[᭔᭓ 43B]
᭔᭓
ᬭᬚᬵᬲ᭄ᬥᬬᬸᬓᭀᬩ᭄ᬢᬦ᭄᭞ᬲᬸᬗ᭄ᬲᬸᬢ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬤᬾᬦᬶᬂᬢ᭄ᬯᬭᬵᬳᬶᬤᬾᬯᬶᬓᬦ᭄᭞ᬭᬶᬂᬯᬃᬡ᭄ᬦᬦ᭄ᬫᬦ᭄ᬢᬸᬦᬾᬢ᭄ᬯᬶ᭞ᬮᬸᬢ᭄ᬧᬘᬂᬓᬢᬶᬗ᭄ᬕᬮᬶᬦ᭄᭞ᬓᬧᬼᬕᭂᬦ᭄ᬭᬚᬵᬲ᭄ᬥᬬᬸ᭞ᬦᬾᬓᬸᬢᬸᬲ᭄ᬫᬧᬫᬶᬢ᭄ᬩᬸᬤ
ᬮ᭄᭞ᬢᬸᬫᬸᬮᬶᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬮ᭄ᬬᬸᬫᬳᬶᬭᬶᬗᬦ᭄ᬲᬂᬚᬬᬾᬂᬓᬸᬲᬸᬫᬵ᭟ᬧᬫᬃᬕ᭄ᬕᬶᬦᬾᬫᬗᬸᬫ᭄ᬩᬭᬵ᭞ᬩᬶᬮᬂᬦ᭄ᬕᬵᬭᬧᬗ᭄ᬕᬶᬳᬶᬦ᭄᭞ᬤᬶᬢᬸᬗ᭄ᬕᬳᬾᬧᬲᬗ᭄ᬕ᭄ᬭᬳᬦ᭄᭞ᬓᬕ᭄ᬩᬸᬕ᭄ᬫᬓ᭄ᬚᬂᬮᬶᬮᬶᬄ᭞ᬗᬬᬸᬄᬚᬕᬢᬾ
ᬲᬫᬶ᭞ᬬᬦ᭄ᬳᬓᬸᬤᬂᬜ᭄ᬚᬬᬵᬰᬢ᭄ᬭᬸ᭞ᬲᬬᬦ᭄ᬮᬶᬬᬸᬗ᭄ᬮᬄᬧᬜ᭄ᬚᬓ᭄᭞ᬚᬬᬾᬂᬓᬸᬲᬸᬫᬵᬦᬾᬫᬗ᭄ᬓᬶᬦ᭄᭞ᬤᬤᬶᬓᬲᬸᬩ᭄᭞ᬚᬬᬾᬂᬧᬸᬭᬸᬱᬵᬭᬶᬂᬧ᭄ᬭᬂ᭟ᬓ᭄ᬭᬡ᭄ᬦᬵᬓᬾᬢᭀᬫᬮᬓ᭄ᬱᬡᬵ᭞ᬗᬸᬫ᭄ᬩᬭᬵᬜ᭄ᬚᬄ
ᬚᬄᬦᬵᬕᬭᬶ᭞ᬲᬫᬗ᭄ᬤᬾᬦᬾᬲᬶᬤᬵᬩᬓᬢ᭄᭞ᬦᬾᬦᬾᬫᬸᬮᬵᬧᬘᬂᬳᬮᬶᬄ᭞ᬳᬧᬂᬳᬾᬗ᭄ᬕᬮ᭄ᬢ᭄ᬧᬸᬓᬶᬦ᭄᭞ᬲᬦᬾᬫᬗ᭄ᬭᬡᬬᬂᬳᬶᬩᬸᬓ᭄᭞ᬤᬤᬶᬫᬗ᭄ᬮᬮᬸᬯᬂᬫᬦᬄ᭞ᬦᬾᬫᬓ᭄ᬭᬡᬵᬲ᭄ᬤᬶᬄ
[᭔᭔ 44A]
ᬓᬶᬗ᭄ᬓᬶᬂ᭞ᬢ᭄ᬯᬭᬵᬮᬾᬦᬦ᭄ᬢ᭄ᬯᬄᬭᬤᬾᬦ᭄ᬧᬜ᭄ᬚᬶᬲ᭄ᬫᬶᬭᬂ᭟ᬳ᭄ᬦᭂᬗᬂᬫᬮᬸᬦᬸᬢᬸᬭᬂ᭞ᬢᬶᬫ᭄ᬩᬮᬂᬳᬸᬘᬸᬧᬂᬚᬦᬶ᭞ᬦᬾᬤᬶᬤ᭄ᬳᬵᬘᬭᬶᬢᬬᬂ᭞ᬕᬮᬸᬄᬳᬚᭃᬂᬮᬶᬦ᭄ᬢᬂᬲ᭄ᬤᬶᬄ᭞ᬤᬾᬦᬶᬂᬳᬶᬤᬵᬢ᭄ᬯᬭᬵᬳᬸᬦᬶᬂᬲᬳᬶ
ᬗ᭄ᬓᬄᬭᬓᬦᬾᬜᬭᬸ᭞ᬲᬄᬲᬓᬶᬂᬚᬕᬢ᭄ᬤ᭄ᬳᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬤ᭄ᬯᬦᬶᬂᬕᬮᬸᬄᬳᬚᭃᬂᬢ᭄ᬯᬭᬵᬓᬘᬸᬫ᭄ᬧ᭄ᬯᬦ᭄᭟ᬕᬮᬸᬄᬳᬚᭂᬂᬳᬸᬢ᭄ᬫᬵᬲᬾᬕ᭄ᬲᬕ᭄᭞ᬤᬶᬧᬫᬺᬫᬦ᭄ᬧᬮᬶᬂᬗᬮᬸᬄ᭞ᬤᬶᬲᬗ᭄ᬮ
ᬤᬾᬓᬲ᭄ᬮᬓ᭄ᬱᬓ᭄᭞ᬦᬗᬶᬂᬢ᭄ᬯᬭᬵᬤᬓᬧᬗ᭄ᬕᬶᬄ᭞ᬤᬶᬲ᭄ᬮᬕ᭄ᬲ᭄ᬮᬕᬦ᭄ᬧ᭄ᬢᬶ᭞ᬫᬓᬵᬤᬶᬩᬢᬦ᭄ᬓᬲᬹᬃ᭞ᬳᬸᬗ᭄ᬓᬩ᭄ᬳᬸᬗ᭄ᬓᬩ᭄ᬧ᭄ᬤᬲᬂ᭞ᬮᬗ᭄ᬲᬾᬦᬾᬓᬢᬸᬩᬲᬩᬶᬲ᭄᭞ᬤᬤᬶᬗᬸᬮᬸᬦ᭄ᬫᬲᬲᬵᬫ᭄ᬩᬢᬦ᭄ᬗ᭄ᬭᬕᬵ᭟ᬗᬸ
ᬤ᭄ᬬᬂᬩ᭄ᬮᬶᬲᬧᬸᬦᬶᬓᬵ᭞ᬗᭂᬗ᭄ᬓᭂᬩᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬤᭀᬫ᭄ᬭᬶᬓᬶᬭᬸᬫ᭄ᬭᬸᬫ᭄ᬢᬶᬢ᭄ᬬᬂ᭞ᬓᬾᬦᬾᬦᬢᬶᬢ᭄ᬬᬂᬲ᭄ᬤᬶᬄᬓᬶᬗ᭄ᬓᬶᬂ᭞ᬫᬗᬫᬾᬳᬫᬾᬩ᭄ᬮᬶ᭞ᬩ᭄ᬮᬶᬩᬲ᭄ᬤᭂᬫᭂᬦ᭄ᬫᬗᬸᬮ᭄ᬕᬸᬮ᭄᭞ᬫᬘᬡ᭄ᬥᬵᬢ᭄ᬓᬾᬦᬶᬂᬢᬶᬢ᭄ᬬᬂ᭞ᬲᬸᬳᬸ
Kaca:Bali-lontar-paparikan-panji-semirang-250ppi.pdf/44
Kaca puniki sampun kauji-wacén
