[᭔᭕ 45B]
᭔᭕
ᬲᬕᬾᬢ᭄ᬭᬯᬸᬄᬤᬶᬧᬦ᭄ᬧᬶ᭞ᬦ᭄ᬕᬭᬵᬓᬯᬲ᭄ᬢᬦᬶᬦ᭄᭞ᬚᬕᬢᬕᬦᬾᬓᬯᬸᬯᬸᬲ᭄᭞ᬮᬸᬢ᭄ᬧᬜ᭄ᬚᬶᬚᬬᬾᬂᬓᬸᬲᬸᬫᬵ᭞ᬗᬦ᭄ᬤᬶᬓᬬᬂᬫᬗ᭄ᬤᬾᬕ᭄ᬮᬶᬲ᭄᭞ᬫᬜᬸᬚᬸᬓᬂ᭞ᬧᬲᬗ᭄ᬕ᭄ᬭᬳᬦ᭄ᬲᬸᬩᬵᬧ᭄ᬭᬕᬢ᭄᭟ᬲᬂᬧ᭄ᬭ
ᬪᬹᬤᬶᬚᬕᬵᬭᬕ᭞ᬫᬧᬸᬢᬺᬳᬶᬤᬵᬓᬓᬮᬶᬄ᭞ᬮᬦᬂᬩᬕᬸᬲ᭄ᬦᬾᬤᬸᬳᬸᬭᬦ᭄᭞ᬦᬾᬳᬮᬶᬢᬦ᭄ᬳᬶᬲ᭄ᬢ᭄ᬭᬶᬍᬯᬶᬄ᭞ᬭᬤᬾᬦ᭄ᬯᬶᬭᬦ᭄ᬢᬵᬓᬯ᭄ᬬᬓ᭄ᬢᬶ᭞ᬧᬧᬭᬩᬾᬦᬾᬦᬾᬓᬓᬸᬂ᭞ᬦᬾᬳᬶᬲ᭄ᬢ᭄ᬭᬶᬫᬧ᭄ᬲᬾᬗᬦ᭄᭞
ᬢ᭄ᬯᬦ᭄ᬧᬸᬢ᭄ᬭᬶᬦᬶᬍᬯᬢ᭄ᬣᬶ᭞ᬲᬂᬧ᭄ᬭᬪᬸᬲ᭄ᬤᭂᬓ᭄ᬓᬢᬗ᭄ᬓᬶᬮ᭄ᬩᬦ᭄ᬧᬸᬢᬻ᭟ᬢᬦ᭄ᬥᬸᬫᬤᬾᬳᬤᬵᬢ᭄ᬓᬵ᭞ᬚᬢ᭄ᬫᬵᬧᬋᬓ᭄ᬤᬶᬳᬶᬤᬶᬳᬶᬲ᭄᭞ᬚᬦ᭄ᬫᬵᬧᬦ᭄ᬧᬶᬦᬵᬕᬭᬵ᭞ᬗᬸᬦᬶᬗᬬᬂᬯᬾᬦ᭄ᬢᭂᬦ᭄ᬧ᭄ᬭᬧ᭄ᬢᬶ᭞ᬳᬦᬓ᭄ᬤᬂᬚᬂᬩ
ᬕᬸᬲ᭄ᬕᭂᬜ᭄ᬚᬶᬂ᭞ᬫᭀᬦ᭄ᬤᭀᬓ᭄ᬤᬶᬧᬦ᭄ᬧᬶᬲᬵᬫ᭄ᬧᬸᬦ᭄᭞ᬫᬜ᭄ᬚᬸᬓᬂᬧᬲᬗ᭄ᬕ᭄ᬭᬳᬦ᭄᭞ᬲᬂᬧ᭄ᬭᬪᬸᬓ᭄ᬭᭀᬥᬵᬢᬦ᭄ᬲᬶᬧᬶ᭞ᬭᬭᬶᬲ᭄ᬗᬸᬘᬧ᭄ᬲᬤᬵᬮᬸᬫ᭄ᬧ᭄ᬬᬲ᭄ᬫᬲᬲᬸᬫ᭄ᬩᬃ᭟ᬳᬾᬗ᭄ᬕᬮᬂᬢᬸᬦ᭄ᬤᬾᬦ᭄ᬦᬩ᭄ᬤᬩᬂ᭞ᬲᬯ
[᭔᭖ 46A]
ᬢᭂᬓ᭄ᬬᬸᬤᬦᬾᬚᬦᬶ᭞ᬫᬓᬵᬤᬶᬫᬜ᭄ᬘᬧᬸᬗ᭄ᬕᬯ᭄ᬯᬵ᭞ᬤ᭄ᬫᬂᬢᬸᬫᭂᬗ᭄ᬕᬸᬂᬫ᭄ᬓᬤᬶ᭞ᬫᬗ᭄ᬤᬾᬗ᭄ᬢᬸᬓ᭄ᬫᬦᬮᬶᬦᬶᬦ᭄᭞ᬳᬦᬓᬾᬦᬾᬢ᭄ᬓᬵᬩᬯᬸ᭞ᬢ᭄ᬯᬭᬵᬮᬾᬦᬦ᭄ᬦᬾᬫᬳᬤᬦ᭄᭞ᬳᬶᬚᬬᬾᬂᬓᬸᬲᬸᬫᬵᬫᬳᬶ᭞ᬫᬤ
ᬤᬸᬕᬦ᭄᭞ᬫᬫᬸᬲᬸᬄᬳᬦᬓ᭄ᬚᬸᬫᬳᬵ᭟ᬳᬕᭂᬢ᭄ᬬᬾᬦ᭄ᬢ᭄ᬯᬭᬵᬫᬩᬱ᭄ᬝᬵ᭞ᬳᬶᬤᬸᬧ᭄ᬳᬶᬤᬸᬧᬦ᭄ᬓ᭄ᬭᬗ᭄ᬓᬾᬗ᭄ᬓᬗᬶᬦ᭄᭞ᬚ᭄ᬦᭂᬂᬜᬦᬾᬳᬍᬧ᭄ᬧᬶᬲᬦ᭄᭞ᬦᬗ᭄ᬳᬶᬂᬓ᭄ᬦᭂᬄᬦᬾᬘᬘᬂᬓ᭄ᬮᬶᬂ᭞ᬫᬸᬳᬸᬢ᭄ᬫᬸᬳᬸᬢᬂᬕᬸᬫᬶ᭞ᬳᬶᬧᬶᬤᬦ᭄ᬭᬚ
ᬲ᭄ᬥᬬᬸ᭞ᬳᬗ᭄ᬕᭀᬜᬘᬘᬶᬡ᭄ᬤᬶᬮᬦ᭄᭞ᬓᬕ᭄ᬩᬸᬕ᭄ᬓᬦ᭄ᬤᬶᬓᬮᬶᬡ᭄ᬤᬶᬄ᭞ᬢᭀᬂᬫᬬᬵᬚ᭄ᬦᭂᬂᬩᬕᬸᬲ᭄᭞ᬓ᭄ᬦᭂᬄᬚᬳᬢ᭄᭟ᬫᬳᬢᬹᬃᬧᬸᬢ᭄ᬭᬦᬾᬮᬦᬂ᭞ᬭᬤᬾᬦ᭄ᬯᬶᬭᬦ᭄ᬢᬓᬵᬭᬭᬶᬲ᭄᭞ᬲᬳᬵᬲᭂᬫ᭄ᬩᬄᬭᬶᬂᬲᬂᬦᬵᬣ
ᬧᬸᬦᬶᬓᬵᬯᬦ᭄ᬢᬄᬲᬸᬚᬢᬶ᭞ᬳᬓᬶᬤᬶᬓ᭄ᬩᭀᬬᬲᬗ᭄ᬰᬶᬄ᭞ᬭᬶᬂᬫᬦᬄᬢᬶᬢ᭄ᬬᬗᬾᬭᬢᬸ᭞ᬓᬤᬶᬯᬘᬡ᭄ᬦᬦ᭄ᬩᬧᬵ᭞ᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄ᬦᬾᬫᬗ᭄ᬓᬶᬦ᭄᭞ᬚᬕᬵᬗ᭄ᬚᬸᬓ᭄ᬳᬶᬚᬬᬾᬂᬓᬸᬲᬸᬫᬵ᭟ᬫᬗ᭄ᬓᬶᬦ᭄ᬯᬸᬲᬫᬶᬰ
Kaca:Bali-lontar-paparikan-panji-semirang-250ppi.pdf/46
Kaca puniki sampun kauji-wacén
