[᭑᭕ 15B]
᭑᭕
ᬢᬸᬕ᭄ᬩᭂᬮᬶ᭟ᬩ᭄ᬮᬶᬚᬦ᭄ᬫᬵᬢᬦ᭄ᬧᬯᬗ᭄ᬰᬵ᭞ᬓᬮᬸᬤ᭄ᬫᬸᬫᬄᬤᬶᬢ᭄ᬗᬄᬳᬮᬲᬾᬗᭂᬫ᭄ᬧᬶ᭞ᬳᬧᬂᬳ᭄ᬤᬵᬳᬤᬶᬗᬤᬸᬳᬸᬂᬫᬦᬶᬧᭀᬯᬦ᭄ᬫᬲᭂᬮ᭄ᬲᭂᬮᬦ᭄᭞ᬧᬲᬯᬸᬭᬾᬢ᭄ᬯᬦ᭄ᬧᬸᬢ᭄ᬭᬶᬦᬾᬫᬩ᭄ᬭᬶᬬᬸᬓ᭄᭞ᬬᬤ᭄ᬬᬧᬶᬦ᭄ᬲᬧᬸ
ᬦᬶᬓ᭞ᬢᬶᬢ᭄ᬬᬂᬗᬶᬭᬶᬂᬮᬶᬗ᭄ᬕᬶᬄᬩ᭄ᬮᬶ᭟ᬓᬯᭀᬦ᭄ᬩ᭄ᬡᬶᬓ᭄ᬢᬶᬢ᭄ᬬᬂᬲᬤ᭄ᬬ᭞ᬲᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬗᬶᬭᬶᬂᬮᬶᬗ᭄ᬕᬶᬄᬩ᭄ᬮᬶ᭞ᬓᬾᬢᭀᬳᬢᬹᬭᬾᬢ᭄ᬯᬦ᭄ᬕᬮᬸᬄ᭞ᬧᬶᬓ᭄ᬤᭂᬄᬫᬓᬤᬤ᭄ᬯᬵ᭞ᬮᬸᬢ᭄ᬫᬤᬩ᭄ᬤᬩ᭄᭞ᬢ᭄ᬯᬦ᭄ᬧᬸᬢ᭄ᬭᬶᬜᬸᬫ᭄ᬩᬄᬫᬵᬢᬹᬃ᭞
ᬭᬶᬂᬩ᭄ᬬᬂᬫᬶᬯᬄᬳᬚᬶᬦ᭄ᬤᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶ᭟ᬢ᭄ᬯᬭᬵᬳᬸᬘᬧᬂᬤᬶᬚᬮᬦ᭄᭞ᬧᬫᬵᬃᬕ᭄ᬕᬶᬦᬾᬧᬜ᭄ᬚᬶᬲ᭄ᬫᬶᬭᬂᬦᬾᬚᬦᬶ᭞ᬫᬓᬤᬶᬜᬢ᭄ᬯᬦ᭄ᬕᬮᬸᬄ᭞ᬤᬤ᭄ᬯᬵᬚ᭄ᬕᬾᬕ᭄ᬫᬗᬬᬂ᭞ᬲᬕᬾᬦᬧᬓ᭄ᬤᬶᬓᭀᬢ᭄ᬣᬩ
ᬭᬸᬫᬜᬸᬚᬹᬃ᭞ᬧᬜ᭄ᬚᬶᬲ᭄ᬫᬶᬭᬂᬫᬵᬦ᭄ᬢᬸᬓᬦ᭄᭞ᬓᬧᬸᬭᬶᬲᬋᬂᬢ᭄ᬯᬦ᭄ᬧᬸᬢ᭄ᬭᬶ᭟ᬲᬮᬫᬶᬦᬾᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬫᬓᬵᬤᬶᬜᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵᬲᬭᬷ᭞ᬤᬶᬓᭀᬢ᭄ᬣᬩᬭᬸᬫᬸᬮᬸᬗ᭄ᬕᬸᬄ᭞ᬤᬶᬚ᭄ᬭᭀᬦᬾᬧᬜ᭄ᬚᬶᬲ᭄ᬫᬶ
[᭑᭖ 16A]
ᬭᬂ᭞ᬢ᭄ᬯᬭᬵᬧ᭄ᬕᬢ᭄ᬫᬓᬵᬲᬸᬓᬦ᭄ᬲ᭄ᬬᬂᬤᬮᬸ᭞ᬲᬮᬶᬂᬘᬺᬓ᭄ᬱᬮᬶᬂᬳᬭᬲ᭄᭞ᬧᬜ᭄ᬚᬶᬲ᭄ᬫᬶᬭᬂᬲᬲᬳᬶ᭟ᬲᬬᬦ᭄ᬲᬸᬯᬾᬧᬦᬤ᭄ᬬᬜ᭞ᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵᬫᬓᬤᬶ᭞ᬧᬸᬢ᭄ᬭᬶᬧᬸᬱ᭄ᬧᬵᬲᬭᬶᬗᬸᬄ᭞ᬢ᭄ᬓᬵᬧ᭄ᬭᬂ
ᬕᬢ᭄ᬲᬮᬶᬂᬳᬭᬲ᭄᭞ᬲᬮᬶᬂᬘᬺᬓ᭄ᬫᬓᬤᬶᬜᬲᬮᬶᬂᬕ᭄ᬮᬸᬢ᭄᭞ᬳᬾᬫᭂᬂᬤᬶᬓᬬᬸᬦ᭄ᬫᭂᬦᭂᬳᬂ᭞ᬢ᭄ᬯᬦ᭄ᬧᬸᬢ᭄ᬭᬶᬫᬓᬓᬵᬮᬶᬄ᭞ᬧ᭄ᬭᬧᬸᬢ᭄ᬭᬶᬦᬾᬫᬓᬤᬤ᭄ᬯᬵ᭞ᬓᬧᬢᬫ᭄ᬧᬶᬢ᭄ᬓᬾᬦ᭄ᬧᬋᬓᬦᬾᬓᬵᬮᬶᬄ᭞ᬧᬸᬢ᭄ᬭᬶ
ᬧᬸᬱ᭄ᬧᬵᬲᬭᬷᬲᬵᬫ᭄ᬧᬸᬦ᭄᭞ᬢ᭄ᬓᬾᬦ᭄ᬳᬶᬓᬸᬤᬵᬧ᭄ᬭᬯᬶᬭᬵ᭞ᬓᬧᬳᬫ᭄ᬧᬶᬲᬳᬶᬲᬮᬶᬂᬳᬭᬲ᭄ᬕ᭄ᬮᬸᬢ᭄᭞ᬲᬫ᭄ᬩᬶᬮ᭄ᬫᬘᬡ᭄ᬥᬘᬡ᭄ᬥᬬᬦ᭄᭞ᬳᬾᬫᭂᬂᬓᬬᬸᬦᬾᬢ᭄ᬯᬦ᭄ᬧᬸᬢ᭄ᬭᬶ᭟ᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬢ᭄ᬯᬭᬵ
ᬮᬾᬦ᭄ᬳᬶᬓᬸᬤᬵᬱᬺᬧᬜ᭄ᬘᬵᬦᬫ᭄ᬧᬶ᭟ᬢᬢᬶᬗ᭄ᬓᬳᬦ᭄ᬫᬰᬶᬄᬧᬢᬸᬄ᭞ᬫᬭᬲ᭄ᬳᬭᬲᬦ᭄ᬤᭀᬯ᭄ᬯᬂ᭞ᬲᬮᬶᬂᬕᬾᬲ᭄ᬕᬾᬲ᭄ᬢᬹᬃᬫᬘᬡ᭄ᬥᬵᬲᬮᬶᬂᬳᬶᬧᬸᬓ᭄᭞ᬢ᭄ᬯᬦ᭄ᬧᬸᬢ᭄ᬭᬶᬳᬾᬫ᭄ᬧᭂᬃᬧᬶᬲᬦ᭄᭞ᬧᬧᬶᬦᭂᬳᬾᬚ᭄ᬭᭀ
Kaca:Bali-lontar-paparikan-panji-semirang-250ppi.pdf/16
Kaca puniki sampun kauji-wacén
