[᭓᭕ 35B]
᭓᭕
ᬤᬸᬳᬶᬤᬸᬧ᭄ᬫᬓᬸᬢᬂ᭞ᬤᬶᬳᬮᬲᬾᬲᬸᬳᬸᬂ᭞ᬧᬜ᭄ᬚᬶᬲ᭄ᬫᬶᬭᬂᬬᬾᬦᬶᬂᬓᬶᬚᬵ᭞ᬫᬗᬸᬫ᭄ᬩᬭᬵ᭞ᬤᬶᬚᬵᬳᬮᬶᬄᬢᬶᬢ᭄ᬬᬂᬚᬦᬶ᭞ᬧᬦᬓ᭄ᬢᬶᬢ᭄ᬬᬗᬾᬦᬾᬲᬬᬂ᭟ᬬᬾᬦᬶᬂᬓᬾᬦ᭄ᬓᬾᬦ᭄ᬧᬜ᭄ᬚᬶᬲ᭄ᬫᬶᬭᬂᬚᬦᬶᬤᬶᬚᬮᬦ᭄ᬚ
ᬮᬦ᭄᭞ᬚ᭄ᬦᭂᬂᬓᬮᬸᬦ᭄ᬢᬵᬮᬸᬦ᭄ᬢᬵ᭞ᬧᬦᬓ᭄ᬢᬶᬢ᭄ᬬᬗᬾᬓᬮᬲᬾ᭞ᬓᬾᬢᭀᬲᬲᬫ᭄ᬩᬢᬾᬦ᭄ᬥᬸᬯᬸᬄ᭞ᬫᬳᬵᬤᬾᬯᬶᬲ᭄ᬬᬂᬮᬢ᭄ᬭᬶ᭞ᬢ᭄ᬯᬭᬵᬫᬗᭂᬫ᭄ᬩᬗᬶᬦ᭄ᬤᬶᬦᬵ᭞ᬦᬗᬶᬲ᭄ᬳᬸᬮᬸᬦ᭄᭞ᬢᬶᬫ᭄ᬩᬮᬂᬚᬦᬶᬦᬸᬢᬸᬭᬂ᭞
ᬦᬾᬤᬶᬤ᭄ᬳᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬦ᭄ᬥᬸᬮᬫᬾᬧᬜ᭄ᬚᬶᬲ᭄ᬫᬶᬭᬂ᭟ᬧ᭄ᬢᭂᬂᬓ᭄ᬫᬄᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬢ᭄ᬯᬭᬵᬳᭂᬗ᭄ᬲᬧ᭄᭞ᬓᬤᬸᬂᬩᬵᬜᬚᬄᬢᬼᬓ᭄ᬕᬸᬦ᭄ᬢᬂᬧᬶᬢᬺᬱ᭄ᬡᬵᬦᬾ᭞ᬲᬲ᭄ᬯᬾᬦᬾᬳᬶᬤᬵᬤᬶ
ᬢᬸ᭞ᬤᬶᬤ᭄ᬳᬵᬢᭀᬂᬢ᭄ᬢᬳᬾᬦ᭄ᬦᬗ᭄ᬓᬶᬮ᭄᭞ᬭᬶᬂᬮᬶᬗ᭄ᬕᬶᬄᬤᬵᬲᬂᬦᬵᬢ᭄ᬣᬵ᭞ᬤᬾᬦᬶᬂᬮᬶᬯᬢ᭄ᬳᬶᬗᬸᬄ᭞ᬓᬬᬶᬦᬾᬗᬸᬫᭂᬓ᭄ᬫᬫ᭄ᬭᬢ᭄᭞ᬤᬤᬶᬲᬸᬗ᭄ᬓᬦ᭄᭞ᬗ᭄ᬭᬸᬩᬾᬤᬵᬤᬶᬚ᭄ᬭᭀᬦᬶᬂᬋᬤ᭄ᬥᬶ᭞ᬢᭀᬂᬤᬤᬶᬩᬳᬦ᭄ᬦᬳ
[᭓᭖ 36A]
ᬦᬂ᭟ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬚᬦᬶᬘᬭᬶᬢᬬᬂ᭞ᬗᬸᬘᬧ᭄ᬚ᭄ᬭᭀᬦᬶᬂᬳᬗ᭄ᬕᬵ᭞ᬫᬸᬮᬵᬚ᭄ᬮᬾᬓ᭄ᬱᬦ᭄ᬳᬶᬥᭂᬧᬾ᭞ᬕᬮᬸᬄᬳᬚᭂᬂᬢᬦ᭄ᬧᬳᬸᬦ᭄ᬥᬸᬓ᭄᭞ᬫ᭄ᬮᬄᬦᬾᬚᬦᬶᬕ᭄ᬤᬶᬦᬶᬦ᭄᭞ᬗᬸᬚᬂᬦᭀᬗᭀᬲ᭄ᬤᬶᬤ᭄ᬳᬵ᭞
ᬓᬾᬢᭀᬲᬸᬩᬵᬧᬸᬧᬸᬢ᭄᭞ᬧᬧᬶᬦᭂᬳᬾᬫᬫᬶᬦᭂᬳᬂ᭞ᬲᬕᬾᬢ᭄ᬲᬜ᭄ᬚᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬦ᭄ᬤᬯᬸᬳᬶᬦ᭄ᬳᬶᬓᬃᬢ᭄ᬢᬮᬵ᭟ᬳᬶᬧ᭄ᬭᬲᬦ᭄ᬢᬵᬳᬶᬧᬸᬦ᭄ᬢᬵᬮᬦ᭄ᬳᬶᬚ᭄ᬭᬸᬤᬶᬓᬤᬯᬸᬳᬦ᭄᭞ᬳᬧᬂ
ᬫᬦ᭄ᬤᬯᬸᬳᬂᬢ᭄ᬓᬾᬦᬶᬂᬳᬸᬮᬸᬩᬮᬗᬾ᭞ᬤᬾᬦᬶᬫᬧᬓᬬᬸᬦ᭄ᬜᬸᬲᬸᬧ᭄᭞ᬗᬸᬫ᭄ᬩᬭᬵᬯ᭄ᬗᬶᬦᬾᬚᬦᬶ᭞ᬲᬸᬩᬵᬧᬸᬧᬸᬢ᭄ᬲᬬᬕᬵ᭞ᬢ᭄ᬗᬄᬮ᭄ᬫᭂᬂᬲᬵᬫ᭄ᬧᬸᬦ᭄᭞ᬜᬶᬮᬶᬩ᭄ᬧᬫᬃᬕ᭄ᬕᬶᬦᬾᬩᬸᬤᬮ᭄᭞ᬲᬓᬶᬂᬤ᭄ᬳᬵ᭞ᬫ
ᬓᬵᬤᬶᬢ᭄ᬯᬭᬵᬫᬧᬫᬶᬢ᭄᭞ᬭᬶᬂᬮᬶᬗ᭄ᬕᬶᬄᬳᬶᬤᬵᬲᬂᬦᬵᬣᬵ᭟ᬧᬫᬵᬃᬕ᭄ᬕᬶᬦᬾᬗᬮᬶᬦ᭄ᬢᬗᬶᬦ᭄ᬳᬮᬸᬲ᭄ᬩᬸᬓᬶᬢ᭄᭞ᬲᬕᬾᬢ᭄ᬲ᭄ᬫᭂᬗᬦ᭄᭞ᬦᬧᬓ᭄ᬤᬶᬩᬜ᭄ᬘᬶᬗᬄ᭞ᬤᬶᬚ᭄ᬭᭀᬦ᭄ᬧᬜ᭄ᬚᬶᬲ᭄ᬫᬶᬭᬗᬾ᭞ᬤᬧ᭄ᬢᬂᬲᬸᬳᬸᬂᬫᬸᬂᬫᬸᬂ᭞
Kaca:Bali-lontar-paparikan-panji-semirang-250ppi.pdf/36
Kaca puniki sampun kauji-wacén
