[᭘ 8B]
᭘
ᬢᭀᬧᬾᬂᬫᬶᬯᬄᬲᬫ᭄ᬧᬶᬓ᭄᭟ᬫᬓ᭄ᬚᬂᬢᬸᬮᬶᬓᬸᬭᬶᬧᬦ᭄᭞ᬧᬘᬂᬗ᭄ᬮᬯᬂᬧᬥᬵᬕ᭄ᬮᬶᬲ᭄᭞ᬳᬶᬓᬸᬤᬵᬧ᭄ᬭᬯᬶᬭᬵᬲᬵᬫ᭄ᬧᬸᬦ᭄᭞ᬫᬶᬯᬄᬳᬶᬓᬸᬤᬵᬧ᭄ᬭᬧᬜ᭄ᬘ᭞ᬗᬕᭂᬫ᭄ᬓ᭄ᬭᬶᬲ᭄᭞ᬫᬫ᭄ᬢᭂᬓ᭄ᬤᬗᬦᬦ᭄ᬮᬯᬸᬢ᭄᭞ᬫᬢ
ᬓᭀᬦ᭄ᬫᬸᬜᬶᬦᬾᬲᭂᬫ᭄ᬧ᭄ᬬᬃ᭞ᬫᬲᬯᬸᬢ᭄ᬦᬾᬓᬢᬓᭀᬦᬶᬦ᭄᭟ᬓᬵᬃᬢ᭄ᬣᬬᬂᬧᬘᬂᬗᬯᬂ᭞ᬩᬯᬸᬫᬭᬵᬓᬳᬦ᭄ᬤᭂᬕᬂᬮᬯᬸᬢ᭄ᬦᭂᬗ᭄ᬓᬶᬓ᭄᭞ᬤᬾᬦᬶᬂᬗ᭄ᬭᬲᬵᬳᬚᬓ᭄ᬮᬶᬬᬸ᭞ᬗᬫᬸᬲᬸᬯᬶᬜ᭄ᬚᬢ᭄ᬫᬵᬤᬤ᭄ᬯᬵ᭞
ᬢᭀᬳᬯᬦᬦ᭄ᬗᬫᬶᬦ᭄ᬤᬳᬂᬩ᭄ᬭᬶᬬᬸᬓ᭄ᬩ᭄ᬭᬶᬬᬸᬓ᭄᭞ᬩᬭᬂᬜᬦᬾᬚᬕ᭄ᬓᬭᬫ᭄ᬧᬲ᭄᭞ᬯ᭄ᬢᬸᬫᬲ᭄ᬬᬢ᭄ᬦᬾᬚᬦᬶ᭟ᬧᬲ᭄ᬬᬢᬾᬲᬮᬶᬂᬳᬶᬗ᭄ᬲᬓ᭄᭞ᬫ᭄ᬭᬲᬵᬓᬧᭂᬲ᭄ᬲ᭄ᬓᬵᬦ᭄ᬢᭀᬧᬾᬗᬾᬲᬫᬶ᭞ᬫᬶᬯᬄᬲ᭄ᬓᬵᬲ
ᬫ᭄ᬧᬶᬓ᭄ᬦᬸᬗ᭄ᬓᬸᬮ᭄᭞ᬫᬓ᭄ᬚᬂᬳᬢᭂᬳᬂ᭞ᬗᬧᬸᬭᬶᬬᬂᬕᬺᬳᬦ᭄ᬬᬫᬩᬭᬶᬬᬸᬓ᭄᭞ᬦᬾᬚᬦᬶᬧᬜ᭄ᬚᬶᬲ᭄ᬫᬶᬭᬂ᭞ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭟ᬫᬓ᭄ᬚᬂᬧᬘᬓᬳᬶᬘᬦ᭄᭞ᬧᬲᬮᬶᬦᬦ᭄ᬮ᭄ᬕᭂᬳᬶᬤᭂ
[᭙ 9A]
ᬧ᭄ᬜᬦᬾᬲᬫᬶ᭞ᬗ᭄ᬮᬄᬕᬸᬲ᭄ᬢᬶᬩᬕᬸᬲ᭄ᬦᬸᬮᬸᬲ᭄᭞ᬤᬦᬵᬢᬹᬃᬓᬮᬶᬦ᭄ᬢᬂᬚ᭄ᬜᬦ᭄᭞ᬤᬤᬶᬭᬫᬾᬧ᭄ᬢᭂᬂᬮ᭄ᬫᬄᬳᬤᬵᬤᬶᬢᬸ᭞ᬤᬶᬧᬸᬭᬶᬳᬶᬕᭂᬮ᭄ᬳᬶᬕᭂᬮᬦ᭄᭞ᬢᭀᬧᬾᬂᬫᬓᬤᬶᬜᬲᬫ᭄ᬧᬶᬓ᭄᭟ᬦᬸᬚᬸᬧ᭄ᬢᭂᬂᬘᬭᬶᬢᬬᬂ᭞ᬲ᭄ᬤᭂ
ᬓ᭄ᬱᭂᬧᬶᬚᬢ᭄ᬫᬦᬾᬧᬸᬍᬲ᭄ᬲᬫᬶ᭞ᬧᬜ᭄ᬚᬶᬲ᭄ᬫᬶᬭᬂᬫᬗ᭄ᬮᬯᬸᬢ᭄᭞ᬫ᭄ᬤᬮ᭄ᬧᬘᬂᬫᬲᬶᬭᬫ᭄᭞ᬓᬲᬋᬗᬶᬦ᭄ᬳᬦ᭄ᬢᬸᬓ᭄ᬫᬳᬵᬤᬾᬯᬶᬲᬵᬫ᭄ᬧᬸᬦ᭄᭞ᬧᬲᬶᬭᬫᬦ᭄ᬳᭂᬗᭂᬲ᭄ᬧᬶᬲᬦ᭄᭞ᬫᬳᬾᬫ᭄ᬩᭀᬓ᭄ᬢᭂᬕᭂᬄᬫᬓᭀᬭᬶ᭟ᬲᬯᬸᬲ
ᬦᬾᬫᬲᬸᬘᬶᬬᬦ᭄᭞ᬓᬧᬵᬫᬺᬫᬦ᭄ᬫᬦ᭄ᬧᬜ᭄ᬚᬶᬲ᭄ᬫᬶᬭᬂᬗ᭄ᬭᬭᬶᬲ᭄᭞ᬤᬶᬧᬫᬺᬫᬦ᭄ᬦᬦᭂᬂᬲᬸᬗ᭄ᬲᬸᬢ᭄᭞ᬓᬗᭂᬦ᭄ᬫᬾᬮᬶᬂᬭᬶᬂᬭᬕᬵ᭞ᬦᬶᬗ᭄ᬕᬮ᭄ᬚᬕᬢ᭄᭞ᬓᬢᬶᬗ᭄ᬕᬮᬦ᭄ᬩ᭄ᬬᬂᬳᬸᬩᬸᬄ᭞ᬗᭂᬫ᭄ᬧᬶᬤᬶᬢ᭄ᬗᬳᬶᬂᬳᬮᬲ᭄
᭞ᬳᬚᬳᬦ᭄ᬧᭂᬲᬸᬬᬾᬄᬳᬓ᭄ᬱᬶ᭟ᬧᬦᬓ᭄ᬧᬦᬓᬦᬾᬚ᭄ᬫᬓ᭄᭞ᬧᬓᬶᬭᬶᬫᬾᬭᬤᬾᬦ᭄ᬦᬸᬦᬸᬓᭂᬃᬢ᭄ᬣᬵᬧᬵᬢᬶ᭞ᬢᭀᬕᭀᬕ᭄ᬳ᭄ᬫᬵᬲᬾᬦᬾᬮᬸᬳᬸᬂ᭞ᬧᬶᬦ᭄ᬤᬬᬂᬳᭀᬓᬵᬳᭀᬓᬬᬦ᭄᭞
Kaca:Bali-lontar-paparikan-panji-semirang-250ppi.pdf/9
Kaca puniki sampun kauji-wacén
