[᭓᭖ 36B]
᭓᭖
ᬧᬫ᭄ᬤᬮᬾᬫᬸᬩᭂᬢ᭄ᬲᬫᬶ᭞ᬢᭀᬗᬤᬵᬫᬚ᭄ᬮᬯᬢᬦ᭄᭞ᬚᬦ᭄ᬫᬵᬦᬂᬳᬳᬸᬓᬸᬤ᭄ᬫ᭄ᬲᬓᬾᬯᬮᬵᬓᬧᬶᬋᬗᬦ᭄ᬤᬶᬧᬸᬭᬶᬬᬦ᭄᭞ᬳᬗ᭄ᬮᬸᬲ᭄ᬢᬗᬶᬲ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬢᬶᬢᬶᬃᬫᬲᬲᬵᬫ᭄ᬩᬢᬦ᭄᭟ᬭᬤᬾᬦ᭄ᬳᬶᬦᬸᬓᬃ
ᬢ᭄ᬣᬵᬧᬢᬶᬕ᭄ᬮᬶᬲ᭄ᬗᬦᬫ᭄ᬧᭂᬓᬂ᭞ᬲᬶᬦᬄᬓᬧᬶᬋᬗᬦ᭄᭞ᬲᬲᬵᬫ᭄ᬩᬢ᭄ᬫᬳᬵᬤᬾᬯᬶᬦᬾ᭞ᬗᬫᬾᬢᬫᬾᬫ᭄ᬭᬄᬫ᭄ᬭᬸᬄ᭞ᬦ᭄ᬥᬸᬮᬫᬾᬬᭀᬯᬭᬫᬾᬰ᭄ᬯᬭᬶ᭞ᬢᬹᬃᬫ᭄ᬗᬫᬚᬧ᭄ᬘᬶᬦ᭄ᬤ᭄ᬭᬵᬓᬶᬭᬡᬵ᭞ᬧ᭄ᬤᬲ᭄ᬧᬶᬲᬦ᭄ᬲᬵᬫ᭄ᬧᬸᬦ᭄᭞ᬳ
ᬓᬾᬢᭀᬦᬾᬓᬧᬶᬋᬗᬂ᭞ᬮᬶᬦ᭄ᬢᬂᬓᬕ᭄ᬬᬢ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬓᬾᬦᬾᬧᬧᬶᬦᭂᬳᬾᬗ᭄ᬭᬕᬵ᭟ᬢ᭄ᬯᬄᬦᬾᬫᬤᬦ᭄ᬧᬜ᭄ᬚᬶᬲ᭄ᬫᬶᬭᬂᬦᬾᬭᬶᬳᬶᬦ᭄ᬢ᭄ᬯᬭᬵᬮᬾᬦᬦ᭄᭞ᬧᬸᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞
ᬚᬦᬶᬓᬾᬢᭀᬧᬫᬶᬦᭂᬳᬾ᭞ᬤᬤᬶᬫᬯᬸᬯᬸᬄᬲᬸᬗ᭄ᬲᬸᬢ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬢᬧᬢᬶ᭞ᬬᬾᬘᬶᬗᬓᬾᬦᭂᬫ᭄ᬩ᭄ᬯᬲ᭄᭞ᬳᭂᬳᭂᬲ᭄ᬫ᭄ᬭᬱᬵᬮᬸᬦ᭄ᬢᬸᬃ᭞ᬩᬸᬓᬵᬳᬶᬧᬲ᭄ᬧᬦ᭄ᬢᬶᬫᬄ᭞ᬧᬢ᭄ᬮᬤ᭄ᬢᬤ᭄᭞ᬭᬤᬾᬦ᭄ᬳᬶᬦᬸ
[᭓᭗ 37A]
ᬓᬃᬢ᭄ᬣᬵᬧᬢᬶ᭞ᬮᬾᬮᭀᬩᬄᬚᬮᬦ᭄ᬧ᭄ᬚᬂ᭟ᬩᬳᬸᬫᬭᬵᬢᭂᬕ᭄ᬢᭂᬕᬦ᭄ᬳᬕᬶᬕᬶᬲ᭄ᬮᬯᬸᬢ᭄ᬗᬸᬘᬧ᭄᭞ᬤᬺᬢ᭄ᬫᭂᬕᬢ᭄ᬫᭂᬕᬢ᭄᭞ᬥᬹᬄᬤᬾᬯ᭄ᬯᬵᬚᬶᬯᬦ᭄ᬢᬶᬢ᭄ᬬᬗᬾ᭞ᬩᬲ᭄ᬓᬮ᭄ᬩᬶᬄᬳᬶᬭᬵᬢᬹ᭞ᬫ᭄ᬮᬄᬓᬬᬸᬦᬾᬗ᭄ᬮᬶᬤᬶᬦ᭄᭞
ᬲᬶᬕᭂᬫ᭄ᬢ᭄ᬯᬭᬵᬗᬓ᭄ᬯᬂ᭞ᬘᬶᬡ᭄ᬤ᭄ᬭᬵᬓᬶᬭᬡᬵᬭᬢᬸ᭞ᬢ᭄ᬓᬾᬦ᭄ᬢᬶᬢ᭄ᬬᬂᬫᬓ᭄ᬮᬶᬤᬦ᭄᭞ᬲᬶᬕᭂᬫ᭄ᬧᬶᬲᬦ᭄᭞ᬓᬾᬢᭀᬲᬲᬫ᭄ᬩᬢᬾᬲ᭄ᬤᬶᬄ᭞ᬮᬯᬸᬢ᭄ᬗᬸᬗ᭄ᬲᬶᬗᬧᬸᬭᬶᬬᬂ᭟ᬲᬭᬯᬸᬳᬾᬤᬶᬧᬸᬭᬶᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬫᬵᬢᬹᬃᬩ
ᬦ᭄ᬩᬦ᭄᭞ᬢᬶᬢ᭄ᬬᬂᬫᬦᬸᬦᬲᬂ᭞ᬳᬦ᭄ᬢᬸᬓ᭄ᬦᬧᬶᬳᬯᬶᬦᬦᬾ᭞ᬫᬾᬫᬾᬓᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬧ᭄ᬕᬢ᭄ᬦᬗᬶᬲ᭄᭞ᬫᬳᬵᬤᬾᬯᬶᬫᬶᬤᬃᬢ᭄ᬣᬵ᭞ᬲᬓᬜ᭄ᬘᬦᬾᬲᬵᬫ᭄ᬧᬸᬦ᭄᭞ᬲᬫᬶᬢ᭄ᬮᬲ᭄ᬓᬲᬶᬦᬳᬂ᭞ᬲᬶᬦ
ᬫ᭄ᬬᬦ᭄᭞ᬭᬤᬾᬦ᭄ᬳᬶᬦᬸᬓᬵᬃᬢ᭄ᬣᬧᬢᬶ᭞ᬫᬰᬶᬄᬫᬵᬢᬹᬃᬫᬶᬤᬵᬃᬢ᭄ᬣᬬᬂ᭟ᬫᬶᬫ᭄ᬩᬸᬄᬳᬶᬫ᭄ᬩᬸᬄᬲᬸᬂᬲᬸᬢᬾᬫᬳᬵᬤᬾᬯᬶᬳᭂᬗ᭄ᬲᭂᬓ᭄ᬧᬶᬲᬦ᭄᭞ᬤᬤᬶᬢᬢᬗᬶᬲᬦ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬦᬾ᭞ᬫᬳ
Kaca:Bali-lontar-paparikan-panji-semirang-250ppi.pdf/37
Kaca puniki sampun kauji-wacén
