[᭙ 9B]
᭙
ᬲᬗ᭄ᬓᬶᬮ᭄ᬳᬭᬲ᭄ᬓᬾᬦᬾᬲᭂᬲᬫ᭄ᬩᬢᬾᬮᬯᬸᬢ᭄᭞ᬫᬧᬲᬶᬳᬶᬦ᭄ᬢᭀᬕᭀᬕ᭄ᬳ᭄ᬫᬵᬲ᭄᭞ᬧᬗ᭄ᬤᬶᬓᬋᬫ᭄ᬧᬸᬄᬫᬦᬶᬲ᭄᭟ᬧᬦᬓ᭄ᬩ᭄ᬬᬗᬾᬳᬶᬤᬾᬯ᭞ᬓᬢᬸᬤᬸᬳᬂᬤᬶᬦᬶᬦᬦ᭄ᬤᬗᬶᬦ᭄ᬲᬓᬶᬢ᭄᭞ᬩᬶᬦ᭄ᬧᬶᬤ
ᬦ᭄ᬲᬶᬧᬘᬂᬢ᭄ᬧᬸᬓ᭄᭞ᬳᬚᬶᬦ᭄ᬳᬶᬤᬾᬯᬭᬶᬂᬩ᭄ᬬᬂ᭞ᬭᬤᬾᬦ᭄ᬳᬶᬦᬸᬓᭂᬃᬢ᭄ᬣᬵᬧᬵᬢᬶᬳᬧᬂᬢᬳᬸ᭞ᬩ᭄ᬬᬂᬭᬶᬂᬳᬚᬶᬦ᭄ᬳᬶᬤᬾᬯᬵ᭞ᬓᬾᬦᬾᬤᬶᬳᬮᬲᬾᬗᭂᬫ᭄ᬧᬶ᭟ᬓᬾᬢᭀᬲᬲᬫ᭄ᬩᬢᬦ᭄ᬳᬶᬤᬵ᭞ᬲᬕᬾ
ᬢ᭄ᬲᬸᬩᬵᬮᬶᬯᬢᬦ᭄ᬢ᭄ᬗᬄᬯ᭄ᬗᬶ᭞ᬧᬜ᭄ᬚᬶᬲ᭄ᬫᬶᬭᬂᬳᬢᬸᬭᬸ᭞ᬜᬗ᭄ᬓᬸᬢᬶᬦ᭄ᬧᬸᬢᬺᬧᬸᬢ᭄ᬭᬬᬦ᭄᭞ᬧᬲᭂᬫ᭄ᬩᬦ᭄ᬫᬯᬸᬗᬸᬮᬦ᭄ᬳᬲ᭄ᬫᬭᬯᬸᬧ᭄᭞ᬲᬵᬫ᭄ᬧᬸᬦ᭄ᬫᬗ᭄ᬭᬗ᭄ᬲᬸᬓᬂᬧᬬᬲ᭄᭞ᬦ᭄ᬤᬮ᭄ᬓᬳᬫ᭄ᬩᬾᬦᬾᬫᬗ᭄ᬓᬶᬦ᭄᭟ᬳᬶ
ᬓᬸᬤᬵᬧ᭄ᬭᬯᬶᬭᬵᬳᬾᬗ᭄ᬕᬮ᭄᭞ᬫᬓᬤᬶᬜᬳᬶᬓᬸᬤᬵᬧ᭄ᬭᬧ᭄ᬭᬜ᭄ᬘᬕ᭄ᬮᬶᬲ᭄᭞ᬫᬗ᭄ᬭᬗ᭄ᬲᬸᬓ᭄ᬧᬬᬲᬾᬲᬵᬫ᭄ᬧᬸᬦ᭄᭞ᬧᬲ᭄ᬫᭂᬗᬦ᭄ᬲᬸᬩᬵᬲᬬᬕ᭞ᬤᬶᬕ᭄ᬦᬳᬾᬫᬚᬕᬦᬾᬲᬵᬫ᭄ᬧᬸᬦ᭄ᬲᬫ᭄ᬧᬸᬦ᭄᭞
[᭑᭐ 10A]
ᬢᬦ᭄ᬥᬸᬫᬤᬾᬳᬤᬵᬗ᭄ᬮᬶᬯᬢ᭄᭞ᬚᬦ᭄ᬫᬵᬧᬗᬮᬸᬮᬸᬄᬫ᭄ᬯᬦᬸ᭟ᬳᬸᬮᬶᬤᬶᬚᬕᬢ᭄ᬫᭂᬦ᭄ᬢᬯᬦ᭄᭞ᬳᭂᬦ᭄ᬢᭀᬧᬘᬂᬓᬕᬕ᭄ᬮᬂᬫᬬᬵᬲᬫᬶ᭞ᬳᬶᬓᬸᬤᬵᬧ᭄ᬭᬯᬶᬭᬵᬲᬫ᭄ᬧᬸᬦ᭄᭞ᬫᬶᬯᬄᬳᬶᬓᬸᬤᬵᬧ᭄ᬭᬧᬜ᭄ᬘ᭞ᬫ
ᬜᬕ᭄ᬚᬕᬶᬦ᭄᭞ᬗᬦ᭄ᬤᭂᬕᬂᬤᬕᬗᬾᬮᬯᬸᬢ᭄᭞ᬢ᭄ᬯᬭᬵᬳ᭄ᬜᬓ᭄ᬓᭂᬳᬦ᭄ᬤᭂᬕᬂ᭞ᬩᬵᬦ᭄ᬩᬭᬂᬜᬦᬾᬓᬢᬕᬶᬄ᭞ᬓᭂᬜ᭄ᬘᭂᬂᬢ᭄ᬯᬭᬵᬫᬜ᭄ᬭᬳᬂ᭞ᬧᬗᬮᬸᬦᬾᬦᬾᬫ᭄ᬯᬦᬶᬗᬋᬧᬂᬓ᭄ᬭᬶᬲ᭄᭞ᬦᬾᬳ᭄ᬮᬸᬄᬫᬜ᭄ᬫᬓ᭄ᬢᬶ
ᬬᬸᬓ᭄᭞ᬓ᭄ᬭᭀᬥᬵᬳᬶᬓᬸᬤᬵᬧ᭄ᬭᬯᬶᬭᬵ᭞ᬫᬓᬵᬫᬶᬯᬄᬳᬶᬓᬸᬤᬵᬧ᭄ᬭᬧᬜ᭄ᬘᬓᬸᬘᬸᬧ᭄᭞ᬦ᭄ᬭᬚᬂᬗᬦ᭄ᬤᬶᬫᬕᬸᬮᬸᬗᬦ᭄᭞ᬫᬲ᭄ᬬᬢ᭄ᬲᬮᬾᬂᬕ᭄ᬮᬶᬮᬶᬗᬶᬦ᭄᭟ᬫᬓ᭄ᬚᬂᬧᬥᬵᬓᬧ᭄ᬲᬦ᭄᭞ᬧᬗᬮᬸᬦᬾ
ᬫᬲ᭄ᬬᬢ᭄ᬢᬦ᭄ᬧᬗᬸᬦ᭄ᬤᬶᬮᬶ᭞ᬮ᭄ᬬᬸᬩᬓᬢᬗᬗ᭄ᬚᬸᬓ᭄᭞ᬮᬯᬸᬢ᭄ᬓᬢᭂᬄᬗᬧᬸᬭᬶᬬᬂ᭞ᬳᬤᬵᬫ᭄ᬮᬳᬶᬩ᭄ᬫᬶᬯᬄᬳᬤᬵᬦᬾᬦᬾᬦᬸᬗ᭄ᬓᬸᬮ᭄᭞ᬳᬤᬵᬫ᭄ᬮᬳᬶᬩ᭄ᬗᬸᬦᬶᬗᬬᬂ᭞ᬭᬶᬂᬭᬵᬚᬫᭂᬦ᭄ᬤᬯᬦ᭄ᬕᭂᬮᬶᬲ᭄᭟
Kaca:Bali-lontar-paparikan-panji-semirang-250ppi.pdf/10
Kaca puniki sampun kauji-wacén
