[᭑᭔ 14B]
᭑᭔
ᬦ᭄ᬧᬸᬢ᭄ᬭᬶᬫᬓᬵᬤᬤ᭄ᬯᬵ᭞ᬧᬗ᭄ᬭᬲᬦᬾᬚᬦᬶᬗ᭄ᬮᬄᬲᭀᬫᬄᬩᬕᬸᬲ᭄᭞ᬯᬮᬸᬬᬵᬲᬂᬳ᭄ᬬᬂᬲ᭄ᬫᬭᬵ᭞ᬯᬬᬵᬳᭀᬓᬦ᭄ᬳᬦᬓ᭄ᬍᬯᬶᬄ᭟ᬚᬦ᭄ᬫᬵᬦᬾᬤᬶᬚᬮᬜ᭄ᬚᬮᬦ᭄᭞ᬩ᭄ᬗᭀᬂᬘ᭄ᬗᭀᬮ᭄ᬕᬯᭀ
ᬓ᭄ᬜᬦᬾᬢᬦ᭄ᬲᬶᬧᬶ᭞ᬗᬦ᭄ᬢᭂᬦᬂᬯᬃᬡ᭄ᬦᬦᬾᬫᬸᬭᬸᬩ᭄᭞ᬘᬬᬦᬾᬧᬜ᭄ᬚᬶᬲ᭄ᬫᬶᬭᬂ᭞ᬲᬬᬦᬾᬧᬜ᭄ᬚᬶᬲ᭄ᬫᬶᬭᬂ᭞ᬲᬭᬯᬸᬳᬾᬤᬶᬓᭀᬢ᭄ᬣᬵᬫᭂᬦ᭄ᬢᬯᬵᬦ᭄ᬮᬯᬸᬢ᭄᭞ᬧᬜ᭄ᬚᬶᬲ᭄ᬫᬶᬭᬂᬓᬵᬢᬹᬭᬦ᭄᭞ᬫᬗ᭄ᬭᬭᬶᬲ᭄ᬲᬵᬫ᭄ᬧᬸᬦ᭄ᬓᬧᬸᬭᬶ᭟ᬲᬂᬧ᭄ᬭ
ᬪᬹᬫᭂᬦ᭄ᬢᬯᬵᬦ᭄ᬜᬕ᭄ᬚᬕ᭄᭞ᬫᬗᬾᬗ᭄ᬕᬮᬂᬧᬜ᭄ᬚᬶᬲ᭄ᬫᬶᬭᬂᬢᬫ᭄ᬧᭂᬓᬶᬦ᭄᭞ᬓᬵᬢᬹᬭᬵᬦ᭄ᬫᬸᬗ᭄ᬕᬳᬦ᭄ᬲᬵᬫ᭄ᬧᬸᬦ᭄᭞ᬫᬮᬶᬗ᭄ᬕᬶᬄᬧᬜ᭄ᬚᬶᬲ᭄ᬫᬶᬭᬂ᭞ᬲᬂᬧ᭄ᬭᬪᬹᬫᭂᬦ᭄ᬢᬯᬦ᭄ᬳᬗᬸᬘᬧ᭄ᬳᬮᬸᬲ᭄᭞ᬧᬗᬦ᭄ᬤᬶᬓᬵᬩᬦ᭄ᬩᬦ᭄ᬕᭂ
ᬢᬃ᭞ᬭᬾᬄᬫᬹᬮᬵᬧ᭄ᬭᬭᬵᬢᬸᬮᬶᬗ᭄ᬰᬶᬃ᭟ᬩᬧᬵᬗᬢᬹᬭᬂᬲᬧᬶᬲᬦ᭄᭞ᬧᬚᬕᬢᬦ᭄ᬫᬦ᭄ᬢᬯᬦᬾᬫᬵᬗ᭄ᬓᬶᬦ᭄᭞ᬳᬶᬤᬾᬯᬦᬶᬢᬄᬲᬓᬬᬸᬦ᭄᭞ᬫᬗᭀᬤᬕ᭄ᬲᬤᬕᬶᬂᬚᬕᬢ᭄᭞ᬲᬵᬫ᭄ᬧᬸ
[᭑᭕ 15A]
ᬦ᭄ᬧᬶᬲᬦ᭄ᬳᬶᬤᬾᬯᬵᬫᭂᬗ᭄ᬕᬄᬓᬤᬸᬭᬸᬲ᭄᭞ᬩᬧᬵᬫᬲ᭄ᬭᬄᬳᬸᬮᬫ᭄ᬫᬢᬄ᭞ᬲᬭᬵᬤᬾᬯᬵᬫᬫᬱᬳᬶᬦ᭄᭟ᬫᬳᬢᬹᬃᬧᬜ᭄ᬚᬶᬲ᭄ᬫᬶᬭᬂ᭞ᬳᬍᬧ᭄ᬫᬦᬶᬲ᭄ᬭᬶᬂᬧ᭄ᬭᬪᬹᬫᭂᬦ᭄ᬢᬯᬵᬦ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦᬂᬲᬫ᭄ᬮᬂ
ᬓᬬᬸᬦ᭄᭞ᬭᬭᬶᬲᬂᬧᬮᬸᬗ᭄ᬕᬸᬄᬩᬧᬵ᭞ᬗᬯᬶᬰᬾᬱᬵᬳᬶᬭᬶᬓᬶᬜ᭄ᬦᭂᬂᬲᬂᬧ᭄ᬭᬪᬹ᭞ᬢᬶᬢ᭄ᬬᬂᬮᬶᬦ᭄ᬢᬂᬜᬸᬓ᭄ᬱᬬᬂ᭞ᬰ᭄ᬯᬾᬘᬵᬦ᭄ᬩᬧᬦᬾᬦᬾᬫᬗ᭄ᬓᬶᬦ᭄᭟ᬬᬦ᭄ᬲᬸᬩᬵᬳᬓᬸᬤᬂᬤᬶᬦᬵ᭞ᬤᬶᬫᭂᬦ᭄ᬢᬯᬦ᭄ᬧᬜ᭄ᬚᬶ
ᬲ᭄ᬫᬶᬭᬂᬫᬮᬶᬗ᭄ᬕᬶᬄ᭞ᬧᬢᬫ᭄ᬬᬸᬦᬾᬜᬩ᭄ᬭᬦ᭄ᬯᬶᬩᬸᬄ᭞ᬲᬂᬧ᭄ᬭᬪᬹᬫᭂᬦ᭄ᬢᬯᬦ᭄ᬗᬾᬫᬦ᭄᭞ᬦᬾᬦᬾᬚᬦᬶᬧᬜ᭄ᬚᬶᬲ᭄ᬫᬶᬭᬂᬫᬓᬬᬸᬦ᭄᭞ᬓᬓᭀᬢ᭄ᬣᬩᬭᬸᬫᬢᬸᬮᬓ᭄᭞ᬲᬵᬫ᭄ᬧᬸᬦ᭄ᬫᬧᬫᬶᬢ᭄ᬦᬾᬫᬗ᭄ᬓᬶᬦ᭄᭟ᬢ᭄ᬯᬦ᭄ᬧᬸᬢ᭄ᬭᬶ
ᬧᬸᬱ᭄ᬧᬵᬚ᭄ᬯᬶᬢ᭄ᬣᬵ᭞ᬫᬓᬵᬤᬶᬜᬢ᭄ᬯᬦ᭄ᬧᬸᬢ᭄ᬭᬶᬧᬸᬱ᭄ᬧᬵᬲᬭᬷ᭞ᬦᬗᬶᬲ᭄ᬦᬕᬶᬄᬫᬶᬮᬸᬦᬸᬢᬸᬕ᭄᭞ᬢ᭄ᬯᬭᬵᬤᬤᬶᬩᬮᬶᬓᬂ᭞ᬫᬦᬶᬲ᭄ᬗᬸᬘᬧ᭄ᬧᬜ᭄ᬚᬶᬲ᭄ᬫᬶᬭᬂᬢᬹᬃᬋᬫ᭄ᬧᬸᬄ᭞ᬢᬸᬥᬹᬄᬳᬤᬶᬫᬓᬤᬤ᭄ᬯᬵ᭞ᬗᬸᬤ᭄ᬬᬂᬦᬕᬸᬄᬦᬸ
Kaca:Bali-lontar-paparikan-panji-semirang-250ppi.pdf/15
Kaca puniki sampun kauji-wacén
