[᭒᭐ 20B]
᭒᭐
ᬩᬵᬫᬧᬧᬲ᭄ᬦᬾᬚᬦᬶ᭞ᬧᬜ᭄ᬚᬶᬲ᭄ᬫᬶᬭᬂᬫᬘ᭄ᬧᭀᬮ᭄ᬧᬦᬳᬾᬗ᭄ᬮᬶᬦ᭄ᬢᬶᬓ᭄᭟ᬭᬤᬾᬦ᭄ᬳᬶᬦᬸᬓᬵᬃᬢ᭄ᬣᬵᬧᬵᬳᬶᬓᬩᬶᬗᬸᬗᬦ᭄᭞ᬩᬸᬫᬭᬵᬫᬜᬶᬗᬓᬶᬦ᭄᭞ᬩᬕᬸᬲ᭄ᬦᬶᬂᬫᬜᬸᬫ᭄ᬧ᭄ᬯᬂ᭞ᬘᬬᬦ᭄ᬧᬜ᭄ᬚᬶᬲ᭄ᬫᬶᬭᬂ᭞ᬮ᭄ᬫᭂ
ᬢ᭄ᬢᬗᬦᬾᬧ᭄ᬭᬚᬦᬶ᭞ᬚᬗ᭄ᬓᬜᬳᭂᬗ᭄ᬲᬧ᭄᭞ᬗᬶᬲᬶᬤᬗᬦᬦ᭄ᬓ᭄ᬭᬶᬲ᭄᭟ᬧᬜ᭄ᬚᬶᬲ᭄ᬫᬶᬭᬂᬳᭂᬳᭂᬲ᭄ᬩᬸᬫᬭᬵᬫᬜᬶᬗᬓ᭄᭞ᬭᬤᭂᬦ᭄ᬳᬶᬦᬸᬓᬃᬢ᭄ᬣᬵᬧᬢᬷ᭞ᬩᬕᬸᬲ᭄ᬓᬩᬶᬦᬯᬵ᭞ᬜᬦ᭄ᬤᬂᬜ᭄ᬲ᭄ᬬ᭄ᬓᬂᬫᬦᬄ᭞ᬧᬜ᭄ᬚᬶᬲ᭄ᬫᬶ
ᬭᬂᬫᬗᬓ᭄ᬱᬶ᭞ᬓᬢᬸᬢᬶᬂᬚᬭᬦ᭄᭞ᬫᬚᬗ᭄ᬓᬺᬗᬦ᭄ᬫᬓᬓᬵᬮᬶᬄ᭟ᬫᬓ᭄ᬮᭀᬲᬦ᭄ᬦᬦᭂᬂᬫᬧᬧᬰ᭄ᬘᬘᬶᬗᬓ᭄᭞ᬭᬤᬾᬦ᭄ᬦᬸᬓᬃᬢ᭄ᬣᬵᬧᬢᬶ᭞ᬜᬸᬮᬶᬗ᭄ᬮᬶᬂᬫ᭄ᬤᬲᬂ᭞ᬳᬾᬤᬍᬫ᭄ᬧᬜ᭄ᬚᬶᬲ᭄ᬫᬶᬭᬂ᭞ᬓᬾᬦᬾᬧᬧᬶᬦᭂᬄ
ᬤᬶᬋᬪᬶ᭞ᬩᬸᬫᬭᬵᬢᬯᬂᬫᬶᬲᬦ᭄ᬕ᭄ᬮᬳᬾᬚᬦᬶ᭟ᬫᬫ᭄ᬘᬸᬢᬶᬜ᭄ᬚᬭᬦ᭄ᬧᬜ᭄ᬚᬶᬲ᭄ᬫᬶᬭᬂ᭞ᬜᬗ᭄ᬓᬺᬂᬢᭀᬂᬜᬓ᭄ᬫᬫᬵᬃᬕ᭄ᬕᬶ᭞ᬢᬶᬢᬶᬃᬫᬕ᭄ᬭᬾᬄᬕᬾᬳᬦ᭄᭞ᬚᬭᬦᬾᬲᬮᬶᬂᬢᬶᬫ᭄ᬩᬮ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞
[᭒᭑ 21A]
ᬫ᭄ᬘᬸᬢᬶᬜ᭄ᬚᬭᬦ᭄᭞ᬫᭀᬕᭀᬅ᭄ᬳᬶᬭᬵᬗ᭄ᬕᬶᬢ᭄᭟ᬐ᭐ᬐᬤᬂᬤᬂᬐ᭐ᬐᬕ᭄ᬢᬃᬫᬦᬶᬲ᭄ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬭᬭᬶᬲ᭄ᬗᬸᬘᬧ᭄᭞ᬭᬶᬂᬓᬸᬤᬵᬧᬸᬦᬶᬓᬵ᭞ᬓᬾᬦ᭄ᬓᬾᬦ᭄ᬳᬯᬦ
ᬦ᭄ᬓᬓᬾᬦᬾ᭞ᬳᬶᬭᬵᬗ᭄ᬕᬭᬗ᭄ᬕᬶᬢ᭄ᬩᬳᬸ᭞ᬤᬸᬓᬾᬩᬸᬫᬭᬵᬫᬫᬵᬃᬕ᭄ᬕᬶ᭞ᬢᬶᬦ᭄ᬤᬓᬾᬦ᭄ᬤᬯᬸᬲ᭄ᬲᬸᬚᬵ᭞ᬧᬮᬳᬶᬩᬾᬦᬸᬘᬸᬧ᭄᭞ᬤᬤᬶᬚᬦᬶᬫᬚᬗ᭄ᬓᬺᬗᬦ᭄ᬢ᭄ᬯᬭᬵᬗ᭄ᬮᬄ᭞ᬩᬬᬸᬓᬾᬦᬾᬮ᭄ᬫᭂᬢ᭄ᬕᬢᬶ᭞ᬦᭀ
ᬗᭀᬲ᭄ᬢ᭄ᬯᬭᬵᬜᬓ᭄ᬫᬚᬮᬦ᭄᭞ᬕᬸᬫᬦᬵᬲᬦ᭄ᬳᬸᬮᬶᬓᬸᬭᬶᬧᬦ᭄ᬫᬳᬶᬫᬗᭂᬦ᭄ᬤᭀᬦᬂ᭞ᬓᬩᬶᬱᬬᬦ᭄ᬳᬶᬩᬵ᭞ᬤᬤᬶᬚᬦᬶᬯ᭄ᬢᬸᬓᬾᬦᬾ᭞ᬧᬜ᭄ᬚᬶᬲ᭄ᬫᬶᬭᬂᬫᬗᬸᬦ᭄ᬢᬸᬓ᭄᭞ᬓ᭄ᬜᭂᬫ᭄ᬫᬶᬗᬶᬲ᭄ᬩᬳᬸᬫᬶᬭᬵᬕᬶ᭞ᬫᬦᬶᬲ᭄ᬩ
ᬦ᭄ᬩᬸᬦ᭄ᬮᬸᬢ᭄ᬗᬸᬘᬧ᭄᭞ᬲᬧᬸᬦᬧᬶᬭᬵᬢᬸ᭞ᬫᬳᬯᬦᬦ᭄ᬲᬧᬸᬦᬶᬓᬵ᭞ᬫᬯᬘᬡᬵ᭞ᬢᬶᬢ᭄ᬬᬂᬚᬦ᭄ᬫᬵᬓᬰᬶᬬᬰᬶᬄ᭞ᬳᬶᬭᬶᬓᬶᬓᬲᬗ᭄ᬰᬭᬦ᭄᭟ᬓᬢᬸᬕ᭄ᬦᬄᬭᬶᬂᬢ᭄ᬗᬄᬳᬮᬲ᭄ᬫᬗᭂᬫ᭄ᬧᬶ᭞ᬦᬶᬗ᭄ᬕᬮ᭄ᬤᬾᬰ᭞ᬯ
Kaca:Bali-lontar-paparikan-panji-semirang-250ppi.pdf/21
Kaca puniki sampun kauji-wacén
