[᭔᭑ 41B]
᭔᭑
ᬳᭀᬲᬦ᭄᭟ᬗᬸᬦᬶᬗᬬᬂᬯᬯᭂᬗ᭄ᬓᬦ᭄᭞ᬲ᭄ᬥᬬᬸᬯᬾᬦ᭄ᬢᭂᬦ᭄ᬦᬾᬫᬗ᭄ᬓᬶᬦ᭄᭞ᬳᬦᬓ᭄ᬮᬦᬂᬩᬕᬸᬲ᭄ᬚᬂᬚᬂ᭞ᬲᬵᬫ᭄ᬧᬸᬦ᭄ᬫᭀᬦ᭄ᬤᭀᬓ᭄ᬭᬶᬂᬧᬦ᭄ᬧᬶ᭟ᬗᬃᬬ᭄ᬬᬧᬲᬗ᭄ᬕ᭄ᬭᬳᬦ᭄ᬧᬱ᭄ᬝᬶ᭞ᬫᬕᬶᬭᬶᬗᬜ᭄ᬚᬦ᭄ᬫᬵᬮ᭄ᬬᬸ᭞ᬓᬕ᭄ᬬᬢ᭄ᬩᬸᬫᬭ
ᬫᬶᬋᬗᬂ᭞ᬭᬚᬵᬲ᭄ᬤᬬᬸᬦᬾᬚᬦᬶ᭞ᬩ᭄ᬗᬄᬩ᭄ᬗᬸᬄᬧ᭄ᬭᬭᬳᬶᬦᬾᬲᭂᬩᬸᬄᬮᬡ᭄ᬥᬂ᭟ᬲᬂᬧ᭄ᬭᬪᬹᬭᬭᬶᬲ᭄ᬦᬯᬸᬳᬂ᭞ᬭᬶᬂᬧᬸᬗ᭄ᬕᬯᬵᬫᬵᬜ᭄ᬘᬫᬵᬦ᭄ᬢ᭄ᬭᬶ᭞ᬫ᭄ᬓᬲ᭄ᬤᬶᬭᬶᬂᬯᬢᭂᬓ᭄ᬬᬸᬤᬵ᭞ᬥ᭄ᬫᬂᬢᬸᬫᭂᬗ᭄ᬕᬸᬗᬾᬲᬫᬶ᭞ᬲᬫᬶᬲᬵᬫ᭄ᬧᬸᬦ᭄ᬥᬸᬫ
ᬯᬶᬲ᭄᭞ᬗᬫᭀᬂᬲᬲᬶᬓᭂᬧᬜ᭄ᬘᬸᬓᬸᬧ᭄᭟ᬢᬫᬸᬮᬶᬮᬯᬸᬢ᭄ᬫᬚᬮᬦ᭄᭞ᬫᬶᬯᬄᬳᬸᬮᬸᬩᬮᬂᬲᬫᬶ᭞ᬗᬚᬧ᭄ᬳᬚᬧ᭄᭞ᬫᬸᬲᬸᬳᬾᬲᬵᬫ᭄ᬩᬶᬮ᭄ᬫᬲᬹᬃᬬ᭄ᬬᬓ᭄᭟ᬲᬸᬩᬵᬦᬾᬫᬋᬧ᭄ᬳᬋᬧᬦ᭄᭞ᬲᬲᬸᬫ᭄ᬩᬭᬾᬯᬦ᭄ᬢᬶᬯᬦ᭄ᬢᬶ
᭞ᬕ᭄ᬮᬶᬲ᭄ᬳᬶᬯᬶᬭᬸᬦ᭄ᬳᬶᬓᬮᬂ᭞ᬮᬸᬭᬄᬲ᭄ᬫᬃᬫᬶᬦᬵᬓᬤᬶ᭞ᬳ᭄ᬬᬡ᭄ᬥᬓᬵᬢᬦ᭄ᬓᬵᬭᬶ᭞ᬫᬓ᭄ᬚᬂᬧᬥᬫᬗᬫᬸᬓ᭄᭞ᬫᬲ᭄ᬬᬢ᭄ᬲᬮᬶᬂᬘᬓ᭄ᬘᬓ᭄᭞ᬳᬶᬮᬸᬭᬄᬲ᭄ᬫᬃᬗᬗᬶᬩᬶᬦ᭄᭞ᬧᬲ᭄ᬬᬢᬾᬲᬶᬓᭂᬧ᭄ᬲᬶᬤ᭄ᬥᬬᬸᬦᬾᬋᬩᬄ᭟ᬲ
[᭔᭒ 42A]
ᬬᬦ᭄ᬫᬭᬱᬵᬓᬧ᭄ᬲᬦ᭄᭞ᬧᬜ᭄ᬘᬓ᭄ᬱᭂᬤ᭄ᬥᬬᬸᬦᬾᬫᬗ᭄ᬓᬶᬦ᭄᭞ᬫᬮᬳᬶᬩ᭄ᬲᬮᬶᬂᬧᬮᬶᬯᬢ᭄᭞ᬕᬸᬲ᭄ᬢᬶᬦ᭄ᬜᬦᬾᬓᬧ᭄ᬮᬳᬶᬩᬶᬦ᭄᭞ᬗᭂᬘᬕᬂᬲᬜ᭄ᬚᬢ᭄ᬣᬵᬲᬫᬶ᭞ᬯᬶᬭᬾᬄᬬᬵᬫᬩᬸᬤᬶᬳᬶᬤᬸᬧ᭄᭞ᬤ᭄ᬫᬂᬢᬸᬫᭂᬗ᭄ᬕᬸᬂᬩᬸ
ᬜᬶᬗᬓ᭄᭞ᬳᬸᬕᬸᬩᬮᬗᬾᬫᬮᬳᬶᬩ᭄᭞ᬕᬸᬢ᭄ᬫᬗᬫᬸᬓ᭄ᬫᬘ᭄ᬧᬸᬓ᭄ᬢ᭄ᬓᬾᬦ᭄ᬳᬶᬓᬮᬂ᭟ᬫᬶᬯᬄᬳᬶᬯᬶᬭᬸᬦ᭄ᬳᬶᬲ᭄ᬫᬃ᭞ᬧᬲ᭄ᬬᬢᬾᬧᬲ᭄ᬮᬾᬂᬧᬦ᭄ᬢᬶᬂ᭞ᬤ᭄ᬫᬂᬢᬸᬫᭂᬗ᭄ᬕᬸᬗᬾᬲᬫ᭄ᬬᬦ᭄᭞ᬫᬵᬜ᭄ᬘᬵᬫᬵᬦ᭄ᬢ᭄ᬭᬶᬫᬓᬲᬫᬶ᭞ᬧᬥᬵ
ᬓᬲᭀᬭᬜ᭄ᬚᬸᬭᬶᬢ᭄᭞ᬤ᭄ᬫᬂᬢᬸᬫᭂᬗ᭄ᬕᬸᬂᬫᬳ᭄ᬚᬸᬓ᭄᭞ᬫᬜ᭄ᬘᬵᬫᬵᬦ᭄ᬢ᭄ᬭᬶᬲᬶᬦᬫ᭄ᬬᬦ᭄᭞ᬧᬥᬵᬫᬩ᭄ᬭᬶᬕᬸᬫᬢᬮᬶ᭞ᬩᬢᬸᬫᬭᬵᬳᬸᬮᬸᬩᬮᬗᬾ᭞ᬗᬦ᭄ᬢᭂᬦᬂ᭟ᬥ᭄ᬫᬂᬢᬸᬫᭂᬗ᭄ᬕᬸᬂᬫᬩᬱ᭄ᬝᬵ᭞ᬫᬓᬵᬫᬶᬯᬄᬫᬵᬜ᭄ᬘᬵ
ᬫᬵᬦ᭄ᬢ᭄ᬭᬶ᭞ᬳᬸᬮᬸᬩᬮᬗᬾᬫᬓ᭄ᬚᬂ᭞ᬦᬕ᭄ᬮᬂᬲᬶᬓᭂᬧᬾᬕ᭄ᬮᬶᬲ᭄᭞ᬕ᭄ᬮᬶᬲ᭄ᬫᬜ᭄ᬭᬳᬂᬲᬫᬶ᭞ᬫᬩ᭄ᬭᬶᬬᬸᬓ᭄ᬬᬧᬥᬵᬦᬸᬗ᭄ᬓᬸᬮ᭄᭞ᬤᬤᬶᬢ᭄ᬯᬭᬵᬗ᭄ᬮᬄᬩᬡ᭄ᬥᬵ᭞ᬭᬵᬚᬲ᭄ᬥᬬᬸᬭᬶᬂᬕ᭄ᬮᬶᬲ᭄᭞ᬲᬵᬫ᭄ᬧᬸᬦ᭄ᬗᬬᬸᬄᬭᬶᬂᬧᬜ᭄ᬚᬶᬭᬬᬾᬂᬓᬸ
Kaca:Bali-lontar-paparikan-panji-semirang-250ppi.pdf/42
Kaca puniki sampun kauji-wacén
