[᭑᭑ 11B]
᭑᭑
ᬯᭀᬓᬦ᭄᭞ᬧᬜ᭄ᬚᬶᬲ᭄ᬫᬶᬭᬂᬲᬸᬓᬶᬗ᭄ᬕᬶᬄ᭟ᬯᬶᬭᬾᬄᬲᬸᬩᬵᬮ᭄ᬬᬸᬧᬶᬲᬦ᭄ᬫ᭄ᬮᬄᬧᬜ᭄ᬚᬓ᭄ᬧᬜ᭄ᬚᬶᬲ᭄ᬫᬶᬭᬂᬦᬾᬚᬦᬶ᭞ᬫᬗ᭄ᬭᬭᬶᬲ᭄ᬫᬲ᭄ᬮᬶᬃᬲᬵᬫ᭄ᬧᬸᬦ᭄᭞ᬳᬤᬵᬦᬾᬓᬶᬘᬾᬦ᭄ᬧᬗ᭄ᬓᬢ᭄᭞ᬤᬤᬶᬤ᭄ᬫᬂᬧᬸᬗ᭄ᬕᬯᬵᬫᬶᬯᬄᬢᬸᬫᭂᬗ᭄ᬕᬸᬂ
᭞ᬦᬗᬸᬜ᭄ᬚ᭄ᬭᭀᬲᭀᬯᬂᬲᭀᬯᬂ᭞ᬫᬓᬵᬫᬶᬯᬄᬫᬜ᭄ᬘᬫᬵᬦ᭄ᬢ᭄ᬭᬶ᭟ᬦᬾᬦᬾᬚᬦᬶᬲᬸᬩᬵᬧ᭄ᬭᬕᬢ᭄᭞ᬧᬧᬶᬮᬶᬳᬦᬾᬫᬧᬗ᭄ᬓᬢ᭄ᬧᬗ᭄ᬓᬢ᭄ᬲᬫᬶ᭞ᬧᬸᬗ᭄ᬕᬯ᭄ᬯᬤ᭄ᬫᬂᬢᬸᬫᭂᬗ᭄ᬕᬸᬂ᭞ᬫᬓ᭄ᬚᬂᬓᬤᬯᬸᬳᬦ᭄᭞ᬤᬾᬦᬶᬂᬧᬜ᭄ᬚᬶ
ᬲ᭄ᬫᬶᬭᬂᬧᬘᬂᬫᬗᭂᬩᬸᬕ᭄᭞ᬗᬺᬚᭂᬓ᭄ᬦᬕᬭᬵᬫᭂᬢᬯᬵᬦ᭄᭞ᬧᬲ᭄ᬫᭂᬗᬦ᭄ᬦᬾᬦᬾᬫᬦᬶ᭟ᬧ᭄ᬢᭂᬗᬾᬤᬶᬧᬸᬃᬭᬵᬫ᭄ᬬ᭞ᬩᬮᬶᬩᬮ᭄ᬬᬦ᭄ᬢᭀᬧᬾᬂᬗᬶᬕᭂᬮ᭄ᬤᬶᬧᬸᬭᬶ᭞ᬮᬶᬯᬢ᭄ᬢᭂᬗᬄᬍᬫᭂᬂᬲᬵᬫ᭄ᬧᬸᬦ᭄᭞ᬧᬜ᭄ᬚᬶᬲ᭄ᬫᬶᬭᬂᬫᬦ᭄ᬢᬸ
ᬓᬦ᭄᭞ᬓᬧᬫᬺᬫᬦ᭄ᬤᬶᬧᬫᬺᬫᬵᬦ᭄ᬦᬦᭂᬂᬲᬸᬗ᭄ᬲᬸᬢ᭄᭞ᬭᬭᬶᬲ᭄ᬗᬫ᭄ᬩᬶᬮ᭄ᬢᭀᬕᭀᬕ᭄ᬳ᭄ᬫᬵᬲ᭄᭞ᬫᬸᬮᬵᬧᬗ᭄ᬮᬮᬶᬧᬹᬃᬲ᭄ᬤᬶᬄ᭟ᬩᬸᬫᬭᬵᬧᬳᭂᬓ᭄ᬤᬲ᭄ᬮ᭄ᬫᬄ᭞ᬫᬭᬵᬫᬺᬫ᭄ᬧᬜ᭄ᬚᬶᬲ᭄ᬫᬶᬭᬂᬳᬭᬶᬲ᭄᭞ᬢᬢᬲ᭄ᬮ᭄ᬫᬄ
[᭑᭒ 12A]
ᬮᬯᬸᬢ᭄ᬫᬸᬗᬸ᭞ᬳᬸᬲᬦ᭄ᬫᬲᬶᬭᬫ᭄ᬗ᭄ᬭᬗ᭄ᬲᬸᬓᬂ᭞ᬧᬧᬬᬲᬦ᭄ᬤᬶᬩᬜ᭄ᬘᬶᬗᬄᬲᬵᬫ᭄ᬧᬸᬦ᭄ᬓᬸᬫ᭄ᬧᬸᬮ᭄᭞ᬧᬗᬶᬭᬶᬗᬾᬧᬘᬂᬮᬸᬗ᭄ᬳᬵ᭞ᬓᬫᭂᬦ᭄ᬢᬯᬦ᭄ᬗᭂᬦ᭄ᬤᭀᬜ᭄ᬚᬸᬭᬶᬢ᭄᭟ᬧᬜ᭄ᬚᬶᬲ᭄ᬫᬶᬭᬂᬓᬚᬩᬵ᭞ᬧᬗᬶᬭᬶ
ᬗᬾᬲᬫᬶᬲᬵᬫ᭄ᬧᬸᬜ᭄ᬘᬸᬫᬯᬶᬲ᭄᭞ᬧᬫᬵᬃᬕ᭄ᬕᬶᬦᬾᬲᬤᬵᬦ᭄ᬤᬯᬸᬲ᭄᭞ᬤᬾᬦᬶᬂᬫᬧ᭄ᬮᬶᬗ᭄ᬕᬶᬳᬦ᭄ᬚᬭᬦ᭄᭞ᬢᬫ᭄ᬘᬭᬶᬢ᭄ᬣᬤᬶᬚᬮᬦ᭄ᬲᬕᬾᬲᬫ᭄ᬧᬸᬦ᭄᭞ᬯᬯᭂᬗ᭄ᬓᭀᬜ᭄ᬚᬕᬢ᭄ᬫᭂᬦ᭄ᬢᬯᬵᬦ᭄᭞ᬲᬵᬫ᭄ᬧᬸᬦ᭄ᬭ
ᬯᬸᬄᬭᬶᬂᬧᬦ᭄ᬧᬶ᭟ᬩ᭄ᬯᬶᬦ᭄ᬲᬫ᭄ᬩᬸᬗᬶᬦ᭄ᬢᬸᬢᬹᬭᬦ᭄᭞ᬲᬂᬧ᭄ᬭᬪᬹᬫᭂᬦ᭄ᬢᬯᬦ᭄ᬲ᭄ᬩᭂᬢ᭄ᬦᬾᬚᬦᬶ᭞ᬓᬢᬗ᭄ᬓᬶᬮ᭄ᬫᬦᬦᭂᬂᬲᬸᬗ᭄ᬲᬸᬢ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬵᬩᬦ᭄ᬩᬦ᭄᭞ᬓᬾᬦ᭄ᬓᬾᬦ᭄ᬓ᭄ᬭᬡᬵ᭞ᬫᬜ᭄ᬘᬵᬮᬦ᭄ᬤ᭄ᬫᬂᬢᬸ
ᬫᭂᬗ᭄ᬕᬸᬂ᭞ᬢ᭄ᬯᬭᬵᬚᬵᬳᬤᬵᬳᭀᬃᬢ᭄ᬢᬜ᭞ᬬᬾᬦ᭄ᬓᬾᬦᬵᬓᬾᬦ᭄ᬓᬧᭀᬦᬾᬚᬦᬶ᭟ᬚ᭄ᬦᭂᬂᬳᬾᬲᬸᬩᬵᬓᬲᭀᬭᬦ᭄᭞ᬧᬲ᭄ᬬᬢᬾᬮᬯᬸᬢ᭄ᬦᬸᬗ᭄ᬓᬸᬮ᭄ᬫᬓᬲᬫᬶ᭞ᬳᬯᬦᬦᬾᬢᭀᬦ᭄ᬤᬾᬦ᭄ᬭᬯᬸᬄ᭞ᬢᬸ
Kaca:Bali-lontar-paparikan-panji-semirang-250ppi.pdf/12
Kaca puniki sampun kauji-wacén
