[᭓᭔ 34B]
᭓᭔
ᬥᬵᬓᬶᬘᬾᬦ᭄ᬫᬦ᭄ᬢᬸᬓ᭄᭞ᬩ᭄ᬯᬶᬦ᭄ᬢᬸᬮᬓ᭄ᬓᬫᭂᬦ᭄ᬢᬯᬦ᭄᭞ᬫ᭄ᬯᬄᬓᭀᬭᬶᬧᬦ᭄᭞ᬲᬸᬯᬸᬂᬲ᭄ᬧᬶᬧᬋᬚᬦᬶ᭞ᬤᬶᬓᭀᬢ᭄ᬣᬵᬩᬭᬸᬦᬾᬗᬸᬗᬂ᭟ᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵᬧᬸᬱ᭄ᬧᬵᬲᬭᬷ᭞ᬫᬓᬤᬤ᭄ᬯᬵ᭞ᬲᬵᬫ᭄ᬧᬸᬦ᭄ᬓᬤᬯᬸ
ᬳᬦ᭄᭞ᬧᬘᬂᬗᬶᬭᬶᬂᬧᬮᬸᬗᬦᬾ᭞ᬲᬵᬫ᭄ᬧᬸᬦᬾᬧᬸᬧᬸᬢ᭄ᬓᬤᬯᬸᬄ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾᬧ᭄ᬢᭂᬂᬮ᭄ᬫᬄ᭞ᬗ᭄ᬮᬶᬯᬢ᭄ᬳᬮᬲ᭄ᬕᬸᬦᬸᬂ᭞ᬫᬫᬃᬕ᭄ᬕᬶᬫᬢᬸᬂᬢᬸᬂᬮᬭᬵ᭞ᬮᬸᬤᬶᬦ᭄ᬦᬶᬗ᭄ᬕᬮ᭄᭞ᬫᬳᬵᬤᬾᬯᬶᬚᬕ᭄ᬓᬮᬳᬶ
ᬦ᭄᭞ᬤᬶᬓᭀᬢ᭄ᬣᬵᬩᬭᬸᬗ᭄ᬭᬕᬵ᭟ᬧᬫᬃᬕ᭄ᬕᬶᬦᬾᬧᬜ᭄ᬚᬶᬲ᭄ᬫᬶᬭᬂᬜᬶᬮᬶᬩ᭄᭞ᬫᬳᬶᬭᬶᬗᬦ᭄᭞ᬳᬶᬓᬸᬤᬵᬧᬺᬯᬶᬭᬵ᭞ᬢᬹᬃᬳᬶᬓᬸᬤᬵᬧ᭄ᬭᬧᬜ᭄ᬘᬦᬾ᭞ᬫᬓᬵᬤᬶᬜᬢ᭄ᬯᬦ᭄ᬕᬮᬸᬄ᭞ᬧᬸᬱ᭄ᬧᬵᬚ᭄ᬯᬶᬢ᭄ᬣᬵᬧᬸᬱ᭄ᬧᬵᬲᬭᬷ
᭞ᬫᬳᬵᬤᬾᬯᬶᬢ᭄ᬯᬭᬵᬯᬶᬓᬦ᭄᭞ᬤᬤᬶᬲᬸᬯᬸᬂᬫᬸᬂᬫᬸᬂ᭞ᬳᬫᬸᬂᬫᬳᬵᬤᬾᬯᬶᬗ᭄ᬭᬕᬵ᭞ᬤᬶᬧᬸᬭᬶᬬᬦ᭄᭞ᬚᬦᬶᬲᬸᬩᬵᬳ᭄ᬤᭀᬄᬕᬢᬶ᭞ᬧᬫᬃᬕ᭄ᬕᬶᬦ᭄ᬧᬜ᭄ᬚᬶᬲ᭄ᬫᬶᬭᬂ᭟ᬧ᭄ᬭᬫᬶᬰ᭄ᬯᬭᬶᬓᬕ᭄ᬬᬢ᭄ᬩᬸᬫᬭᬵᬫᬶᬚᬶ
[᭓᭕ 35A]
ᬮ᭄᭞ᬲᬕᬾᬢ᭄ᬲᬶᬩᬵ᭞ᬢ᭄ᬯᬭᬵᬳᬤᬵᬚᬦ᭄ᬫᬵ᭞ᬤᬶᬩᬜ᭄ᬘᬶᬗᬄᬲ᭄ᬧᬶᬕᬢᬶᬦᬾ᭞ᬳᬲᬶᬂᬤ᭄ᬮᭀᬓᬶᬦ᭄ᬲᬯᬸᬂ᭞ᬧᬜ᭄ᬚᬶᬲ᭄ᬫᬶᬭᬂᬢ᭄ᬯᬭᬵᬓᬭᬶ᭞ᬳᬶᬘᬮ᭄ᬲᬓᬶᬂᬧᬫᬺᬫᬦ᭄᭞ᬫᬳᬵᬤᬾᬯᬶᬗ᭄ᬭᬸᬂ᭞ᬦᬗᬶᬲ᭄ᬫᬢᬩ᭄ᬢᬩ
ᬓ᭄ᬧᬶᬲᬦ᭄᭞ᬫᬢᬶᬂᬭᬵᬕ᭞ᬫᬜᭂᬮ᭄ᬲᭂᬮᬂᬧᬸᬮᬵᬓᬺᬢ᭄ᬣᬶ᭞ᬫᬗᬸᬘᬧ᭄ᬫᬗᬮᬤ᭄ᬳᬮᬤ᭄᭟ᬧᬦᬓ᭄ᬢᬶᬢ᭄ᬬᬂᬳᬶᬤᬾᬯ᭄ᬯᬵᬩᬲ᭄ᬮᬶᬯᬢ᭄ᬮᬮᬶ᭞ᬳ᭄ᬮᬲ᭄ᬦᬶᬗ᭄ᬕᬮ᭄᭞ᬓᬾᬦ᭄ᬓᬾᬦ᭄ᬧᬤᬤ᭄ᬯᬦ᭄᭞ᬦᬾᬚᬦᬶᬳᬯᬓ᭄ᬫᬾᬫᬾᬫᬾᬦᬾ᭞
ᬩᬲ᭄ᬫᬾᬫᬾᬢᬺᬱ᭄ᬡᬵᬦᬸᬢᬸᬕ᭄᭞ᬳᬶᬤᬾᬯ᭄ᬯᬵᬓᬩᬸᬦ᭄ᬢᬂᬩᬦ᭄ᬢᬶᬂ᭞ᬚᬦᬶᬯ᭄ᬢᬸᬓᬾᬦᬾᬬᬂ᭞ᬓᬮᬳᬶᬦ᭄ᬳᬶᬭᬢᬸ᭞ᬧ᭄ᬭᬫᬶᬲ᭄ᬯᬭᬶᬲᬵᬫ᭄ᬧᬸᬦ᭄ᬦᬶᬗ᭄ᬕᬮ᭄᭞ᬤᬾᬯᬾᬓ᭄ᬢᬶᬢ᭄ᬬᬂ᭞ᬩ᭄ᬬᬂᬳᬶᬤᬾᬯ᭄ᬯᬵᬦ᭄ᬤᬾᬯᬢᬶ᭞ᬩ᭄ᬯᬶᬦ᭄ᬳᬶ
ᬤᬾᬯ᭄ᬯᬵᬦᬶᬗ᭄ᬕᬮᬂ᭟ᬤᬶᬚᬵᬭᬸᬭᬸᬄᬧᬦᬓ᭄ᬢᬶᬢ᭄ᬬᬗᬾᬚᬦᬶ᭞ᬧᬜ᭄ᬚᬶᬲ᭄ᬫᬶᬭᬂ᭞ᬜᬾᬦ᭄ᬧᬘᬂᬳᬚᬓ᭄᭞ᬓᬾᬓᬾᬦᬾᬲᬦ᭄ᬤᬵᬮᬘᬸᬭᬾ᭞ᬳᬤᬬᬦ᭄ᬲᬸᬩᬵᬮᬫ᭄ᬧᬸᬲ᭄᭞ᬤᬶᬦᬶᬢᬶᬢ᭄ᬬᬂᬫᬗ᭄ᬫᬲᬶᬦ᭄᭞ᬓᬸ
Kaca:Bali-lontar-paparikan-panji-semirang-250ppi.pdf/35
Kaca puniki sampun kauji-wacén
