[᭑᭐ 10B]
᭑᭐
ᬓ᭄ᬭᭀᬥᬵᬲᬂᬧ᭄ᬭᬪᬹᬫᭂᬦ᭄ᬤᬯᬦ᭄᭞ᬮᬸᬢ᭄ᬫᬗᬸᬢᬸᬲ᭄ᬫᬵᬜ᭄ᬘᬫᬵᬦ᭄ᬢ᭄ᬭᬶᬧ᭄ᬭᬚᬸᬭᬶᬢ᭄᭞ᬫᬓᬵᬤᬶᬤ᭄ᬫᬂᬢᬸᬫᭂᬗ᭄ᬕᬸᬂ᭞ᬫᬺᬚᭂᬓ᭄ᬧᬜ᭄ᬚᬶᬲ᭄ᬫᬶᬭᬂ᭞ᬤᬾᬦᬶᬂᬲᬫᬶᬓᬧᬶᬤᬃᬢ᭄ᬣᬲᬵᬫ᭄ᬧᬸᬦ᭄ᬓᬵᬢᬹᬃ᭞ᬩᬳᬦ᭄ᬧᬗᬮᬸᬦᬾᬩᬸᬲ
ᬦ᭄᭞ᬢᬶᬗ᭄ᬓᬳᬾᬗᬭᬫ᭄ᬧᬵᬲ᭄ᬕ᭄ᬮᬶᬲ᭄᭟ᬧᬚᬮᬦᬾᬕᬳᬕ᭄ᬗ᭄ᬲᬭᬦ᭄᭞ᬯᬢᭂᬓ᭄ᬬᬸᬤ᭄ᬥᬵᬫᭂᬦ᭄ᬤᬯᬦᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬦᬾᬚᬦᬶᬲᬸᬩᬵᬫᬢ᭄ᬭᬸ᭞ᬢ᭄ᬓᬾᬦ᭄ᬳᬶᬓᬸᬤᬵᬧ᭄ᬭᬯᬶᬭᬵ᭞ᬲᬮᬶᬂᬲᭂᬫ᭄ᬧᬮ᭄ᬫᬲ᭄ᬬᬢ᭄ᬬᬲᬮᬶᬂ
ᬲᬸᬤᬓ᭄᭞ᬳᬶᬓᬸᬤᬵᬧ᭄ᬭᬧᬜ᭄ᬘᬜ᭄ᬮᬕ᭄᭞ᬓᬢ᭄ᬗᬄᬰᬢ᭄ᬭᬸᬦᬾᬗ᭄ᬭᬜ᭄ᬚᬶᬂ᭟ᬗᬫᬸᬓ᭄ᬢ᭄ᬯᬭᬵᬗᬶᬢᬸᬂᬳᬧᬵ᭞ᬧᬗᬫᬸᬓᬾᬢ᭄ᬯᬭᬵᬩᬓᬢ᭄ᬧᬳᭂᬓᬶᬦ᭄᭞ᬢ᭄ᬯᬭᬧᬶᬲᬦ᭄ᬩᬶᬱᬵᬓᭂᬦ᭄ᬥᬸ᭞ᬓᬾᬯᬮᬵᬧᬤᬵᬬᬢ᭄ᬦᬵ᭞ᬫ
ᬫ᭄ᬭᬶᬓ᭄ᬱᬳᬶᬦ᭄᭞ᬓᬜ᭄ᬘᬶᬦ᭄ᬓᬮᬫ᭄ᬩᬶᬦᬾᬤᬶᬢᬸ᭞ᬲᬂᬓᬵᬮᬶᬄᬦ᭄ᬓᭂᬓ᭄ᬦᭂᬓᭂᬓᬂ᭞ᬳᬧᬂᬢ᭄ᬯᬭᬓᬳᬶᬯᬲᬶᬦ᭄᭟ᬭᬳᬲ᭄ᬬᬦᬾᬦᬾᬦᬾᬤᬤ᭄ᬯᬵ᭞ᬢ᭄ᬯᬭᬵᬮᬾᬦᬦ᭄ᬜᭀᬜᭀᬦᬾᬓᬧ᭄ᬭᬶᬓ᭄ᬱᬳᬶᬦ᭄᭞ᬤᬾ
[᭑᭑ 11A]
ᬦᬶᬂᬳᬶᬬᬵᬳᬦᬓ᭄ᬳᭂᬮᬸᬄ᭞ᬲᬓᬾᬯᬮᬵᬗᬗ᭄ᬕᭀᬮᬦᬂ᭞ᬧᬥᬵᬲᬾᬍᬩ᭄ᬦᬗ᭄ᬓᬶᬲ᭄ᬲᭂᬜ᭄ᬚᬢᬦ᭄ᬳᬶᬫᬸᬲᬸᬄ᭞ᬮᬸᬢ᭄ᬫᬲ᭄ᬬᬢ᭄ᬧᬢᬸᬗ᭄ᬕᬮᬦ᭄᭞ᬳᬶᬓᬸᬤᬵᬧ᭄ᬭᬯᬶᬭᬵᬚᬦᬶ᭟ᬫᬲ᭄ᬬᬢ᭄ᬫᬫᬸᬲᬸᬄᬤ᭄ᬫᬂ᭞ᬫ᭄ᬯᬄᬳᬶᬓᬸᬤᬵᬧᬺᬧ
ᬜ᭄ᬘᬗᬫᬸᬲᬸᬳᬶᬦ᭄᭞ᬫᬲ᭄ᬬᬢ᭄ᬗ᭄ᬮᬯᬦ᭄ᬢᬸᬫᭂᬗ᭄ᬕᬸᬂ᭞ᬫᬳᬸᬤ᭄ᬭᬦ᭄ᬫᬤᭂᬤᬕᬦ᭄᭞ᬮᬯᬸᬢ᭄ᬓ᭄ᬦᬵᬤ᭄ᬫᬂᬢᬸᬫᭂᬗ᭄ᬕᬸᬂᬲᬸᬤᬸᬓ᭄᭟ᬮᬫ᭄ᬩᬸᬗᬾᬫᬓᬤᬤ᭄ᬯᬵ᭞ᬤ᭄ᬫᬂᬢᬸᬫᭂᬗ᭄ᬕᬸᬂᬗ᭄ᬫᬲᬶᬦ᭄᭟ᬭᬸᬲᬓ᭄ᬕ᭄ᬢᬶᬄᬜᬦᬾᬫᬸᬜ᭄ᬘ᭄ᬭᬢ᭄᭞ᬩᬳᬸ
ᬫᬭᬵᬫᬜ᭄ᬘᬫᬦ᭄ᬢ᭄ᬭᬶᬧᬚᬸᬭᬶᬢ᭄᭞ᬗᬦ᭄ᬢᭂᬦᬂᬤ᭄ᬫᬂᬢᬸᬫᭂᬗ᭄ᬕᬸᬂ᭞ᬧᬚ᭄ᬮᬾᬫ᭄ᬧᬂᬗ᭄ᬫᬲᬶᬦ᭄ᬭᬸᬲᬓ᭄᭞ᬧᬤᬵᬦᬸᬗ᭄ᬮᬸᬮ᭄ᬲᬶᬲᬦ᭄ᬜᬦᬾᬦᬾᬦᬾᬮᬫ᭄ᬧᬸᬲ᭄᭞ᬲᬵᬫ᭄ᬧᬸᬦ᭄ᬧᬋᬓ᭄ᬗᬧᬸᬃᬬᬂ᭞ᬲᬫᬶᬓᬳᬶᬘᬾᬦ᭄ᬧᬲᬮᬶᬦ᭄᭟ᬮ᭄ᬕᬵ
ᬓ᭄ᬦᭂᬳᬾᬓᭂᬧᬜ᭄ᬚᬓ᭄᭞ᬢ᭄ᬓᬾᬦ᭄ᬧᬜ᭄ᬚᬶᬲ᭄ᬫᬶᬭᬂᬯᬃᬡ᭄ᬦᬦᬾᬩ᭄ᬘᬶᬓ᭄᭞ᬩᬕᬸᬲᬾᬫᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬢᬹᬢᬶᬂᬓᬬᬸᬦᬾᬲᬦ᭄ᬢᭀᬱᬵ᭞ᬓᬾᬢᭀᬧᬶᬲᬦ᭄ᬫᬦᬄᬜᬦᬾᬦᬾᬦᬾᬦᬸᬗ᭄ᬓᬮ᭄᭞ᬳᬗᭀᬩ᭄ᬧᬤᬵᬓᬕ
Kaca:Bali-lontar-paparikan-panji-semirang-250ppi.pdf/11
Kaca puniki sampun kauji-wacén
