[᭒᭙ 29B]
᭒᭙
ᬗᬸᬤᬸᬮᬹᬃᬲ᭄ᬤᬶᬄ᭟ᬓᬘᬭᬶᬢ᭄ᬣᬵᬤᬶᬤ᭄ᬳᬵᬲᬸᬩᬵᬫᬤᬩ᭄ᬤᬩ᭄᭞ᬧ᭄ᬭᬩᭀᬢᬾᬓᬕᭂᬦ᭄ᬢᬶᬦᬶᬦ᭄᭞ᬯᬯᬭᬸᬂᬫᬓ᭄ᬚᬂ᭞ᬦᬾᬭᬸᬲᬓ᭄ᬳᬶᬩᬶᬲᬜ᭄ᬚᬵ᭞ᬧᬸᬧᬸᬢ᭄ᬫᬚᬸᬚᬸᬓᬂᬲᬫᬶ᭞ᬤᬾᬦᬶᬂᬓᬮᬶᬦ᭄ᬢᬂ᭞ᬓᬲᬶᬤᬾᬦ᭄ᬰ᭄ᬭᬶᬪᬧ
ᬢᬶ᭟ᬮᬸᬢ᭄ᬫᬧᬬᬲ᭄ᬕᬮᬸᬄᬳᬚᭂᬂᬧᬲ᭄ᬫᭂᬗᬦ᭄᭞ᬭᬶᬂᬫᬳᬵᬮᬶᬓᬸᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵ᭞ᬢ᭄ᬓᬾᬦ᭄ᬯᬢᭂᬓ᭄ᬧᬺᬫᬾᬦᬓ᭄᭞ᬓ᭄ᬫᬵᬳᬶᬦᬦᬓ᭄ᬳᬢᬹᬭᬶᬦ᭄᭞ᬳᬧᬂᬫᬳᬶᬬᬲ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧ
ᬢᬶ᭟ᬫᬩ᭄ᬭᬶᬬᬸᬓ᭄ᬧᬺᬫᬾᬦᬓᬾᬲᬫ᭄ᬬᬦ᭄᭞ᬳᬩᬺᬤᬦ᭄ᬫᬫᬵᬃᬕ᭄ᬕᬶ᭞ᬗᭀᬚᭀᬕ᭄ᬓᬧᬲᬗ᭄ᬕ᭄ᬭᬦ᭄᭞ᬤᬶᬢᬸᬤᬶᬧ᭄ᬢᬦ᭄ᬤᬓᬦ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬭᬯᬸᬄᬳᬶᬭᬶᬓᬵ᭞ᬲᬫᬶᬫᬳᬢᬹᬃᬪᬓ᭄ᬢᬷ᭟
ᬧ᭄ᬭᬫᬾᬦᬓᬾᬲᬦᬾᬓᬧᬶᬳᬚᭂᬂᬧᬶᬲᬦ᭄᭞ᬢᬶᬢ᭄ᬬᬂᬲᬤ᭄ᬬᬫᭂᬦ᭄ᬤᬓᬶᬦ᭄᭞ᬤᬤ᭄ᬯᬸᬳᬦ᭄ᬳᬶᬤᬵ᭞ᬳᬚᬶᬜ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬤᬸᬭᬸᬲᬂᬫᬳᬶᬬᬲ᭄ᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬗᬂᬫᬫᬋᬓ᭄ᬧ᭄ᬭ
[᭓᭐ 30A]
ᬪᬹᬧᬵᬢᬶ᭟ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬭᬭᬶᬲ᭄ᬦᬶᬫ᭄ᬩᬮ᭄᭞ᬗᬦ᭄ᬤᬶᬓᬵᬓᬤᬶᬫᬶᬗᬶᬲ᭄᭞ᬰ᭄ᬯᬪᬵᬯᬦᬾᬕᬮᬂ᭞ᬲᬺᬤᬄᬬᬦᬶᬂᬲᬯᬗᬂ᭞ᬤᬶᬢ᭄ᬗᬄᬓᬬᬸᬦᬾᬲ᭄ᬤᬶᬄ᭞ᬢ᭄ᬯᬭᬵᬚᬵᬧᬲᬄᬫᬕᬦ᭄ᬢᬸᬂᬚ᭄ᬭᭀᬦᬶᬂᬋᬤ᭄ᬥᬶ᭟
ᬫᬫᬗᭂᬦᬂᬧᬶᬦᬲᬶᬳᬦᬾᬢ᭄ᬯᬭᬵᬚᬧ᭄ᬕᬢ᭄᭞ᬧᬜ᭄ᬚᬶᬲ᭄ᬫᬶᬭᬂᬢᬦ᭄ᬫᬭᬶ᭞ᬫᬗ᭄ᬭᬦᬬᬂᬳᬸᬬᬂ᭞ᬗᬤ᭄ᬧᬂᬚᬵᬢ᭄ᬬᬂᬫᬧᬬᬲ᭄᭞ᬓᬾᬦᬾᬓᬾᬦᬾᬬᬦ᭄ᬢ᭄ᬬᬂᬫᬵᬗ᭄ᬓᬶᬦ᭄᭞ᬫ᭄ᬤᭂᬓ᭄ᬳᬶᬩᬧ᭞ᬕ᭄ᬮᬶᬲ᭄ᬭᬭᬶᬲ᭄ᬫᬫᬵᬃᬖ᭄ᬖᬶ᭟ᬭᬤᬾ
ᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬗᬧᬸᬭᬶᬬᬂ᭞ᬲᬭᬯᬸᬳᬾᬪᬓ᭄ᬢᬶ᭞ᬭᬶᬂᬳᬶᬤᬵᬲᬂᬦᬵᬢ᭄ᬣᬵ᭞ᬤ᭄ᬮᬶᬲ᭄ᬲᬵᬫ᭄ᬧᬸᬦ᭄ᬓᬮᬶᬗ᭄ᬕᬶᬳᬂ᭞ᬤᬶᬚᬸᬮᬶᬳ᭄ᬫᬵᬲᬾᬭᬯᬶᬢ᭄᭞ᬢᬹᬃᬫᬲᬋᬗᬦ᭄ᬕᬮᬸᬄᬳᬚᭂᬂᬫᬲᬦ᭄ᬤᬶᬂ᭟ᬮᬸᬢ᭄ᬫᬧᬶᬦᬸᬮ᭄ᬚ᭄ᬭᭀ
ᬦᬶᬂᬓᭀᬢ᭄ᬣᬵᬫᬳᬶᬍᬳᬦ᭄᭞ᬫᬳᬶᬭᬶᬗᬦ᭄ᬕᭀᬫ᭄ᬯᬂᬩᬾᬭᬶ᭞ᬫᬚᬚᬯᬅ᭄ᬫᬫᬲ᭄᭞ᬲᭀᬭᭀᬄᬫᬧᭀᬦ᭄ᬢᬂᬳ᭄ᬫᬵᬲ᭄᭞ᬢᬫ᭄ᬩᬸᬃᬫᬗ᭄ᬭᬸᬤᬸᬕ᭄ᬫᬫᬸᬜᬶ᭞ᬓᭀᬩᬾᬭᬾᬓᭂᬫ᭄ᬩᬃ᭞ᬮ᭄ᬬᬸᬦᬾᬦᬾᬫᬗᬶᬭᬶᬂ᭟
Kaca:Bali-lontar-paparikan-panji-semirang-250ppi.pdf/30
Kaca puniki sampun kauji-wacén
