬵᬓ᭄᭞ᬤᬶᬢ᭄ᬩᬾᬦ᭄ᬮᬬᭀᬦᬾᬦᬗᬶᬲ᭄᭞ᬢᬸᬫᬸᬮᬶᬗᭂᬦ᭄ᬢᬸᬗᬂᬓ᭄ᬭᬶᬲ᭄᭞ᬫ᭄ᬓᬤᬶᬤ᭄ᬫᬂᬢᬸᬫᭂᬗ᭄ᬕᬸᬂ᭞ᬫᬜ᭄ᬘᬵᬫᬵᬦ᭄ᬢ᭄ᬭᬶᬲᬶᬦᬫ᭄ᬬᬦ᭄᭞ᬫᬶᬯᬄᬳᬸᬮᬸᬩᬮᬂᬲᬫᬶ᭞ᬧᬥᬵᬗᬬᬸᬄ᭞ᬭᬶᬂᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭟ᬭᬤᬾ
ᬯᬶᬭᬦ᭄ᬢᬵᬓᬜᭂᬫ᭄ᬩᬄ᭞ᬭᬶᬂᬚᬬᬾᬂᬓᬸᬲᬸᬫᬵᬫᬗ᭄ᬓᬶᬦ᭄᭞ᬫᬗᬸᬦ᭄ᬢᬸᬓ᭄ᬢ᭄ᬯᬭᬵᬫᬗᬸᬘᬧ᭄᭞ᬚᬬᬾᬂᬓᬸᬲᬸᬫᬵᬦᬾᬚᬦᬶ᭞ᬳᬮᬸᬲ᭄ᬗᬦ᭄ᬤᬶᬓᬫᬦᬶᬲ᭄᭞ᬮᬶᬮᬬᬂᬳᬤᬶᬭᬶᬂᬓᬬᬸᬦ᭄᭞ᬧᬦᬶᬢᬄᬳ᭄ᬬᬂᬲᬹᬓ᭄ᬱ᭄ᬫᬵ
[᭔᭘ 48A]
ᬫᬦᬸᬤᬸᬳᬂᬩᬸᬓᬵᬚᬦᬶ᭞ᬭᬤᬾᬦ᭄ᬯᬶᬭᬵᬦ᭄ᬢᬓᬵᬭᬭᬶᬲ᭄ᬫᬗᬶᬭᬶᬗᬂ᭟ᬓᬧᬸᬭᬶᬚᬬᬾᬂᬓᬸᬲᬸᬫᬵ᭞ᬲᬭᬯᬸᬳᬾᬫᬭᬶᬂᬳᭀᬯᬸᬭᬶ᭞ᬭᬭᬶᬲ᭄ᬫᬗᬢᬸᬭᬵᬂᬭᬕᬵ᭞ᬢ᭄ᬯᬦ᭄ᬧᬸᬢ᭄ᬭᬶᬦᬶᬮ᭄ᬓᬵᬯᬢᬶ᭞ᬳᬍᬧ᭄ᬲᬫ᭄ᬩᬶᬮ᭄ᬫᬪᬓ᭄ᬢᬶ᭞ᬫᬳᬶ
ᬫ᭄ᬧᬸᬄᬜᬾᬫ᭄ᬧ᭄ᬮᬾᬕ᭄ᬫᬗᬸᬦ᭄ᬢᬸᬓ᭄᭞ᬭᬶᬂᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬤᬶᬲᬶᬗ᭄ᬳᬵᬲᬡ᭄ᬦᬵᬫᬮᬶᬗ᭄ᬕᬶᬄ᭞ᬘᬬᬫᬸᬭᬸᬩ᭄ᬓᬢᬗ᭄ᬓᬶᬮ᭄ᬩᬦ᭄ᬧᬭᬵᬫᬾᬦᬓ᭄᭟ᬮᬯᬸᬢ᭄ᬜᬮᬦᬂᬧᬫᭂᬡ᭄ᬥᬓ᭄᭞ᬓᬧᬲᬗ᭄ᬕ᭄ᬭᬳᬦ᭄ᬫᭂᬦ᭄ᬤᬓᬶᬦ᭄᭞ᬢ᭄ᬯᬦ᭄ᬧᬸ
ᬢ᭄ᬭᬶᬦᬯᬂᬘᭀᬡ᭄ᬤ᭄ᬭᬵ᭞ᬓᬧᭂᬡ᭄ᬥᬓ᭄ᬩᬦ᭄ᬤᭀᬮᬶᬫᬡᬶᬓ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬭᬶ᭞ᬢᬸᬫᬸᬮᬶᬲᬵᬫ᭄ᬧᬸᬦ᭄ᬫᬢ᭄ᬫᬸ᭞ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬤ᭄ᬭᬵ᭞ᬭᬶᬂᬢ᭄ᬯᬦ᭄ᬧᬸᬢ᭄ᬭᬶᬦᬶᬮᬵᬯᬢᬶ᭞ᬭᬤᬾᬦ᭄ᬕᬮᬸᬄᬦᬶᬍᬯᬢᬶᬫᬗᬸᬦ᭄ᬢᬸᬓᬂ᭟
ᬳᬾᬤᬍᬫ᭄ᬤᬶᬲ᭄ᬯᬪᬯᬵ᭞ᬢ᭄ᬯᬦ᭄ᬧᬸᬢ᭄ᬭᬶᬦᬶᬮᬵᬯᬢᬶ᭞ᬜᭂᬕ᭄ᬕᬸᬳᬂᬚᬬᬾᬂᬓᬸᬲᬸᬫᬵ᭞ᬤᬸᬭᬸᬂᬤᬵᬫᬤ᭄ᬯᬾᬭᬩᬶ᭞ᬢᭀᬓ᭄ᬭᬡᬵᬓᬶᬫᬸᬤ᭄ᬕᬢᬶ᭞ᬲ᭄ᬯᬵᬩᬯᬦᬾᬓᬮᬸᬮᬸᬲᬸ᭞ᬢ᭄ᬯᬦ᭄ᬧᬸᬢ᭄ᬭᬶᬲᬯᬂᬘᬶᬡ᭄ᬤ᭄ᬭᬵ᭞ᬳᬍᬧ᭄
Kaca:Bali-lontar-paparikan-panji-semirang-250ppi.pdf/48
Kaca puniki sampun kauji-wacén
