[᭑᭗ 17B]
᭑᭗
ᬮᬶᬄ᭞ᬳᬶᬓᬸᬤᬵᬧ᭄ᬭᬯᬶᬭᬵ᭞ᬫᬶᬯᬄᬳᬶᬓᬸᬤᬵᬧ᭄ᬭᬧᬜ᭄ᬘᬵ᭞ᬧᬢᬓᭀᬦᬾᬚᬸᬚᬸᬢ᭄ᬕᬢᬶ᭞ᬳᬶᬄᬳᬸᬮᬶᬤᬶᬚᬵ᭞ᬓᬶᬚᬵᬧᬮ᭄ᬯᬲᬾᬚᬦᬶ᭟ᬮᬸᬢ᭄ᬫᬲᬯᬸᬢ᭄ᬳᬶᬚ᭄ᬭᬸᬤᬶᬫᬗᬋᬧᬂ᭞ᬳᬸᬮᬶᬓᬸᬭᬶᬧᬦᬚᬢᬶ᭞ᬧ
ᬘᬂᬮ᭄ᬯᬲ᭄ᬓᬤ᭄ᬳᬵ᭞ᬓᬳᬸᬢᬸᬲ᭄ᬗᬩᬵᬳᬵᬃᬢ᭄ᬣ᭞ᬓᬢᬹᬭᬶᬂᬤᬵᬰ᭄ᬭᬶᬪᬹᬧᬵᬢᬷ᭞ᬲᬂᬧ᭄ᬭᬪᬹᬤ᭄ᬳᬵ᭞ᬳᬶᬓᬸᬤᬵᬧᬺᬯᬶᬭᬵᬩ᭄ᬯᬶᬦ᭄᭟ᬫᬜᭂᬲᭂᬤᬂᬳᬵᬃᬢ᭄ᬣᬓᬾᬦ᭄ᬓᬾᬦ᭄ᬢᭀᬦᬾᬓᬩᬵ᭞ᬓ᭄ᬭᬡᬵᬮ᭄ᬬᬸᬕᬢᬶᬕᬢᬶ᭞ᬫ
ᬲᬯᬸᬢ᭄ᬳᬶᬧᬸᬦ᭄ᬢᬵ᭞ᬳᬵᬃᬢ᭄ᬣᬭᬵᬚᬧᬦᭀᬫᬄ᭞ᬲᬯᬶᬭᬾᬄᬧᬘᬂᬫᬩᬸᬜ᭄ᬘᬶᬂ᭞ᬧᬸᬢ᭄ᬭᬦ᭄ᬲᬂᬦᬵᬬᬵᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬵᬢᬶ᭟ᬧᬗ᭄ᬯᬍᬲᬾᬳᬶᬓᬸᬤᬵᬧ᭄ᬭᬯᬶᬭᬵᬲᭂᬫ᭄ᬧ᭄ᬬᬃ᭞ᬢ᭄ᬓᬾᬦ᭄ᬜᬾᬦ᭄ᬓᬮ᭄ᬫᬩᬸᬜ᭄ᬘᬶᬂ᭞
ᬳᬶᬧᬸᬦ᭄ᬢᬵᬫᬦᬶᬫ᭄ᬩᬮ᭄᭞ᬢ᭄ᬯᬭᬵᬳᬤᬵᬳ᭄ᬮᬾᬦᬦ᭄᭞ᬢ᭄ᬓᬾᬦ᭄ᬳᬶᬤᬵᬢ᭄ᬯᬦ᭄ᬧᬸᬢ᭄ᬭᬶ᭞ᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬧᬸᬢ᭄ᬭᬫᬶᬰ᭄ᬯᬭᬷ᭟ᬚ᭄ᬦᭂᬂᬤᬳᬓ᭄ᬳᬤᬵᬲᬂᬧ᭄ᬭᬪᬹᬤᬶᬤ᭄ᬳᬵ᭞ᬳᬯᬦᬦ᭄ᬓᬢᬸᬭᬶᬦ᭄ᬧᬶᬧᬶᬲ᭄᭞ᬳᬶᬚ᭄ᬭᬸᬤᬶ
[᭒᭘ 18A]
ᬫᬜ᭄ᬮᬕ᭄᭞ᬢ᭄ᬯᬭᬵᬚᬩᬳᬦ᭄ᬤᬳᬓ᭄᭞ᬳᬶᬗ᭄ᬓᭀᬳᬶᬂᬧ᭄ᬭᬭᬵᬢᬸᬍᬯᬶᬄ᭞ᬫ᭄ᬭᬚᬵᬧᬦᭀᬫᬄ᭞ᬬᬾᬦᬶᬂᬧᬘᬂᬫᬩᬸᬜ᭄ᬘᬶᬂ᭟ᬫᬦᭂᬲᭂᬓᬂᬳᬶᬓᬸᬤᬵᬧᬺᬯᬶᬭᬵᬗᬸᬘᬧ᭄᭞ᬅᬃᬢ᭄ᬣᬦᬾᬲ᭄ᬭᬳᬂᬤᬶᬦᬶ᭞ᬬᬾᬦ᭄ᬢ᭄ᬯ
ᬭᬵᬜᬳᬂ᭞ᬢ᭄ᬯᬭᬵᬩᬸᬳᬸᬂᬮᬭᬫ᭄ᬧᬵᬲ᭄᭞ᬲᬓᬤᬦ᭄ᬳᬃᬢ᭄ᬣᬦᬾᬲᬫᬶ᭞ᬳ᭄ᬤᬵᬫᬗ᭄ᬮᬶᬯᬢ᭄᭞ᬬᬾᬬᬦ᭄ᬢ᭄ᬯᬭᬵᬜ᭄ᬭᬳᬂᬚᬦᬶ᭟ᬕᬕᬾᬧᬾᬋᬦ᭄ᬳᬶᬚ᭄ᬭᬸᬤᬶᬫᬶᬯᬄᬳᬶᬧᬸᬦ᭄ᬢᬵ᭞ᬳᬶᬓᬵᬃᬢ᭄ᬣᬮᬵᬫᬓᬤᬶ᭞ᬫᬶ
ᬯᬄᬳᬶᬧ᭄ᬭᬲᬵᬦ᭄ᬢᬵ᭞ᬲᬸᬩᬵᬧᬤᬵᬧ᭄ᬭᬬᬢ᭄ᬦᬵ᭞ᬫᬓ᭄ᬚᬂᬗᬋᬧᬂᬓ᭄ᬭᬶᬲ᭄᭞ᬫ᭄ᬢᭂᬓ᭄ᬤᬗᬦᬦ᭄᭞ᬫᬓᬫᬶᬯᬄᬕᬸᬲ᭄ᬢᬶᬧᬢᬶᬄ᭟ᬤᬾᬦᬶᬂᬲᬗᭂᬢ᭄ᬫᬶᬓᬸᬓᬸᬳᬶᬦ᭄ᬓᬧᬢᬸᬢᬦ᭄᭞ᬳᬵᬃᬢ᭄ᬣᬦᬾᬚᬕ᭄ᬓᬳᬫ᭄ᬩᬶᬮ᭄᭞ᬤᬤᬶ
ᬫᬕᬸᬮᬸᬗᬦ᭄᭞ᬫᬲ᭄ᬬᬢ᭄ᬫᬤᬤᬕᬦ᭄᭞ᬫᬧᬸᬦ᭄ᬢᭂᬮ᭄ᬧᬲᬮᬶᬂᬢᬶᬕ᭄ᬢᬶᬕ᭄᭞ᬧᬲᬮᬶᬂᬧᬓ᭄ᬧᬓ᭄᭞ᬧ᭄ᬭᬦᬫᬵᬦ᭄ᬢ᭄ᬭᬶᬗᭂᬫ᭄ᬩᬸᬮᬶᬦ᭄᭟ᬢ᭄ᬯᬭᬵᬩᬶᬱᬵᬧᬶᬳᬶᬤ᭄ᬳᬶᬓᬸᬤᬵᬧᬺᬯᬶᬭᬵ᭞ᬓᬧᬶᬢ᭄ᬯᬶᬓᬓᭂᬫ᭄ᬩᬸᬮᬶ
Kaca:Bali-lontar-paparikan-panji-semirang-250ppi.pdf/18
Kaca puniki sampun kauji-wacén
