[᭒᭒ 22B]
᭒᭒
ᬳᬾᬤᬶᬧᬸᬭᬶᬬᬩ᭄ᬗᭀᬂᬲᬫᬶᬓᬕᬯᭀᬓᬦ᭄᭞ᬩᬸᬫᬭᬵᬗᬦ᭄ᬢᭂᬦᬂ᭞ᬩᬦ᭄ᬩᬗᬸᬲ᭄ᬢᬢᬵᬯᬃᬡ᭄ᬦᬦᬾ᭞ᬬᬦᬶᬂᬢᭀᬳᬶᬲ᭄ᬢ᭄ᬭᬶᬓᬓᬸᬂ᭞ᬢᭀᬂᬳᬤᬵᬓᬲᭀᬭᬦ᭄ᬢᬦ᭄ᬤᬶᬂ᭞ᬢ᭄ᬯᬄᬜᬦ᭄ᬤᬂᬫᬘᬧ᭄ᬭᬾᬓᬦ᭄᭞ᬓᬾ
ᬢᭀᬧᬥᬵᬗ᭄ᬭᬸᬫᬸᬦ᭄᭞ᬯᬢᭂᬓ᭄ᬦᬾᬦᬗ᭄ᬓᬶᬮ᭄ᬫᬓ᭄ᬚᬂ᭞ᬲᬕᬾᬢ᭄ᬢ᭄ᬓᬵ᭞ᬳᬬᬸᬦᬦᬾᬓᬵᬢᬹᬃᬭᬭᬶᬲ᭄᭞ᬧᬜ᭄ᬚᬶᬲ᭄ᬫᬶᬭᬂᬗᬓ᭄ᬱᬫᬵ᭟ᬳᬶᬗ᭄ᬕᬶᬄᬩ᭄ᬮᬶᬮᬾᬤᬗᬂᬧᬶᬲᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬭᬵᬬᬂ᭞ᬧᬸᬧᬸ
ᬢ᭄ᬢᬗᬜ᭄ᬚᬗᬦ᭄᭞ᬮᬾᬤᬗᬂᬓᬬᬸᬦᬦᬾ᭞ᬳᬢᬹᬭᬦ᭄ᬳᬦᬓ᭄ᬮᬘᬹᬃ᭞ᬭᬶᬂᬳ᭄ᬩᭂᬢ᭄ᬳᭂᬩᭂᬢᬾᬗᭂᬫ᭄ᬧᬶ᭞ᬜᭂᬜᭂᬘᬘᬶᬂᬗᬓ᭄ᬦᬶᬫ᭄ᬩᬮ᭄᭞ᬧᬗᬦ᭄ᬤᬶᬓᬵᬫᬸᬮᬸᬓ᭄᭞ᬜᬫ᭄ᬧᬸᬳᬾᬗᭂᬜᬕᬂᬫᬦᬄ᭞ᬮᬕᭂᬲ᭄ᬩᬦ᭄ᬩᬦ᭄᭞
ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬷ᭞ᬥᬹᬄᬳᬤᬶᬤᬵᬗ᭄ᬮᬦ᭄ᬢᬗᬂ᭟ᬫᬲᬶᬄᬧᬢᬸᬄᬚᬸᬫᬄᬩ᭄ᬮᬶᬢ᭄ᬯᬭᬵᬩᬶᬦᬵ᭞ᬧᬢᬸᬭᬸᬲᬗ᭄ᬰᬭᬵ᭞ᬩᬦ᭄ᬤᬶᬦᬵᬕᬭᬵᬳᬤᬦᬾ᭞ᬧ᭄ᬢᭂᬂᬮ᭄ᬫᬄᬓᬗᬶᬦ᭄ᬓᬯᬸᬄ᭞ᬲᬸᬓᬵᬤᬸᬓᬵᬮᬭᬧᬢᬶ᭞
[᭒᭓ 23A]
ᬧᬸᬦᬸᬦᬲ᭄ᬩ᭄ᬮᬶᬭᬶᬂᬤᬾᬯ᭄ᬯᬵ᭞ᬓᬬᬸᬦ᭄ᬫᬗ᭄ᬤᬵᬦᬸᬮᬸᬲ᭄᭞ᬢᬺᬱ᭄ᬡᬤᬶᬓᬸᬫᬜᬫᬵ᭞ᬦᬾᬭᬶᬂᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬫᬲ᭄ᬬᭀᬲᬦ᭄ᬫᬮᬶᬄ᭞ᬭᬶᬂᬚᬩᬵᬚ᭄ᬭᭀᬳᬾᬮᬶᬗᬂ᭟ᬚᬮᬦ᭄ᬳᬤᬶᬫᬕᬶᬩᬸᬗᬦ᭄ᬩᬋᬂᬩ᭄ᬮᬶᬘᬶᬭᬶᬦ᭄ᬢᬺ
ᬱ᭄ᬡ᭞ᬍᬓᭂᬢ᭄ᬫᬓᬦ᭄ᬢᬾᬦᬦ᭄᭞ᬲᬳᬵᬲᭂᬫ᭄ᬩᬄᬧᬲᬯᬸᬭᬾ᭞ᬧᬜ᭄ᬚᬶᬲ᭄ᬫᬶᬭᬂᬗᬸᬦ᭄ᬢᬸᬓ᭄᭞ᬤᬸᬭᬸᬲᬂᬬᬸᬦᬂᬩ᭄ᬮᬶ᭞ᬫᬗ᭄ᬤᬵᬢᬦ᭄ᬯᬾᬦ᭄ᬢᭂᬦ᭄ᬳᬸᬮᬄ᭞ᬜᬦᬦ᭄ᬢᬶᬢ᭄ᬬᬂᬗ᭄ᬮᬸᬗ᭄ᬲᬹᬃ᭞ᬯᬶᬭᬾᬄᬢᬶᬢ᭄ᬬᬂᬚᬦ᭄ᬫᬵᬦᬶᬱ᭄ᬝᬵ᭞ᬢᬦ᭄ᬧᬯᬗ᭄ᬰ
ᬭᬤᬾᬦ᭄ᬳᬶᬦᬸᬓᬵᬃᬢ᭄ᬣᬧᬵᬢᬶ᭞ᬢᬸᬫᬸᬮᬶᬳᬶᬤᬵᬗᬬᬸᬦᬂ᭟ᬲᬳᬸᬲᬦᬾᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶᬫᬗᬬᬸᬦᬂ᭞ᬮᬸᬢ᭄ᬧᬜ᭄ᬚᬶᬲ᭄ᬫᬶᬭᬂ᭞ᬫᬗᬬᬸᬦᬂᬮᬸᬗ᭄ᬲᬸᬭᬦᬾ᭞ᬳᬸᬲᬦ᭄ᬗᬬᬸᬦᬂᬲᬵᬫ᭄ᬧᬸᬦ᭄᭞ᬢᬜ᭄ᬘ
ᬭᬶᬢᬬᬂᬯᬸᬲ᭄ᬯᭂᬗᬶ᭞ᬲᬂᬓᬵᬮᬶᬄᬓᬧᬫᬺᬫᬦ᭄᭞ᬳ᭄ᬩᭀᬦᬾᬫᬲᬫ᭄ᬧᬸᬓ᭄᭞ᬤᬶᬧᬫᬺᬫᬦ᭄ᬫᭂᬩᭀᬳᬫ᭄ᬩᬃ᭞ᬫᬕᬸᬫᬦᬵ᭞ᬫᬢᬶᬲ᭄ᬢᬶᬲ᭄ᬩᬦ᭄ᬍᬗᬶᬲ᭄ᬫᬶᬬᬶᬓ᭄᭞ᬕᬍᬂᬕᬸᬮᬶᬗᬾᬫᬓ᭄ᬚᬂ᭟ᬫᬺᬫ᭄ᬫᬺ
Kaca:Bali-lontar-paparikan-panji-semirang-250ppi.pdf/23
Kaca puniki sampun kauji-wacén
