[᭓᭗ 37B]
᭓᭗
ᬢᬹᬃᬲᬫ᭄ᬩᬶᬮ᭄ᬩ᭄ᬓᬸᬢ᭄᭞ᬮᬶᬮᬬᬂᬓᬬᬸᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦᬂᬫᬾᬫᬾᬦ᭄ᬥᬸᬓᬂ᭞ᬧᬓᬬᬸᬦᬾᬦᬲᬸᬂᬲᬸᬢ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬶᬭᬶᬗᬂ᭞ᬫᬾᬅ᭄ᬓᬤ᭄ᬳᬵ᭞ᬤ᭄ᬯᬦᬶᬂᬳᬤᬶᬕᬮᬸᬄᬫᬵᬗ᭄ᬓᬶᬦ᭄᭞ᬗᬶᬘᬮ᭄ᬬᬦ᭄ᬓᬧᭀ
ᬓᬶᬚᬵ᭟ᬮᬢ᭄ᬫᬫᬃᬕ᭄ᬕᬶᬤᬾᬦ᭄ᬦᬸᬓᬃᬢ᭄ᬣᬵᬧᬢᬶᬕᬕᬗ᭄ᬲᬭᬦ᭄᭞ᬗᬶᬭᬶᬗᬂᬓᬤ᭄ᬳᬵ᭞ᬲᬭᬯᬸᬄᬫᬳᬵᬤᬾᬯᬶᬦᬾ᭞ᬤᬶᬤ᭄ᬳᬵᬲᬸᬩᬵᬗ᭄ᬮᬯᬸᬢ᭄᭞ᬳᬶᬧᬸᬦ᭄ᬢᬵᬓᬃᬢ᭄ᬢᬮᬵᬗᬶᬭᬶᬂ᭞ᬓᬧᬸᬭᬶᬫᬋᬓ᭄ᬱᬂᬦᬵᬣ
᭞ᬫᬳᬵᬤᬾᬯᬶᬩ᭄ᬮᬸᬲ᭄᭞ᬧᬗᬓ᭄ᬱᬶᬦᬾᬫᬓᬵᬤᬤ᭄ᬯᬵ᭞ᬦᬗ᭄ᬳᬸᬂᬳᬶᬤᬵᬫ᭄ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬤᬶᬚᬩᬬᬦ᭄ᬫᬗᬦ᭄ᬢᭀᬲᬂ᭟ᬲᬭᬯᬸᬳᬾᬫᬳᬵᬤᬾᬯᬶᬭᬶᬂᬧᬸᬭᬶ᭞ᬩᬸᬓᬘᬶᬗᬓ᭄᭞ᬭᬶᬂᬳᬶᬤᬵᬲᬂᬦ
ᬣᬵ᭞ᬓᬮᬶᬦ᭄ᬢᬂᬲ᭄ᬩᭂᬢ᭄ᬓᬬᬸᬦᬾ᭞ᬫᬭᬵᬫ᭄ᬩᬓᬼᬢᭂᬕ᭄ᬭᬶᬂᬓᬬᬸᬦ᭄᭞ᬫᬾᬮᬶᬂᬢ᭄ᬓᬵᬦ᭄ᬧ᭄ᬭᬫᬶᬰ᭄ᬯᬭᬶ᭞ᬦᬾᬲᬵᬫ᭄ᬧᬸᬦ᭄ᬦᬶᬗ᭄ᬕ᭄ᬮ᭄ᬲᬾᬤ᭄ᬥᬵ᭞ᬤᬾᬦᬶᬂᬫᬳᬵᬮᬶᬓᬸ᭞ᬫᬗ᭄ᬭᬘᬸᬦ᭄ᬩᬳᬦ᭄ᬤ᭄ᬭᭀᬯᬓᬵ᭞ᬚᬦᬶᬲᬸᬩᬵᬕᬸ
[᭓᭘ 38A]
ᬖᬵᬦ᭄ᬜᬦᬾᬧᬸᬦᬄᬲᬫᬶ᭞ᬫᬳᬵᬮᬶᬓᬸᬢᬦ᭄ᬓᬋᬗ᭄ᬳᬵ᭟ᬤᬤ᭄ᬬᬚᬦᬶᬫᬳᬵᬤᬾᬯᬶᬓᬲᬬᬗᬂ᭞ᬭᬶᬂᬳᬶᬤᬵᬲᬂᬦᬵᬣᬵᬤᬤᬶᬚᬦᬶᬧᬗᭂᬦ᭄ᬤᬶᬦᬾ᭞ᬧ᭄ᬭᬫᬶᬰ᭄ᬯᬭᬶᬦᬾᬫᬮᬸ᭞ᬚᬦᬶᬫᬭᬵᬓᬳᬾᬮᬶ
ᬗᬶᬦ᭄᭞ᬤᬾᬦᬶᬂᬧᭀᬮᭀᬲᭂᬢᬦ᭄ᬧ᭄ᬭᬄ᭞ᬫᬳᬵᬤᬾᬯᬶᬘᬸᬘᬸᬤ᭄᭞ᬢ᭄ᬯᬭᬵᬫᬓᬬᬸᬦ᭄ᬳᬗ᭄ᬮᬵᬭ᭞ᬓ᭄ᬭᬡᬓᬾᬫᬦ᭄᭞ᬓᬚ᭄ᬦᭂᬗᬂᬧ᭄ᬭᬫᬶᬰ᭄ᬯᬭᬶᬭᬶᬂᬳᬶᬤᬵᬲᬂᬧ᭄ᬭᬪᬹᬤ᭄ᬳᬵ᭟ᬳᬶᬧᬸᬦ᭄ᬢᬵᬓᬃᬢ᭄ᬢᬵᬮᬵᬕ᭄ᬮᬶᬲ᭄ᬫ
ᬧᬫᬶᬢ᭄ᬢᬚᬩᬬᬂ᭞ᬭᬭᬶᬲ᭄ᬫᬗᬶᬭᬶᬗᬂ᭞ᬭᬤᬾᬦ᭄ᬦᬸᬓᬃᬢ᭄ᬣᬵᬧᬢᬶ᭞ᬫᬢᬸᬮᬓ᭄ᬓᬓᭀᬢ᭄ᬣᬵᬩᬭᬸ᭞ᬕ᭄ᬦᬄᬧᬜ᭄ᬚᬶᬲ᭄ᬫᬶᬭᬗᬾᬭᬶᬳᬶᬦ᭄᭞ᬳᬚᬳᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬢᬸᬫᬸᬮᬶᬫᬗ᭄ᬮᬯᬸᬢ᭄᭞ᬫᬗ᭄ᬭᬜ᭄ᬚᬶᬂ
ᬤᬶᬧᬫᬺᬫᬦ᭄ᬧᬫᬺᬫᬦᬾ᭞ᬧᬜ᭄ᬚᬶᬲ᭄ᬫᬶᬭᬂᬧᬺᬫᬶᬦ᭄᭞ᬳᭂᬗ᭄ᬲᭂᬓ᭄ᬫ᭄ᬭᬱᬵᬓᬧ᭄ᬭᬡᬦ᭄᭟ᬭᬤᬾᬦ᭄ᬳᬶᬦᬸᬓᬃᬢ᭄ᬣᬲ᭄ᬤᬶᬄᬓᬶᬂᬓᬶᬂᬤᬶᬧᬫᬺᬫᬦ᭄᭞ᬬᬾᬄᬘᬶᬗᬓᬾᬜᬧ᭄ᬘᬧ᭄᭞ᬢᬸᬮ᭄ᬢᬸᬮ᭄ᬩᬦ᭄ᬲᬸᬢᬺᬓᬸᬦᬶᬗᬾ᭞
Kaca:Bali-lontar-paparikan-panji-semirang-250ppi.pdf/38
Kaca puniki sampun kauji-wacén
