[᭓᭘ 38B]
᭓᭘
ᬲᬦᬾᬳᬢᬸᬭᬶᬜᬫᬮᬸ᭞ᬭᬶᬂᬧᬜ᭄ᬚᬶᬲ᭄ᬫᬶᬭᬂᬍᬘᬶᬂ᭞ᬢᭀᬳᬗ᭄ᬕᭀᬦ᭄ᬦᬸᬮ᭄ᬢᬸᬮ᭄ᬬᬾᬄᬘᬶᬗᬦ᭄᭞ᬕᬕᬸᬮᬶᬗᬾᬕ᭄ᬮᬸᬢ᭄᭞ᬳᬭᬲ᭄rᬳᬳᬲ᭄ᬤᬶᬧᬫᬺᬫᬦ᭄᭞ᬦᬭᬵᬳᬾᬤᬦ᭄᭞ᬕᭂᬩ᭄ᬬᬕ᭄ᬕᭂᬩ᭄ᬬᬸᬕ᭄ᬫᬦ᭄ᬢᬕ᭄ᬫᬦ᭄ᬢᬶᬕ᭄᭞
ᬦ᭄ᬥᬸᬮᬫᬾᬳᬶᬧᬜ᭄ᬚᬶᬲ᭄ᬫᬶᬭᬂ᭟ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬭᬭᬶᬲ᭄ᬫᬶᬚᬶᬮ᭄ᬫᬡ᭄ᬥᬯᬸᬳᬂ᭞ᬧᬘᬂᬗᬫᬃᬕ᭄ᬬᬂ᭞ᬫᬦ᭄ᬢᬸᬓ᭄ᬧ᭄ᬭᬤᬦᬵᬫᬵᬦ᭄ᬢ᭄ᬭᬶᬦᬾ᭞ᬢᬸᬮᬓ᭄ᬓᬓᬸᬭᬶᬧᬦ᭄ᬫᬢᬸᬃ᭞ᬭᬶᬂᬳᬶᬤᬵᬰ᭄ᬭᬷᬦᬭᬵᬧᬢᬶ᭞ᬓᬾᬦᬾᬗᬦ᭄ᬤᬶ
ᬓᬵᬩᬦ᭄ᬩᬦ᭄᭞ᬫ᭄ᬭᬶᬓᬵᬩ᭄ᬮᬶᬫᬵᬦ᭄ᬢᬸᬓ᭄᭞ᬫᬋᬓ᭄ᬱᬂᬦᬵᬣᬓᭀᬭᬶᬧᬦ᭄᭞ᬗᬸᬦᬶᬗᬬᬂ᭞ᬢ᭄ᬬᬂᬦᬾᬦᬦ᭄ᬤᬶᬦ᭄ᬢᬸᬮᬓ᭄ᬫᬸᬮᬶᬄ᭞ᬬᬾᬦ᭄ᬢ᭄ᬯᬭᬵᬰᬶᬤᬵᬩᬓᬢ᭄᭟ᬕᬮᬸᬄᬘᬶᬡ᭄ᬤ᭄ᬭᬵᬓᬶᬭᬡᬵᬩᬦ᭄ᬢ᭄ᬬᬂᬗᬮᬶᬄ᭞ᬤᬾᬦᬶᬂᬲᬸ
ᬩᬵ᭞ᬳᬶᬮᬂᬳᬸᬮᬶᬤ᭄ᬳᬵ᭞ᬢ᭄ᬬᬂᬗᭂᬢᬸᬢ᭄ᬧᬮᬓᬸᬦᬾ᭞ᬲᬵᬫ᭄ᬧᬸᬦᬾᬧᬸᬧᬸᬢ᭄ᬓᬤᬯᬸᬄ᭞ᬫᬜ᭄ᬘᬫᬦ᭄ᬢ᭄ᬭᬶᬜᬸᬫ᭄ᬩᬄᬭᬭᬶᬲ᭄᭞ᬫᬫᬃᬕ᭄ᬕᬶᬓᬓᭀᬭᬶᬧᬦ᭄᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬤᬶᬓᬸᬭᬶᬧᬦ᭄ᬗᬧᬸᬭᬶᬬᬂ᭞
[᭓᭙ 39A]
ᬗᬸᬦᬶᬗᬬᬂ᭞ᬲᬧᬭᬶᬓᬡ᭄ᬥᬦᬾᬲᬫᬶ᭞ᬭᬶᬂᬲᬂᬧ᭄ᬭᬪᬹᬓᭀᬭᬶᬧᬦ᭄᭟ᬲᬂᬧ᭄ᬭᬪᬸᬦᬦᭂᬂᬗᭂᬫ᭄ᬩᭂᬂᬬᬾᬄᬳᬓ᭄ᬱᬶᬩᬸᬫᬶᬋᬗᬂ᭞ᬓᬤᬶᬧᬫᬶᬤᬵᬃᬢ᭄ᬣᬵ᭞ᬳᬢᬹᬃᬧ᭄ᬭᬤᬦᬵᬫᬵᬦ᭄ᬢ᭄ᬭᬶᬦᬾ᭞ᬫᬤ᭄ᬳᭂᬧᬦ᭄ᬫᬦ᭄ᬢᭂᬕ᭄ᬧᬸᬧᬸ᭞
ᬤ᭄ᬓᭂᬲ᭄ᬤᭂᬓᭂᬲ᭄ᬲᬤᬵᬢᬶᬢᬶᬭ᭄᭞ᬓᬤᬶᬫᬺᬗᭂᬢᬾᬗᬦ᭄ᬤᬶᬓᬵ᭞ᬓᬾᬦ᭄ᬓᬾᬦ᭄ᬦᬾᬦᬾᬫᬵᬮᬸ᭞ᬢ᭄ᬯᬭᬵᬳᬶᬬᬤᬶᬗᭀᬃᬢ᭄ᬢᬬᬂ᭞ᬉᬮᬶᬤ᭄ᬳᬵ᭞ᬲᬳᬶᬮᬗᬾᬢ᭄ᬯᬦ᭄ᬧᬸᬢ᭄ᬭᬶ᭞ᬢ᭄ᬯᬭᬵᬳᭀᬮᬲ᭄ᬫᬳᬂᬲᬸᬭᬵᬢ᭄᭟ᬢ᭄ᬯᬭᬵᬮᬾ
ᬦᬦ᭄ᬢ᭄ᬯᬄᬬᬵᬦᬓ᭄ᬳᬗ᭄ᬲᬶᬓ᭄ᬫᬗ᭄ᬭᬦᬬᬂ᭞ᬢ᭄ᬯᬦ᭄ᬕᬮᬸᬄᬳᬶᬮᬂ᭞ᬤᬩ᭄ᬤᬩᬦ᭄ᬳᬶᬮᬶᬓᬸᬚ᭄ᬮᬾ᭞ᬤᬾᬦᬶᬂᬲᬤᬵᬤ᭄ᬫᭂᬦ᭄ᬗᬤᬸᬄ᭞ᬕᬸᬡᬵᬢᬹᬃᬧᬗᬰᬶᬄᬳᬰᬶᬄ᭞ᬳᬧᬂᬤᬤᬶᬓᬾᬤᬍᬫᬦ᭄᭞ᬳ᭄ᬬᬤᬶᬮᬯᬸᬢ᭄ᬢᬓᬸᬢ᭄᭞ᬲᬓ᭄ᬦᭂᬳᬾ
ᬓᬤᬕᬶᬗᬦ᭄᭞ᬓᬾᬦ᭄ᬲᬂᬦᬵᬣ᭞ᬓ᭄ᬭᬡᬵᬳᬶᬮᬂᬢ᭄ᬯᬦ᭄ᬧᬸᬢ᭄ᬭᬶ᭞ᬫᬳᬵᬮᬶᬓᬸᬫᬸᬮᬵᬩᬬᬵ᭟ᬧ᭄ᬭᬫᬶᬰ᭄ᬯᬭᬶᬲᬶᬕ᭄ᬲᬶᬕᭂᬦ᭄ᬫᬦᬗᬶᬲ᭄ᬗᬗᭂᬦ᭄ᬳᭀᬓᬵ᭞ᬤᬾᬦᬶᬂᬮᬶᬯᬢ᭄ᬲᬬᬂ᭞ᬭᬤᬾᬦ᭄ᬦᬸᬓᬃᬢ᭄ᬣᬵᬧᬢᬶ
Kaca:Bali-lontar-paparikan-panji-semirang-250ppi.pdf/39
Kaca puniki sampun kauji-wacén
