[᭔᭔ 44B]
᭔᭔
ᬤ᭄ᬓᬾᬦ᭄ᬮᬶᬗᭂᬗ᭄ᬓᭂᬩᬶᬦ᭄᭞ᬩ᭄ᬮᬶᬩᬕᬸᬲ᭄᭞ᬤᭀᬂᬫ᭄ᬭᬶᬓᬶᬚᬗ᭄ᬓᬸᬢᬶᬦ᭄ᬢᬶᬢ᭄ᬬᬂ᭟ᬓᬾᬢᭀᬗᬘᬾᬘᬂᬗ᭄ᬭᬕᬵ᭞ᬤᬶᬧᬫᬺᬫᬦ᭄ᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬫᬓᭂᬩ᭄ᬮᬾᬲ᭄ᬮᬯᬸᬢ᭄ᬧᭂᬲᬸᬯᬦ᭄᭞ᬤᬶᬳᭀᬭᭀᬓ᭄ᬳᭀ
ᬭᭀᬓᬾᬳᬮᬶᬄ᭞ᬳᬶᬚᬸᬳᬶᬦ᭄ᬤᬓᬦᬾᬩᬶᬦ᭄ᬢᬶᬢ᭄᭞ᬤᬶᬦᬢᬳᬾᬓᬗᬶᬦ᭄ᬓᬯᬸᬄ᭞ᬢᬹᬃᬫᬦᬶᬂᬤᬶᬧᬕ᭄ᬤᭀᬕᬦ᭄᭞ᬚᬭᬦᬾᬫᬰᬶᬄᬲ᭄ᬮᬶᬓ᭄ᬱᬶᬓ᭄᭞ᬩᬶᬮᬂᬳᬸᬫ᭄ᬧᬸᬢ᭄᭞ᬳᭀᬜᬵᬫᬓ᭄ᬚᬂᬓᬲᬩ᭄ᬲᬩ᭄᭟
ᬮᬯᬸᬢ᭄ᬫᬗᭀᬜᬗᬂᬓ᭄ᬮᬢ᭄᭞ᬢᬗᬶᬲ᭄ᬳᬶᬤᬵᬓᬮᬸᬫ᭄ᬩᬭᬶᬦ᭄᭞ᬢ᭄ᬯᬭᬵᬳᬤᬵᬫᬗ᭄ᬭᬸᬗᬸᬯᬂ᭟ᬯᬢᭂᬓ᭄ᬧᬗᬬᬳᬾᬲᬫᬶ᭞ᬫᭂᬦ᭄ᬤᭂᬧ᭄ᬢ᭄ᬯᬭᬵᬓᬸᬫᬭᬶᬲᬶᬦ᭄᭞ᬫ᭄ᬓᬤᬶᬳᬶᬤᬵᬲᬂᬧ᭄ᬭᬪᬹ᭞ᬢ᭄ᬯᬭᬵᬚᬗᬋᬱ᭄ᬧᬂ᭞
ᬓᬤᬶᬳᬾᬭᬂᬰ᭄ᬭᬷᬪᬹᬧᬢᬷ᭞ᬮᬸᬤᬶᬦ᭄ᬫᬶᬮᬶᬂᬭᬶᬂᬧ᭄ᬭᬫᬶᬰ᭄ᬯᬭᬶᬦᬾᬲᬾᬤ᭄ᬥᬵ᭟ᬫᬳᬯᬦᬦ᭄ᬳᬶᬤᬵᬲᬾᬤᬵ᭞ᬤᬾᬦᬶᬂᬫᬳᬵᬮ᭄ᬓᬸᬜ᭄ᬝᬶᬓ᭄᭞ᬦᬾᬚᬦᬶᬳᬾᬮᬶᬂᬭᬶᬂᬭᬕᬵ᭞ᬲᬂᬧ᭄ᬭᬪᬹᬓᬮᬶᬦ᭄ᬢᬂᬲ᭄ᬤᬶᬄ᭞ᬫᬫ
[᭔᭕ 45A]
ᬗᭂᬦᬂᬧ᭄ᬭᬫᬶᬰ᭄ᬯᬭᬶ᭞ᬦᬗ᭄ᬳᬶᬂᬚᬦᬶᬫᬳᬵᬮᬶᬓᬸ᭞ᬕᬸᬡᬦ᭄ᬜᬦᬾᬲᬸᬩᬵᬧᬸᬦᬄ᭞ᬳᬯᬦᬦ᭄ᬲᬂᬧ᭄ᬭᬪᬹᬕ᭄ᬢᬶᬂ᭞ᬫᬗᬦ᭄ᬢᭂᬦᬂᬫᬳᬵᬮᬶᬓᬸᬮᬸᬢ᭄ᬢᭂᬫ᭄ᬧᭀᬭᬢ᭄᭟ᬕᬮᬸᬄᬳᬚᭂᬂᬳ᭄ᬦᬸᬗᬭᬩ᭄᭞ᬤᬶᬦᬢᬳᬾᬚ᭄ᬭ
ᬢ᭄ᬚ᭄ᬭᬶᬢ᭄᭞ᬩ᭄ᬯᬶᬦ᭄ᬩᬸᬗ᭄ᬲᬶᬓᬧᬫᬺᬫᬦ᭄᭞ᬤᬶᬧᬫᬺᬫᬦ᭄ᬤᬶᬢᬸᬗᬸᬫᬶᬓ᭄᭞ᬳ᭄ᬮᬲ᭄ᬩ᭄ᬮᬶᬫᬗᬮᬳᬶᬦ᭄᭞ᬤᬶᬚ᭄ᬭᬳᬮᬶᬄᬢᬶᬢ᭄ᬬᬂᬭᬢᬸ᭞ᬬᬤᬶᬦ᭄ᬧᬤᬾᬳ᭄ᬮᬾᬦᬦ᭄᭞ᬩ᭄ᬮᬶᬗᬮᬶᬄᬳᬦᬓ᭄ᬳᬶᬲ᭄ᬢ᭄ᬭᬶ᭞ᬢ᭄ᬯᬭᬵᬳᬤᬵ᭞ᬚ᭄ᬕᬾᬕ
ᬦ᭄ᬭᬶᬂᬤᬾᬯᬾᬓ᭄ᬢᬶᬢ᭄ᬬᬂ᭟ᬓᬾᬢᭀᬗᬢᬾᬫᬾᬮ᭄ᬗᬭᬕᬵ᭞ᬕᬮᬸᬄᬳᬚᭂᬂᬲ᭄ᬬᬂᬮᬢ᭄ᬭᬶ᭞ᬩᬸᬓᬵᬳᬦᬓᬾᬦᬾᬳᬾᬤᬦ᭄᭞ᬢᬦ᭄ᬧ᭄ᬕᬢ᭄ᬫᬗᬢᬶᬳᬢᬶ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬕᬮᬸᬄᬳᬚᭂᬂᬮᬶᬦ᭄ᬢᬂᬘᬸᬮᬸ
ᬓ᭄᭞ᬧᬸᬮᬸᬓ᭄ᬢᭀᬦ᭄ᬤᬾᬦ᭄ᬫᬳᬦ᭄ᬗᭂᬜ᭄ᬘᬄ᭞ᬗᬫ᭄ᬧᬸᬮᬸᬓ᭄ᬤᬶᬚ᭄ᬭᭀᬦᬶᬂᬳᬢᬶ᭞ᬧᬮᬶᬂᬮᬶᬂᬮᬸᬂ᭞ᬕᬮᬸᬄᬳᬚᭂᬂᬓᬧ᭄ᬕᭀᬓᬂ᭟ᬲᬮᬶᬦᬂᬩ᭄ᬯᬶᬦ᭄ᬜᬢ᭄ᬯᬬᬂ᭞ᬚᬬᬾᬂᬓᬸᬲᬸᬫᬵᬦᬾᬚᬦᬶ᭞ᬳ᭄ᬦᬸᬫᬫᬃᬕ᭄ᬕᬶᬗᬸᬫ᭄ᬩᬭᬵ᭞
Kaca:Bali-lontar-paparikan-panji-semirang-250ppi.pdf/45
Kaca puniki sampun kauji-wacén
