[᭒᭑ 21B]
᭒᭑
ᬦ᭄ᬢᬄᬚᬢᬶᬧᬶᬲᬦ᭄᭞ᬲᬲᬸᬓᬢ᭄ᬤᬾᬯᬾᬓ᭄ᬢᬶᬢ᭄ᬬᬗᬾ᭞ᬮᬚᬸᬗᬸᬫ᭄ᬩᬵᬭᬵᬭᬢᬹ᭞ᬦᬾᬫᬗ᭄ᬓᬶᬦ᭄ᬓᬤᬶᬗᬃᬬ᭄ᬬᬦᬶᬦ᭄᭞ᬩᬸᬳᬸᬢ᭄ᬫᬗᭀᬩᭂᬢᬶᬦ᭄ᬳᬦᬓ᭄᭞ᬲᬶᬭᬵᬳᭀᬮᬲ᭄ᬦᬸᬤᬸᬓ᭄᭞ᬢᬶᬢ᭄ᬬᬂᬚᬦ᭄ᬫᬵᬓᬓᬸᬢ
ᬗᬦ᭄᭞ᬫᬗ᭄ᬕᬶᬄᬮᬭᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬳᭂᬢᭂᬲ᭄ᬮᬾᬮᭀᬫᬫᬶᬋᬗᬂ᭟ᬢᬹᬃᬫᬮᬶᬓᬂᬓ᭄ᬭᬶᬲᬾᬲᬶᬗ᭄ᬓᬸᬃᬓᬤᭀᬭᬶᬭᬱᬵᬳ᭄ᬜᬕ᭄᭞ᬓᬬᬸᬦᬾᬫᬶᬋᬗᬂ᭞ᬳᬢᬹᬃᬧᬜ᭄ᬚᬶᬲ᭄ᬫᬶᬭᬗᬾ᭞ᬳᬶᬦᬸᬓᬃᬢ᭄ᬣᬵ
ᬲᬯᬹᬃᬳᬮᬸᬲ᭄᭞ᬲᬵᬫ᭄ᬧᬸᬦᬂᬓᬾᬳᬶᬯᬂᬧᬦᬫ᭄ᬧᬶ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬫᬫᬦᬄᬫᬗ᭄ᬩᬸᬕ᭄᭞ᬫᬗ᭄ᬭᬸᬤᬳᬶᬦ᭄ᬳᬶᬤᬾᬯ᭄ᬯᬵ᭞ᬯᬲ᭄ᬢᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭞ᬳᭀᬓᬦ᭄ᬲᬂᬧ᭄ᬭᬪᬹ
ᬓᭀᬭᬶᬧᬦ᭄᭟ᬧ᭄ᬭᬬᬦ᭄ᬢᬶᬢ᭄ᬬᬂᬚᬕᬵᬮᬸᬗ᭄ᬳᬵᬫᬗ᭄ᬓᬶᬦ᭄ᬫᬾᬮᬦ᭄ᬳᬾᬮᬦ᭄᭞ᬓᬦ᭄ᬕᬵᬭᬤ᭄ᬳᬵ᭞ᬲᬧᬸᬦᬶᬓᬵᬲᬸᬚᬢᬶᬦᬾ᭞ᬧᬜ᭄ᬚᬶᬲ᭄ᬫᬶᬭᬂᬓ᭄ᬜᬸᬲ᭄᭞ᬧᬲᬳᬸᬭᬾᬓ᭄ᬜᭂᬫ᭄ᬫᬦᬶᬲ᭄᭞ᬬᬦ᭄ᬯᬦ᭄ᬢᬄᬲᬧᬸᬦᬶᬓᬵ᭞ᬧᬓ
[᭒᭒ 22A]
ᬬᬸᬦ᭄ᬳᬶᬭᬢᬸ᭞ᬢᬦ᭄ᬯᬾᬦ᭄ᬢᭂᬦ᭄ᬫᬰᬢ᭄ᬭᬸᬢᬶᬢ᭄ᬬᬂ᭞ᬦᬸᬦᬲ᭄ᬲᬶᬫ᭄ᬧᬂ᭞ᬓᬧᭀᬦ᭄ᬤᭀᬓ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬬᬦᬶᬂᬳᬶᬭᬢᬸᬮᬾᬤ᭄ᬥᬂ᭟ᬧᬲᬯᬸᬭᬾᬳᬶᬦᬸᬓᬃᬢ᭄ᬣᬵᬧᬢᬶᬳᬤᭀᬄᬧᬶᬲᬦ᭄᭞ᬭᬢᬹᬫᬦᬄ
ᬢᬶᬢ᭄ᬬᬂᬫᬸᬘᬶᬗᬶᬦ᭄ᬧᬯᬘᬦᬾ᭞ᬢᬶᬢ᭄ᬬᬂᬲᬸᬫᬵᬥ᭄ᬬᬵᬭᬢᬹ᭞ᬗᬶᬭᬶᬂᬲᬧᬓᬬᬸᬦ᭄ᬳᬤᬶ᭞ᬓᬚ᭄ᬭᭀᬦ᭄ᬳᬤᬶᬦᬾᬲᬶᬫ᭄ᬧᬂ᭞ᬤᬤᬶᬲᬸᬩᬵᬳᬤᬸᬂ᭞ᬲᬂᬓᬵᬮᬶᬄᬫᬩᬩᬯᭀᬲᬦ᭄ᬧᬥᬵᬢᬸᬳᬸᬦ᭄᭞ᬳᬸᬮᬶᬚᬭ
ᬦᬾᬫᬗ᭄ᬭᬭᬶᬲ᭄ᬫᬫᬵᬃᬕ᭄ᬕᬶᬫᬤᬦ᭄ᬤᬦ᭄ᬢᬫᬦ᭄᭟ᬫᬢᭀᬮᬶᬳᬦ᭄ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬷᬫᬗᬦ᭄ᬤᬶᬓᬵ᭞ᬭᬶᬂᬳᬶᬚ᭄ᬭᬸᬤᬶᬩᬦ᭄ᬩᬦ᭄᭞ᬚ᭄ᬭᬸᬤᬶᬤᬯᬸᬳᬶᬦ᭄ᬧᬜ᭄ᬚᬓᬾ᭞ᬳᬧᬂᬧᬥᬵᬫᬗ᭄ᬮᬯᬸᬢ᭄᭞ᬳᬚ
ᬓ᭄ᬫᬓ᭄ᬚᬂᬓᬧᬸᬭᬶ᭞ᬳᬶᬚ᭄ᬭᬸᬤᬶᬫᬦ᭄ᬤᬯᬸᬳᬂ᭞ᬲᬶᬦᬫ᭄ᬬᬦ᭄ᬓᬸᬫ᭄ᬧᬸᬮ᭄᭞ᬳᬓᬹᬃᬧᬥᬵᬯᬢᭂᬓ᭄ᬬᬤ᭄ᬤᬵ᭞ᬤᬾᬦᬶᬂᬲᬸᬩᬵ᭞ᬩᬩᬯᭀᬲᬾᬤᬤ᭄ᬯᬵᬩ᭄ᬲᬶᬓ᭄᭞ᬲᬵᬫ᭄ᬧᬸᬦ᭄ᬦᬧᬓ᭄ᬭᬶᬂᬧᬸᬭᬶᬬ᭄ᬬᬦ᭄᭟ᬲᬯᬸ
Kaca:Bali-lontar-paparikan-panji-semirang-250ppi.pdf/22
Kaca puniki sampun kauji-wacén
