[᭒᭗ 27B]
᭒᭗
ᬬᬂ᭞ᬧᬸᬧᬸᬢ᭄ᬲᬶᬦᬫ᭄ᬬᬦ᭄ᬉᬧᬓᬭᬦ᭄ᬧᬩᬸᬜ᭄ᬘᬶᬗᬦᬦᬾ᭞ᬮᬾᬤᬂᬲᬂᬧ᭄ᬭᬪᬹᬫᬸᬧᬸᬢ᭄᭞ᬧᬥᬸᬓᬵᬮᬶᬓᬸᬦᬓᬵᬤᬶ᭞ᬮ᭄ᬕᬦᬾᬢᬦ᭄ᬲᬶᬧᬶᬭᬵ᭞ᬧᬘᬂᬗ᭄ᬮᬄᬫᬦ᭄ᬢᬸ᭞ᬩᬕᬸᬲ᭄ᬕᭂᬜ᭄ᬚᬶᬂᬫᭂᬂᬧᭂᬂᬩᬚᬂ᭞ᬕᬮᬸᬄᬳ
ᬚᭃᬂ᭞ᬕᬶᬭᬂᬢᬶᬦ᭄ᬤᬓᬦᬾᬧᬮᬶᬂ᭞ᬳᬸᬮᬗᬸᬮᬶᬄᬤᬶᬧᬫᬺᬫᬦ᭄᭟ᬫᬜ᭄ᬘᬂᬫᬶᬜ᭄ᬘᬸᬂᬕᬮᬸᬄᬳᬚᭂᬂᬗᬶᬦ᭄ᬢᬶᬧ᭄᭞ᬳᬸᬮᬶᬲ᭄ᬮᬕᬦ᭄᭞ᬩ᭄ᬤᬾᬕᬾᬫᬜᬶᬗᬓ᭄᭞ᬕᬶᬭᬂᬕᬶᬭᬲ᭄ᬲ᭄ᬯᬪᬯᬦᬾ᭞ᬘᬘᬶᬗᬓᬾᬮᬾ
ᬫ᭄ᬮᬾᬫ᭄ᬜᬜᬹᬃ᭞ᬫᭂᬫᬢᭂᬓᬶᬦ᭄ᬗ᭄ᬕᬳᬾᬲᬲ᭄ᬩᬶᬢ᭄᭞ᬗᬫᬶᬓᬶᬦ᭄ᬧᬧᬸᬲᬸᬗᬦ᭄᭞ᬳᬶᬚᭂᬓ᭄ᬓᬗᬶᬦ᭄ᬓᬯᬸᬄ᭞ᬓᬦᬶᬲᬸᬩᬵᬧ᭄ᬤᬲ᭄ᬜᬶᬗᬓ᭄ᬕᬮᬸᬄᬳᬚᭃᬂ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭞ᬕᬮᬸᬄᬳᬚᭃᬂᬓᬸᬮᬗᬸᬦᬦ᭄᭟
ᬳ᭄ᬗᬸᬄᬮᬶᬫᬸᬄᬤᬶᬢᭀᬗᭀᬲᬾᬗᬶᬦ᭄ᬢᬶᬧ᭄᭞ᬫᬜᬸᬕᬾᬕᬕ᭄᭞ᬓ᭄ᬮᬾᬗᭂᬃᬚᬮᬦ᭄ᬫᬸᬮᬵ᭞ᬫᬧ᭄ᬮᬶᬲᬳᬦ᭄ᬢᬶᬩᬸᬓᬾ᭞ᬦᬾᬦᬾᬚᬦᬶᬲᬂᬧ᭄ᬭᬪᬹ᭞ᬫᬮᬶᬗ᭄ᬕᬶᬄᬲᬵᬫ᭄ᬧᬸᬦ᭄ᬓᬢᬗ᭄ᬓᬶᬮ᭄᭞ᬫᬳᬵᬮᬶᬓᬸᬫᬵᬢᬹᬃᬩ
[᭒᭘ 28A]
ᬦ᭄ᬩᬦ᭄᭞ᬳᬶᬗ᭄ᬕᬶᬄᬲᬗᬳᬸᬮᬸᬦ᭄᭞ᬦᬾᬫᬵᬗ᭄ᬓᬶᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬕᬮᬸᬄᬳᬚᭂᬂ᭞ᬧᬩᬸᬜ᭄ᬘᬶᬗᬂᬤᬶᬫᬵᬗ᭄ᬓᬶᬦ᭄᭞ᬭᬾᬄᬕᬮᬸᬄᬘᬶᬡ᭄ᬤ᭄ᬭᬓᬶᬭᬡᬵ᭟ᬲᬵᬫ᭄ᬧᬸᬦ᭄ᬫᬶᬗᬶᬘᬮ᭄ᬲᬓᬶᬂᬧᬸᬭᬶᬫᬢᬯᬦᬦ᭄᭞ᬧ
ᬢᬸᬢ᭄ᬧᬶᬲᬦ᭄ᬧᬶᬲᬦ᭄᭞ᬕᬮᬸᬄᬳᬚᭂᬂᬧᬗᭂᬦ᭄ᬢᭀᬲᬾ᭞ᬓᬾᬢᭀᬳᬢᬹᬃᬫᬳᬵᬮᬶᬓᬸ᭞ᬲᬂᬧ᭄ᬭᬪᬹᬮᬾᬤᬂᬦᬫ᭄ᬧᬾᬦᬶᬦ᭄᭞ᬓ᭄ᬜᭂᬫ᭄ᬓ᭄ᬜᭂᬫ᭄ᬦᭂᬫ᭄ᬧᬵᬮ᭄ᬰᬶᬮᬵ᭞ᬫᬶᬯᬄᬫᬢᬵᬮᬶᬓᬸ᭞ᬳᬾᬕᬭᬾᬓᬩᬶᬦᬵ
ᬩᬶᬦᬵ᭞ᬓᬘᬭᬶᬢ᭄ᬣᬵ᭞ᬦᬾᬦᬾᬚᬦᬶᬲᬸᬩᬵᬲᬸᬩᬵᬯ᭄ᬗᬶ᭞ᬳᬶᬥᬹᬃᬫ᭄ᬫᬵᬗ᭄ᬕᬮᬵᬫᬜ᭄ᬮᬕ᭄᭟ᬐ᭐ᬐᬤᬹᬃᬫ᭄ᬫᬵᬐ᭐ᬐᬦᬸᬚᬸᬲ᭄ᬧᬶᬦ᭄ᬤᭂᬤᭂᬂᬢ᭄ᬗᬄᬧᬶᬲᬦ᭄᭞ᬧᬜ᭄ᬚᬶᬲ᭄ᬫᬶᬭᬂᬫᬶᬚᬶᬮ᭄᭞
ᬕ᭄ᬮᬶᬲ᭄ᬜᬧ᭄ᬭᬾᬓ᭄ᬓᬸᬤᬵ᭞ᬮᬳᬸᬢ᭄ᬗᬸᬗ᭄ᬲᬶᬓᬤ᭄ᬳᬵ᭞ᬫᬧᬓᬬᬸᬦ᭄ᬳᬧᬂᬳᬸᬦᬶᬂ᭞ᬢ᭄ᬓᬾᬦᬶᬂᬓᬵᬃᬬ᭄ᬬ᭞ᬧᬩᬸᬜ᭄ᬘᬶᬗᬦᬾᬚᬦᬶ᭟ᬲᬭᬯᬸᬳᬾᬤᬶᬤ᭄ᬳᬵᬗᬭᬶᬬᬂ᭞ᬢ᭄ᬯᬭᬵᬳᬤᬵᬳᬦᬓ᭄ᬳᬸᬦᬶᬂ᭞ᬫᬦ᭄ᬕᬭᬂᬚᬭᬦ᭄᭞
Kaca:Bali-lontar-paparikan-panji-semirang-250ppi.pdf/28
Kaca puniki sampun kauji-wacén
