[᭓᭐ 30B]
᭓᭐
ᬗᬗ᭄ᬕᬾᬧᬬᬸᬂᬳᬕᬸᬂᬲᬹᬢᬺᬓᬸᬦᬶᬂᬓᭂᬫ᭄ᬩᬃ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬬᬦ᭄ᬳᬓᬸᬤᬂᬚᬦ᭄ᬫᬵ᭞ᬫᬩᬮᬶᬄᬓᬕᬯᭀᬓᬦ᭄᭞ᬗᬦ᭄ᬢᭂᬦᬂᬯᬃᬡ᭄ᬦᬦᬾᬓᬤᬶ᭞ᬲᬂᬳ᭄ᬬᬂᬲ᭄ᬫᬭᬵᬩᬕᬸᬲ᭄ᬫᬜᬦ᭄ᬤᬶᬂᬭᬢᬶᬄ᭞ᬲ
ᬓᬾᬯᬮᬵᬩᬸᬮᬦᬾᬦᬾᬦᬾᬓᬧᬗᬦ᭄᭞ᬳ᭄ᬩᭂᬓ᭄ᬫᬳᬸᬬᬓ᭄ᬕ᭄ᬢᬶᬄ᭞ᬩᬸᬫᬭᬵᬓᬢᬤᬄ᭞ᬳᬶᬓᬮᬵᬭᬯᬸᬫᬓ᭄ᬧᬓ᭄᭞ᬲᬗ᭄ᬓᬜᬩᬸᬓᬵᬦᬶᬮᬲᬶᬦ᭄᭞ᬧᬗᬗ᭄ᬕᭀᬩᬸᬗᬄ᭞ᬢ᭄ᬯᬭᬵᬳᬦᬸᬢ᭄ᬫᬲᬦ᭄ᬤᬶᬂ
᭟ᬕᬮᬸᬄᬳᬚᭂᬂᬳᬾᬗ᭄ᬕᬢ᭄ᬳᬾᬗ᭄ᬕᭀᬢ᭄ᬩᬦᬾᬩᬳᬢ᭄᭞ᬗᬩᬵᬧᬸᬲᬸᬂᬩᬼᬗ᭄ᬓᭂᬃᬧᭂᬡ᭄ᬥᬶᬂ᭞ᬫᬲᬲᬶᬫ᭄ᬧᬶᬂᬳ᭄ᬫᬵᬲ᭄᭞ᬢᬗᬜ᭄ᬘᭀᬓᭀᬭᬾᬫᬕ᭄ᬮᬂ᭞ᬗᬸᬦ᭄ᬢᬸᬓ᭄ᬥᭂᬥᭂᬧᬾᬢᬦ᭄ᬲᬶᬧᬶ᭞ᬤᬶᬚ᭄ᬭᭀᬦᬶᬂᬫᬦᬄ
᭞ᬗᭂᬜ᭄ᬘᬄᬓᬬᬸᬦᬾᬧᬮᬶᬂ᭟ᬗ᭄ᬬᬄᬗ᭄ᬬᬸᬄᬗᬶᬮᬸᬗᬚᬧ᭄ᬳᬚᬧ᭄ᬲᬜ᭄ᬚᬵ᭞ᬓᬲᬸᬭᬸᬧᬦ᭄ᬲᬂᬳ᭄ᬬᬂᬭᬯᬶ᭞ᬢᭀᬂᬤᬤᬶᬢᬳᬦᬂ᭞ᬩᬦ᭄ᬢᬸᬫ᭄ᬩᬾᬦᬾᬗᬦ᭄ᬢᭂᬦᬂ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬤᬾᬯ᭄ᬯᬵᬲ᭄ᬓᬮᬵ
[᭓᭑ 31A]
ᬧᬘᬂᬗᬗ᭄ᬕᭀᬧ᭄ᬭᬫᬶᬰ᭄ᬯᬭᬶ᭟ᬓᬾᬢᭀᬧᬶᬲᬦ᭄ᬕᬮᬸᬄᬳᬚᭂᬂᬫᬫᬶᬦᭂᬳᬂ᭞ᬮ᭄ᬕᭂᬳᬶᬥᭂᬧᬾᬫᬩᬸᬜ᭄ᬘᬶᬂ᭞ᬲᬸᬳᬸᬤᬾᬫᬶᬍᬳᬦ᭄᭞ᬮᬯᬸᬢ᭄ᬕ᭄ᬮᬶᬲ᭄ᬗᬧᬸᬭᬶᬬᬂ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬓᬧᬲᬗ᭄ᬕ᭄ᬭ
ᬳᬦ᭄ᬓᬫᬢᬡ᭄ᬥᬓᬦ᭄ᬗᬸᬗ᭄ᬲᬶ᭟ᬕᬮᬸᬄᬳᬚᭂᬂᬩᬶᬩᬶᬦᬾᬫᬜ᭄ᬘᬓ᭄ᬦᬦ᭄ᬤᬦ᭄᭞ᬫᬳᬵᬮᬶᬓᬸᬗᬕᬳᬶᬦ᭄᭞ᬳᭀᬓᬦᬾᬪᬷᬱᬡᬵ᭞ᬫᬢ᭄ᬭᬸᬄᬩᬶᬗᬃ᭞ᬲᬵᬫ᭄ᬧᬸᬦᬾᬓᬧᬲᬮᬶᬦᬶᬦ᭄᭞ᬯᬸᬲ᭄ᬫᬲᬸᬘ᭄ᬬᬦ᭄
᭞ᬕᬮᬸᬄᬳᬚᭂᬂᬦᬾᬚᬦᬶ᭟ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬫ᭄ᬩ᭄ᬬᬵᬃᬧᬭᬵ᭞ᬧᬓᬬᬸᬩᬩᬾᬲ᭄ᬤᬶᬄ᭞ᬲᬵᬕ᭄ᬲᬕ᭄ᬢᬦ᭄ᬲᬶᬧᬶᬭᬵ᭞ᬬᬤᬶᬦ᭄ᬢᬵᬫᬩᬸᬜ᭄ᬘᬶᬗᬂ᭞ᬢ᭄ᬯᬭᬵᬓᬢᬼᬩ᭄ᬤᬶᬳᬢᬶ᭞ᬓᬤᬸᬂᬫᬫ᭄ᬭᬢ᭄ᬧᬓᬬᬸᬦᬦᬾ
ᬗᬶᬮᬶᬲ᭄᭟ᬢ᭄ᬓᬾᬦ᭄ᬧᬜ᭄ᬚᬶᬲ᭄ᬫᬶᬭᬂᬢᭀᬂᬤᬤᬶᬳᭂᬗ᭄ᬲᬧᬂ᭞ᬓᬾᬢᭀᬲᬮᬄᬓᬾᬦᬾᬧ᭄ᬮᬶᬄ᭞ᬗᬫᬸᬳᬫᬸᬩᬶᬂᬩᬂ᭞ᬢ᭄ᬯᬭᬵᬲᬼᬕ᭄ᬗᬬᬸᬦᬂ᭞ᬭᬤᬾᬦ᭄ᬳᬶᬦᬸᬓᬵᬃᬢ᭄ᬣᬵᬧᬢᬷ᭞ᬩ᭄ᬯᬶᬦ᭄ᬢᬸᬢᬸᬭᬂ᭞ᬫᬳᬵᬮᬶᬓᬸᬦᬾᬚ
Kaca:Bali-lontar-paparikan-panji-semirang-250ppi.pdf/31
Kaca puniki sampun kauji-wacén
