[᭓᭙ 39B]
᭓᭙
ᬦᬾ᭞ᬦᬾᬦᬾᬚᬦᬶᬲᬂᬧ᭄ᬭᬪᬹ᭞ᬢ᭄ᬯᬭᬵᬢᬳᬾᬦ᭄ᬳᬶᬤᬵᬓᬢᬗ᭄ᬓᬶᬮ᭄᭞ᬤᬾᬦᬶᬂᬲᬸᬗ᭄ᬲᬸᬢᬾᬓᬮᬶᬦ᭄ᬢᬂ᭞ᬤᬶᬓᬹᬭᬶᬧᬦ᭄ᬲᬵᬫ᭄ᬧᬸᬦ᭄᭞ᬩᬜ᭄ᬘᬶᬗᬳᬾᬢᬦ᭄ᬧᬥᬶᬧ᭄ᬢᬵ᭞ᬓᬾᬢᭀᬧᬶᬲᬦ᭄᭞ᬤᬶᬓᭀᬭᬶᬧᬦ᭄ᬩᬸᬓ
ᬚᬦᬶ᭞ᬤᬾᬦᬶᬂᬲᬂᬧ᭄ᬭᬪᬹᬓᭀᬜ᭄ᬘᬦ᭄᭟ᬲᬲᬵᬫ᭄ᬧᬸᬦᬾᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬗᬫᬃᬕ᭄ᬬᬂ᭞ᬧᬋᬓᬦ᭄ᬓᭀᬭᬶᬧᬦ᭄᭞ᬩᬦ᭄ᬩᬦ᭄ᬳᬮᬸᬲ᭄ᬧᬗᬸᬘᬧᬾ᭞ᬲ᭄ᬯᬪᬯᬦᬾᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬦᬄᬓᬾᬦ᭄ᬓᬾ
ᬦ᭄ᬳᬶᬥᭂᬧᬾᬚᬦᬶ᭞ᬓ᭄ᬦᭂᬳᬶᬦ᭄ᬳᬚᬓ᭄ᬫᬓ᭄ᬚᬂ᭞ᬳᬧᬂᬲᬶᬤ᭄ᬥᬵᬢ᭄ᬧᬸᬓ᭄᭞ᬳᬶᬬᬤᬶᬘᬶᬡ᭄ᬤ᭄ᬭᬓᬶᬭᬡᬵ᭞ᬫᬵᬢᬹᬃᬲᭂᬫ᭄ᬩᬄ᭞ᬧᬋᬓᬦᬾᬫᬓᬲᬫᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭟ᬲᬭᬵᬮᬾᬤᬂᬓᬬᬸᬦᬦᬾ
ᬫᬗ᭄ᬓᬶᬦ᭄᭞ᬭᬢᬸᬢᬶᬢ᭄ᬬᬂ᭞ᬩᭀᬬᬧᬘᬂᬧᬶᬯᬮ᭄᭞ᬕᬫᭂᬮ᭄ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬗᬾ᭞ᬲᬋᬂᬢᬶᬢ᭄ᬬᬂᬲᬫᬶᬭᬵᬢᬸ᭞ᬬᬤᬶᬦ᭄ᬫᬢ᭄ᬫᬳᬦ᭄ᬧᬢᬶ᭞ᬲᬵᬫ᭄ᬧᬸᬦ᭄ᬫᬮᬶᬄᬲᬸᬫᬦ᭄ᬤᬾᬬᬵ᭞ᬭᬶᬂᬢᬶᬢ᭄ᬬᬂᬤᬾᬯᬕᬸᬂ᭞ᬓᬾ
[᭔᭐ 40A]
ᬳᭀᬳᬢᬹᬃᬳᬩ᭄ᬭᬶᬬᬸᬓᬦ᭄᭞ᬭᬭᬶᬲ᭄ᬗᬸᬘᬧ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬦᬾᬦᬾᬚᬦᬶᬦ᭄ᬦᭂᬄᬦᬶᬭᬵ᭟ᬳᬶᬥᭂᬧᬶᬭᬵᬦ᭄ᬢᭀᬦᬾᬦᬾᬚᬦᬶ᭞ᬗᬸᬫ᭄ᬩᬂᬚᬕᬢ᭄᭞ᬲᬭᬵᬢᬶᬢᬄᬲᬂᬳ᭄ᬬᬂ᭞ᬓᬶᬚᬵᬓ
ᬢᬸᬕ᭄ᬦᬄᬳᬮᬶᬄ᭞ᬲᬭᬵᬢᬶᬢᬄᬳ᭄ᬬᬂᬢᬸᬤᬸᬄ᭞ᬬᬤᬶᬦ᭄ᬳᬶᬤᬸᬧ᭄ᬬᬤᬶᬦ᭄ᬫᬳᬶ᭞ᬳᬶᬭᬵᬫᬧᬶᬲᬦ᭄ᬧᬶᬲᬦ᭄᭞ᬧᬶᬲᬦ᭄ᬳᬧᬂᬮᬫ᭄ᬧᬸᬲ᭄᭞ᬫᬢᬶᬦᬾᬤᬶᬚᬮᬜ᭄ᬚᬮᬦ᭄᭞ᬫᬓᬵᬤᬶᬜ᭞ᬧᬘᬂᬜᬭᬸᬦᬾᬦᬾ
ᬚᬦᬶ᭞ᬳᬶᬭᬵᬧᬘᬂᬗᭂᬦ᭄ᬢᬶᬳᬤᬦ᭄᭞ᬧᬜ᭄ᬚᬶᬭᬬᬾᬦᬵᬕ᭄ᬓᬸᬲᬸᬫᬵᬦᬾᬚᬦᬶᬳᬤᬦᬶᬭᬵ᭞ᬫᬓᬤᬶᬳᬶᬧᬸᬦ᭄ᬢᬵ᭞ᬳᬶᬢᬡ᭄ᬥᬓᬵᬳᬤᬦ᭄ᬜᬦᬾ᭞ᬳᬶᬚ᭄ᬭᬸᬤᬶᬫᬤᬦ᭄ᬳᬶᬯᬶᬭᬸᬦ᭄᭞ᬓᬮᬶᬄᬳᬶᬓᬵᬃᬢ᭄ᬢᬮᬵ
ᬚᬦᬶ᭞ᬧᬢᬸᬢ᭄ᬫᬤᬦ᭄ᬳᬶᬓᬮᬂ᭞ᬳᬶᬧ᭄ᬭᬲᬦᬵᬢᬵᬳᬦᬸᬢ᭄᭞ᬫᬳᬤᬦ᭄ᬳᬶᬮᬸᬭᬄᬲ᭄ᬫᬃ᭞ᬦᬄᬤᬯᬸᬢᬂ᭞ᬢ᭄ᬓᬾᬦᬶᬂᬭᭀᬯᬗᬾᬚᬦᬶ᭞ᬦᬾᬚᬦᬶᬧᬘᬂᬫᬚᬮᬦ᭄᭟ᬲᬲᬵᬫ᭄ᬧᬸᬦᬾᬓᬤᬯᬸᬳᬜ᭄ᬚᬦᬶ
Kaca:Bali-lontar-paparikan-panji-semirang-250ppi.pdf/40
Kaca puniki sampun kauji-wacén
