[᭔᭒ 42B]
᭔᭒
ᬲᬸᬫᬵ᭟ᬢ᭄ᬯᬦ᭄ᬧᬸᬢ᭄ᬭᬶᬓᬲᬸᬓ᭄ᬱ᭄ᬭᬄ᭞ᬳᬧᬂᬓᬫ᭄ᬩᬶᬮ᭄ᬓᬗ᭄ᬕᬾᬦ᭄ᬭᬩᬶ᭞ᬚᬬᬾᬓᬸᬲᬸᬫᬵᬦᬭᬶᬫᬵ᭞ᬧᬸᬢᬶᬦᬯᬂᬘᬶᬦ᭄ᬤ᭄ᬭᬵᬲ᭄ᬤᬶᬄ᭞ᬲᬤᬸᬭᬸᬗᬾᬘᬶᬗᬓᬶᬦ᭄᭞ᬦᬾᬧᬘᬂᬕ᭄ᬦᬳᬾᬓᬵᬢᬹᬃ᭞ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶ
ᬡ᭄ᬤ᭄ᬭᬵ᭞ᬩᬳᬸᬫᬭᬵᬫᬜᬶᬗᬓᬶᬦ᭄᭞ᬧᬜ᭄ᬚᬶᬚᬬᬾᬂᬓᬸᬲᬸᬫᬵᬓᬤᬶᬳ᭄ᬬᬂᬲ᭄ᬫᬭᬵ᭟ᬢ᭄ᬯᬦ᭄ᬧᬸᬢ᭄ᬭᬶᬦᬯᬂᬘᬶᬡ᭄ᬤ᭄ᬭᬵ᭞ᬤᬤᬶᬳᬸᬮᬗᬸᬦ᭄ᬢᬦ᭄ᬲᬶᬧᬶ᭞ᬲ᭄ᬤᬶᬳᬾᬳᬮᬄᬲᬧᬸᬳᬂ᭞ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞ᬲᬸᬩᬵᬤᬶ
ᬧᬲᬗ᭄ᬕ᭄ᬭᬳᬜ᭄ᬚᬦᬶ᭞ᬳᬸᬮᬸᬩᬮᬗᬾᬫᬓᬸᬫ᭄ᬧᬸᬮ᭄᭞ᬧᬥᬵᬫᬮ᭄ᬕᬦᬼᬕᬦ᭄᭞ᬫᬗᬸᬮᬸᬭᬶᬦ᭄ᬤ᭄ᬫᭂᬦ᭄ᬳᬢᬶ᭞ᬤᬶᬧ᭄ᬢᭂᬗᬾᬕᬮᬂᬩᬸᬮᬦ᭄ᬭᬫ᭄ᬬᬵᬧᬶᬲᬦ᭄᭟ᬤᬶᬧᬲᬗ᭄ᬕ᭄ᬭᬳᬦ᭄ᬫᬓᬵᬲᬸᬓᬦ᭄᭞ᬳᬶᬯᬶᬭᬸᬦ᭄ᬓᬮᬂᬫ᭄ᬓᬤᬶ
᭞ᬳᬶᬮᬸᬭᬄᬲ᭄ᬫᬃᬳᬡ᭄ᬥᬵᬓᬵ᭞ᬧᬥᬵᬗᬶᬕᭂᬮ᭄ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬲᬫ᭄ᬩᬶᬮᬵᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬫᬩ᭄ᬭᬶᬬᬕᬦ᭄ᬧᬥᬵᬤᬶᬢᬸ᭞ᬧᬜ᭄ᬚᬶᬚᬬᬾᬂᬓᬸᬲᬸᬫ᭞ᬗᬦ᭄ᬢᬾᬦ᭄ᬤᬶᬧᬫᬺᬫᬦ᭄ᬫᬗ᭄ᬓᬶᬦ᭄᭞ᬧᬓᬮᬶᬢᬦ᭄ᬲᬋᬂᬧᬸ
[᭔᭓ 43A]
ᬢ᭄ᬭᬶᬦᬯᬂᬘᬶᬡ᭄ᬤ᭄ᬭᬵ᭟ᬧᬲ᭄ᬫᭂᬗᬦ᭄ᬲᬵᬫ᭄ᬧᬸᬦ᭄ᬫ᭄ᬤᬓ᭄᭞ᬚᬬᬾᬂᬓᬸᬲᬸᬫᬵᬫ᭄ᬕᬗᬶ᭞ᬫᬗᬦ᭄ᬤᬶᬓᬵᬭᬶᬂᬳᬶᬓᬮᬂ᭞ᬳᬶᬭᬵᬫᬓ᭄ᬦᭂᬄᬦᬾᬚᬦᬶ᭞ᬚᬮᬦ᭄ᬩᬸᬤᬮ᭄ᬳᬸᬮᬶᬤᬶᬦᬶ᭞ᬢ᭄ᬯᬭᬵᬲᬸᬢᬸᬤ᭄ᬦᬦ᭄ᬤᬂᬳᬶᬩᬸᬓ᭄᭞ᬯᬶᬭᬾᬄᬢᭀ
ᬦ᭄ᬤᬾᬦ᭄ᬜᬶᬤᬬᬂ᭞ᬧᬜ᭄ᬚᬶᬲ᭄ᬫᬶᬭᬂᬓᬧᬗ᭄ᬕᬶᬄ᭞ᬦᬄᬤᬯᬸᬳᬂᬢ᭄ᬓᬾᬦ᭄ᬧᬜ᭄ᬚᬓᬾᬫᬓ᭄ᬚᬂ᭟ᬚᬬᬾᬂᬓᬸᬲᬸᬫᬵᬢᬗᬸᬘᬧ᭄᭞ᬳᬋᬧ᭄ᬫᬭᬶᬂᬢ᭄ᬯᬦ᭄ᬧᬸᬢ᭄ᬭᬶ᭞ᬩ᭄ᬮᬶᬧᬘᬂᬫᬗᬸᬫ᭄ᬩᬭᬵ᭞ᬳᬤᬶᬓᬾᬦ᭄ᬓᬾᬦ᭄ᬩᬸᬓᬵᬚᬦᬶ᭞ᬢ᭄ᬯᬦ᭄ᬧᬸᬢ᭄ᬭᬶᬫ
ᬢᬹᬃᬪᬓ᭄ᬢᬶ᭞ᬢᬶᬢ᭄ᬬᬂᬗᬶᬭᬶᬂᬭᬵᬢᬸᬳᬕᬸᬂ᭞ᬬᬤᬶᬦ᭄ᬓᬶᬚᬵᬩ᭄ᬮᬶᬮᬸᬗ᭄ᬳᬵ᭞ᬫᬗ᭄ᬤᬵᬢᬶᬢ᭄ᬬᬂᬲᬋᬂᬩ᭄ᬮᬶ᭞ᬭᬭᬶᬲ᭄ᬗᬸᬘᬧ᭄ᬢᬬᬾᬂᬓᬸᬲᬸᬫᬵᬗᬸᬢᬸᬲᬂ᭟ᬫᬫᬋᬓ᭄ᬧᬘᬂᬗᬺᬓᬲᬂ᭞ᬭᬾᬄᬚᬬᬾᬂᬲᬸᬫᬵᬫᬗ᭄ᬓᬶᬦ᭄᭞ᬫᬫᬃᬕ᭄ᬕᬶᬧᬘᬂᬗᬸ
ᬫ᭄ᬩᬭᬵ᭞ᬦᬾᬓᬳᬸᬢᬸᬲ᭄ᬮᬸᬢ᭄ᬫᬫᬃᬕ᭄ᬕᬶ᭞ᬕᭂᬕᬗ᭄ᬲᬭᬦ᭄ᬲᬤᬵᬕᬶᬧᬶᬄ᭞ᬢᬶᬦ᭄ᬤᬓᬦᬾᬲᬤᬵᬲᬶᬲᬸ᭞ᬲᬭᬯᬸᬳᬾᬭᬶᬂᬧᬸᬭᭀᬬᬦ᭄᭞ᬗᬸᬦᬶᬗᬬᬂᬲᬳᬵᬪᬓ᭄ᬢᬶ᭞ᬲᬵᬫ᭄ᬧᬸᬦ᭄ᬫᬢᬹᬃ᭞ᬳᬸᬢᬸᬲᬦᬾᬫᬶᬤᬃᬢ᭄ᬣᬬᬂ᭟
Kaca:Bali-lontar-paparikan-panji-semirang-250ppi.pdf/43
Kaca puniki sampun kauji-wacén
