[᭑᭖ 16B]
᭑᭖
ᬦᬶᬂᬋᬤ᭄ᬥᬶ᭟ᬫᬳᬵᬤᬾᬯᬶᬲᬬᬦ᭄ᬮᬾᬤᬂ᭞ᬩᬦᬾᬫ᭄ᬩᬳᬦ᭄ᬢ᭄ᬯᬦ᭄ᬧᬸᬢ᭄ᬭᬶᬤ᭄ᬯᬂᬤᬶᬭᬶ᭞ᬲᬬᬗᬾᬫᬯᬸᬯᬸᬄᬯᬸᬯᬸᬄ᭞ᬓ᭄ᬯᬮᭀᬦᬾᬧᬜ᭄ᬚᬶᬲ᭄ᬫᬶᬭᬂ᭞ᬫᬳᬵᬤᬾᬯᬶᬫᬓᬵᬃᬬ᭄ᬬᬦᬾᬢ᭄ᬯᬳᬳᬸᬓᬸᬤ᭄᭞ᬫᬦ
ᬩ᭄ᬤᬩᬂᬧᬫᬺᬫᬦ᭄᭞ᬧᬜ᭄ᬚᬶᬲ᭄ᬫᬶᬭᬗᬾᬲᬳᬶ᭟ᬳᬶᬓᬸᬤᬵᬧᬺᬯᬶᬭᬵᬜᬩ᭄ᬭᬦ᭄᭞ᬢᬸᬗ᭄ᬕᬮ᭄ᬲ᭄ᬫᭂᬂᬫᬚᬕᬵᬤᬶᬲᬫ᭄ᬧᬶᬂᬓᭀᬭᬶ᭞ᬳᬶᬓᬸᬤᬵᬧᬺᬧᬜ᭄ᬘᬵᬫᬶᬮᬸ᭞ᬩᬸᬓᬵᬦᬾᬲᬸᬩᬵᬲᬸᬩᬵ᭞ᬬᬾᬦ᭄ᬳᬓᬸᬤ
ᬮᬶᬬᬸᬦᬾᬫᬳᬦ᭄ᬫᬗ᭄ᬤᬸᬓ᭄᭞ᬚᬦ᭄ᬫᬵᬓ᭄ᬭᬡᬵᬲᬬᬦ᭄ᬭᬫ᭄ᬯᬵ᭞ᬤᬶᬓᭀᬢ᭄ᬣᬵᬩᬭᬸᬗᬾᬤᬦᬶᬦ᭄᭟ᬐᬤᬹᬃᬫ᭄ᬫᬐᬓᬘᬭᬶᬢ᭄ᬣᬵᬳᬶᬤᬵᬲᬂᬧ᭄ᬭᬪᬹᬓᭀᬭᬶᬧᬦ᭄᭞ᬧᬘᬂᬗᬸᬢᬸᬲ᭄ᬦᬾᬫᬵᬗ᭄ᬓᬶᬦ᭄᭞
ᬓᬤ᭄ᬳᬵᬫᬗᬩᬵ᭞ᬳᭀᬃᬢ᭄ᬣᬵᬭᬚᬵᬧᬦᭀᬫᬄ᭞ᬓᬳᬢᬹᬃᬭᬶᬂᬰ᭄ᬭᬶᬪᬹᬧᬵᬢᬷ᭞ᬲᬂᬧ᭄ᬭᬪᬹᬤ᭄ᬳᬵᬲᬵᬫ᭄ᬧᬸᬦ᭄ᬲᬫᬶᬘᬸᬫᬯᬶᬲ᭄᭟ᬢ᭄ᬯᬭᬵᬮᬾᬦᬦ᭄ᬳᬶᬚ᭄ᬭᬸᬤᬶᬧᬸᬦ᭄ᬢᬵᬓᬵᬃᬢ᭄ᬢᬮᬵ᭞ᬫᬗᬶᬭᬶᬂᬲᬶᬭᬵᬧᬢᬶᬄ᭞ᬫᬶᬬ
[᭑᭗ 17A]
ᬯᬄᬳᬶᬧᬺᬱᬵᬦ᭄ᬢ᭞ᬯᬸᬲ᭄ᬢ᭄ᬭᬕ᭄ᬬᬲᬳᬵᬲᬸᬭᬵᬢ᭄᭞ᬭᬤᬾᬦ᭄ᬳᬶᬦᬸᬓᬵᬃᬢ᭄ᬣᬧᬵᬢ᭄ᬣᬶ᭞ᬦᬗ᭄ᬓᬶᬮ᭄ᬳᬚᬦ᭄ᬫᬵ᭞ᬤᬾᬦᬶᬂᬫᬓᬬᬸᬦ᭄ᬳᬸᬦᬶᬂ.ᬲᬳᬶᬦ᭄ᬤᬶᬓᬾᬜ᭄ᬚᬮᬦᬂᬭᬵᬚᬵᬧᬦᭀᬫᬄ᭞ᬲᬵᬫ᭄ᬧᬸᬦᬾᬲᬺᬕᭂ
ᬧ᭄ᬲᬫᬶ᭞ᬦᬾᬓᬳᬸᬢᬸᬲ᭄ᬜᬸᬫ᭄ᬩᬄ᭞ᬲᬸᬚᬸᬤ᭄ᬭᬶᬂᬤᬵᬲᬂᬦᬵᬢ᭄ᬣᬵ᭞ᬫᬓᬵᬤᬶᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬫ᭄ᬯᬄᬭᬶᬂᬧᬸᬢ᭄ᬭᬦ᭄ᬤᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬵᬢ᭄ᬣᬶ᭟ᬳᬩ᭄ᬭᬶᬬᬸᬓᬦ᭄ᬳᬸᬢᬸᬲᬦᬾᬗᬚᬩᬬᬂ᭞ᬤᬶᬩᬜ᭄ᬘᬶᬗᬄᬫ
ᬗᬦ᭄ᬢᬶ᭞ᬳᬢᬧ᭄ᬧᬥᬵᬦ᭄ᬕᬓ᭄᭞ᬳᬸᬮᬸᬩᬮᬂᬫᬓ᭄ᬚᬂ᭞ᬦᬾᬦᬾᬧᬘᬂᬫᬋᬫ᭄ᬧᭂᬕᬶᬦ᭄᭞ᬧᬘᬂᬓᬤ᭄ᬳᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭟ᬧᬚᬮᬦᬾᬳᬶᬚ᭄ᬭᬸᬤᬶᬫᬶᬯᬄᬳᬶᬧᬸᬦ᭄ᬢᬵ᭞ᬳᬶᬓᬵᬃᬢ᭄ᬢᬮᬵᬫᬓᬵᬤᬶ᭞
ᬓᬵᬮᬶᬄᬳᬶᬧᬺᬱᬦ᭄ᬢᬵ᭞ᬲᬶᬂᬧᬶᬲᬦ᭄ᬢᬳᬾᬦ᭄ᬩ᭄ᬮᬲ᭄᭞ᬫᬓᬧᬢ᭄ᬧᬢ᭄ᬧᬥᬵᬘ᭄ᬮᬶᬭᬶᬂ᭞ᬲᬫᬶᬲᬬᬕᬵᬫᬗᬶᬭᬶᬂᬲᬶᬭᬵᬧᬢᬶᬄ᭟ᬲᬢ᭄ᬓᭂᬤᬾᬤᬶᬓᭀᬢ᭄ᬣᬩᬭᬸᬓᬘᬦ᭄ᬤᬓ᭄᭞ᬩᬦ᭄ᬧᬜ᭄ᬚᬕᬦᬾᬓᬵ
Kaca:Bali-lontar-paparikan-panji-semirang-250ppi.pdf/17
Kaca puniki sampun kauji-wacén
