[᭑᭘ 18B]
᭑᭘
ᬦ᭄᭞ᬬᬦ᭄ᬳᬓᬸᬤᬂᬲᬸᬩᬵ᭞ᬩᬓᬢᬗᬵᬩᬦ᭄ᬫᬱ᭄ᬝᬵ᭞ᬳᬃᬢ᭄ᬣᬦᬾᬓᬭᬫ᭄ᬧᬲ᭄ᬲᬫᬶ᭟ᬬᬵᬳᬶᬧ᭄ᬭᬲᬦ᭄ᬢᬵᬢ᭄ᬯᬭᬵᬫ᭄ᬩᬳᬦ᭄ᬩᬸᬦ᭄ᬤᬶᬮᬶ᭟ᬳᬶᬚ᭄ᬭᬸᬤᬶᬓᬵᬃᬢ᭄ᬢᬮᬵᬫ᭄ᬭᬲᬵᬓᬧᭂᬲᬦ᭄᭞ᬫᬓᬵᬤᬶᬲᬶᬭᬵᬧᬢᬶᬄ᭞
ᬢ᭄ᬯᬭᬵᬗ᭄ᬮᬄᬓᬡ᭄ᬥᬵ᭞ᬳᬵᬃᬢ᭄ᬣᬦᬾᬲᬸᬩᬵᬓ᭄ᬭᬫ᭄ᬧᬲ᭄᭞ᬫᬓᬤᬶᬮ᭄ᬬᬸᬫᬘᬗ᭄ᬓᭂᬮᬶᬂ᭞ᬳᬤᬵᬫᬜ᭄ᬭᬄ᭞ᬳᬸᬮᬸᬩᬮᬂᬲᬶᬲᬦ᭄ᬫᬢᬶ᭟ᬤᬤᬶᬓᬾᬦᬾᬓᬓ᭄ᬢᬾᬓᬾᬳᬶᬓᬵᬃᬢ᭄ᬢᬮᬵ᭞ᬫ᭄ᬓᬤᬶᬜᬳᬶᬚ᭄ᬭᬸᬤᬶ᭞ᬬᬾ
ᬦᬶᬂᬧᬘᬂᬮᬯᬦ᭄᭞ᬢᭀᬂᬩᬸᬳᬸᬂᬧᬘᬂᬓᬮᬄ᭞ᬓᬧᬢᬸᬢ᭄ᬩᬦ᭄ᬲᬶᬭᬵᬧᬢᬶᬄ᭞ᬫᬶᬮᬸᬦᬸᬮᬩ᭄ᬬᬂ᭞ᬫᬮᬳᬶᬩ᭄ᬦ᭄ᬓᭂᬧ᭄ᬳᭂᬚᬶᬢ᭄᭟ᬲᬭᬯᬸᬳᬾᬤᬶᬓᬸᬭᬶᬧᬦ᭄ᬗᬸᬦᬶᬗᬬᬂ᭞ᬭᬶᬂᬳᬶᬤᬵᬰ᭄ᬭᬷᬪᬹᬧᬵᬢᬷ᭞ᬫᬶᬯᬄᬭᬶᬂ
ᬳᬦᬓ᭄ᬤᬵ᭞ᬳᬶᬚ᭄ᬭᬸᬤᬶᬗᬸᬦᬶᬗᬬᬂ᭞ᬲᬓᬡ᭄ᬥᬵᬓᬡ᭄ᬥᬵᬦᬾᬲᬫᬶ᭞ᬓᬮᬶᬦ᭄ᬢᬂᬓ᭄ᬭᭀᬥᬵᬭᬤᬾᬤᬦ᭄ᬳᬶᬦᬸᬓᬵᬃᬢ᭄ᬣᬵᬧᬢᬶ᭟ᬫᬗᬾᬗ᭄ᬕᬮᬂᬧᬋᬓ᭄ᬭᬶᬂᬳᬶᬤᬵᬲᬂᬦᬵᬣ᭞ᬫᬧᬫᬶᬢ᭄ᬧᬘᬂᬗᭂᬫ᭄ᬩᬭᬶᬦ᭄᭞ᬧ
[᭑᭙ 19A]
ᬫᬾᬕᬮ᭄ᬧᬸᬦᬶᬓᬵ᭞ᬳᬚᬶᬦ᭄ᬤᬵᬫᬗᬦ᭄ᬤᬶᬓᬵ᭞ᬫᬚᬮᬦ᭄ᬳᬶᬤᬾᬯᬚᬦᬶ᭞ᬬᬾᬦᬶᬂᬢ᭄ᬯᬄᬲᬶᬤᬵ᭞ᬓᬮᬄᬩᬵᬦ᭄ᬗᬫᬸᬲᬸᬳᬶᬦ᭄᭟ᬦᬄᬗ᭄ᬮᬯᬸᬢ᭄ᬳᬶᬤᬾᬯ᭄ᬯᬵᬲᬸᬩᬵ᭞ᬭᬤᬾᬦ᭄ᬦᬸᬓᬵᬃᬢ᭄ᬣᬵᬧᬢ᭄ᬣᬶ᭞
ᬗᬸᬦ᭄ᬢᬸᬓ᭄ᬭᬭᬶᬲ᭄ᬜᬸᬫ᭄ᬩᬄ᭞ᬭᬶᬂᬳᬚᬶᬫᬶᬯᬄᬩ᭄ᬬᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬗ᭄ᬮᬶᬗ᭄ᬳᬶᬳᬶᬦ᭄ᬓᬸᬤᬵᬫᬤᬦ᭄ᬳᬶᬭᬵᬗ᭄ᬕᬭᬵᬗ᭄ᬕᬶ᭟ᬢ᭄ᬯᬭᬵᬧᬲᬄᬦᬾᬧᬢ᭄ᬧᬢ᭄ᬩ᭄ᬯᬶᬦ᭄ᬗᬶᬭᬶᬗᬂ᭞ᬳᬶᬧᬸᬦ᭄ᬢᬵᬮᬦ᭄ᬳᬶᬚ᭄ᬭᬸᬤᬶ᭞ᬫᬶᬯᬄᬳᬶ
ᬓᬵᬃᬢ᭄ᬢᬮᬵ᭞ᬫᬓᬵᬤᬶᬳᬶᬧ᭄ᬭᬲᬵᬦ᭄ᬢᬵ᭞ᬳᬶᬮᬂᬚᭂᬚᭂᬄᬜᬦᬾᬚᬦᬶ᭞ᬤᬾᬦᬶᬂᬓᬩ᭄ᬯᬢᬦ᭄᭞ᬩᬓ᭄ᬢᬶᬦᬾᬢ᭄ᬓᬾᬦ᭄ᬕᬸᬲ᭄ᬢᬶ᭟ᬢᬜ᭄ᬘᬭᬶᬢ᭄ᬣᬢᬢᬶᬗ᭄ᬓᬳᬦᬾᬤᬶᬚᬮᬦ᭄᭞ᬧᬜ᭄ᬚᬶᬲ᭄ᬫᬶᬭᬂᬦᬾᬚᬦᬶ᭞ᬫ
ᬜᬶᬗᬓ᭄ᬩᬩᬦ᭄ᬤᬦ᭄᭞ᬦᬾᬳᬸᬮᬶᬤᬶᬓᬸᬭᬶᬧᬦ᭄᭞ᬲᬫ᭄ᬧᬸᬦ᭄ᬓᬤᬯᬸᬄᬗᭂᬫ᭄ᬩᬸᬲᬶᬦ᭄᭞ᬮᬯᬸᬢ᭄ᬓᬕᬄᬕᬄ᭞ᬢᬮᬶᬦ᭄ᬜᬦᬾᬫᬓᬲᬫᬶ᭟ᬩᬦ᭄ᬩᬦ᭄ᬳᬮᬸᬲ᭄ᬧᬜ᭄ᬚᬶᬲ᭄ᬫᬶᬭᬂᬗᬦ᭄ᬤᬶᬓᬵ᭞ᬭᬶᬂᬦᬾᬲᬵᬫ᭄ᬧᬸᬦ᭄ᬫᭂᬫ᭄ᬩᬸᬲᬶᬦ᭄
Kaca:Bali-lontar-paparikan-panji-semirang-250ppi.pdf/19
Kaca puniki sampun kauji-wacén
