[᭒᭘ 28B]
᭒᭘
ᬓᬘᬶᬗᬓ᭄ᬭᬫ᭄ᬬᬵᬧᬶᬲᬦ᭄᭞ᬫᬮᬾᬤᬂᬮᬾᬤᬗᬦ᭄ᬲᬫᬶ᭞ᬫᬩᬩ᭄ᬭᬶᬬᬓᬦ᭄᭞ᬫᬳᬵᬮᬶᬓ᭄ᬬᬤᬶᬧᬸᬭᬶ᭟ᬫᬶᬯᬄᬕᬮᬸᬄᬳᬚᭂᬂᬫᬳᬶᬘᬵᬳᬶᬘᬵᬬᬦ᭄᭞ᬤᬤᬶᬲᬬᬦ᭄ᬫᬫᬹᬃᬢ᭄ᬢᬶ᭞ᬫᬹᬃᬓ᭄ᬓᬵᬓᬾᬭᬗᬾᬭᬂ᭞ᬧᬜ᭄ᬚᬶ
ᬲ᭄ᬫᬶᬭᬂᬓ᭄ᬭᭀᬥᬵ᭞ᬧᬮᬶᬗ᭄ᬕᬶᬳᬦᬾᬧ᭄ᬘᬸᬢᬶᬦ᭄᭞ᬦ᭄ᬤᬯᬸᬲ᭄ᬫᬦᬺᬚᬓ᭄᭞ᬤᬶᬧᬸᬭᬶᬗᬸᬲᬓ᭄ᬳᬲᬶᬓ᭄᭟ᬉᬧᬓᬭᬵᬫᬶᬯᬄᬧ᭄ᬭᬩᭀᬢᬾᬫᬓ᭄ᬚᬂ᭞ᬓᬚᭂᬓ᭄ᬚᭂᬓ᭄ᬧᬍᬗ᭄ᬓᭂᬢᬶᬓ᭄᭞ᬧᬶᬭᬶᬂᬳᭀᬜᬩ᭄ᬮᬄ᭞ᬯᬯᬭᬸᬂᬓᬳᬸ
ᬳᬸᬕᬂ᭞ᬓᬳᭂᬦ᭄ᬢᬸᬂᬳᭂᬦ᭄ᬢᬸᬗᬂᬲᬵᬫᬶ᭞ᬫᬩᬸᬭᬭᬓᬦ᭄᭞ᬤᭂᬓ᭄ᬤᭂᬓ᭄ᬮᬶᬦ᭄ᬤᭂᬓ᭄ᬧᬚᬸᬗ᭄ᬓᬶᬮᬶᬂ᭟ᬲᬳᬸᬲᬦᬾᬗᬸᬲᬓᬲᬶᬓ᭄ᬩ᭄ᬯᬶᬦ᭄ᬳᬸᬮᬓ᭄᭞ᬓᬓᭀᬢ᭄ᬣᬵᬩᬭᬸᬕ᭄ᬮᬶᬲ᭄᭞ᬗᬫ᭄ᬤᬮᬂᬚᬭᬦ᭄᭞ᬚᬭᬦᬾᬦ᭄ᬤᬯᬸᬲ᭄ᬫᭂᬤᬮ᭄᭞
ᬢ᭄ᬯᬭᬵᬳᬸᬘᬧᬂᬤᬶᬫᬵᬃᬕ᭄ᬕᬶ᭞ᬤᬶᬧᬸᬭᬶᬤ᭄ᬳᬵ᭞ᬘᬭᬶᬢᬬᬂᬦᬾᬚᬦᬶ᭟ᬫᬩ᭄ᬬᭀᬬᭀᬗᬦ᭄ᬳᬸᬬᬸᬢ᭄ᬫᬓ᭄ᬚᬂᬳᬾᬯ᭄ᬯᬵ᭞ᬓᬢᬓᭂᬄᬳᬤᬵᬫᬮᬶᬂ᭞ᬓᬧᬸᬭᬶᬫᬫ᭄ᬩᬳᬦ᭄᭞ᬫᬳᬶᬬᭂᬕᬦ᭄ᬚ᭄ᬭᭀᬦᬶᬂᬧᬸᬭᬶ᭞ᬳᬤᬵ
[᭒᭙ 29A]
ᬗᬤᬾᬦᬂ᭞ᬚᬦ᭄ᬫᬵᬗᬫᬸᬓ᭄ᬤᬶᬧᬸᬭᬶ᭟ᬫᬢᬸᬮ᭄ᬯᬦ᭄ᬧᬤᬵᬜᬮᬸᬓ᭄ᬱᬸᬓ᭄ᬜᬮᬓ᭄ᬱᬓ᭄᭞ᬢ᭄ᬯᬭᬵᬳᬤᬵᬓᬧᬗ᭄ᬕᬶᬄ᭞ᬢ᭄ᬧᬸᬓ᭄ᬩᬦ᭄ᬢᬲ᭄ᬢᬫ᭄ᬧᬓ᭄᭞ᬜ᭄ᬚᭂᬓᬜ᭄ᬚᬭᬦ᭄ᬮ᭄ᬬᬸᬧᬶᬲᬦ᭄᭞ᬫᬶᬯᬄᬧ᭄ᬭᬩᭀᬢᬾᬲᬫᬶ᭞
ᬢ᭄ᬯᬶᬳᭀᬜᬘᬓ᭄ᬘᬓ᭄᭞ᬯᬯᬭᬸᬂᬧᬚᬸᬗ᭄ᬓᬶᬮᬶᬂ᭟ᬩ᭄ᬯᬶᬦ᭄ᬢᬶᬫ᭄ᬩᬮ᭄ᬦᬾᬚᬦᬶᬧᬜ᭄ᬚᬶᬲ᭄ᬫᬶᬭᬂ᭞ᬤᬶᬓᭀᬢ᭄ᬣᬩᬭᬸᬧ᭄ᬭᬧ᭄ᬢᬶ᭞ᬗ᭄ᬭᬢᬶᬲ᭄ᬗᬧᬸᬭᬶᬬᬂ᭞ᬮᬸᬢ᭄ᬗᭀᬚᭀᬕ᭄ᬓᬧᬫᬺᬫᬦ᭄᭞ᬫᬳᬵᬤᬾᬯᬶᬗᬸᬘᬧ᭄ᬳᬭᬶᬲ᭄᭞ᬢᭀ
ᬳᬸᬮᬶᬤᬶᬚᬵ᭞ᬳᬶᬤᬾᬯ᭄ᬯᬵᬓᬮᬶᬚᬦᬶ᭟ᬧᬲᬯᬸᬭᬾᬢᬶᬢ᭄ᬬᬂᬭᬯᬸᬄᬲᬓᬶᬂᬤ᭄ᬳᬵ᭞ᬫᬩᬮᬶᬄᬳᬦᬓ᭄ᬫᬩᬸᬜ᭄ᬘᬶᬂ᭞ᬩᬸᬫᬭᬵᬫᬶᬋᬗᬂ᭞ᬫᬳᬵᬤᬾᬯᬶᬓᬕ᭄ᬬᬢ᭄᭞ᬫᬦ᭄ᬢᭂᬕ᭄ᬧᬸᬧᬸᬗᬸᬘᬧ᭄ᬳᬭᬶᬲ᭄᭞ᬩᬦᬶᬧᬲ
ᬚᬵᬳᬶᬤᬾᬯ᭄ᬯᬵᬮ᭄ᬯᬲ᭄ᬧᬤᬶᬤᬶ᭟ᬢ᭄ᬯᬭᬵᬗᬸᬘᬧ᭄ᬫᬓ᭄ᬜᭂᬫ᭄ᬧᬜ᭄ᬚᬶᬲ᭄ᬫᬶᬭᬂ᭞ᬲᬕᬾᬢ᭄ᬮᬶᬯᬢ᭄ᬢ᭄ᬗᬄᬯ᭄ᬗᬶ᭞ᬭᬭᬶᬲ᭄ᬳᬶᬤᬵᬫᬸᬗ᭄ᬕᬄ᭞ᬤᬶᬧᬫᬺᬫᬦᬾᬢ᭄ᬗᬄ᭞ᬫᬕᭂᬩ᭄ᬬᬸᬕ᭄ᬫᬺᬫ᭄ᬫᬧᬸᬕ᭄ᬮᬶᬂ᭞ᬫᬦᬶᬲ᭄ᬫᭂᬗᬦ᭄ᬫᬢ
Kaca:Bali-lontar-paparikan-panji-semirang-250ppi.pdf/29
Kaca puniki sampun kauji-wacén
