[᭑᭒ 12B]
᭑᭒
ᬮᬓ᭄ᬳᬸᬮᬶᬫᬲ᭄ᬬᬢᬦ᭄᭞ᬲᬯᬹᬃᬲᭂᬫ᭄ᬩᬄᬧ᭄ᬭᬢᬡ᭄ᬥᬵᬫᬵᬦ᭄ᬢ᭄ᬭᬶᬫᬗᬸᬦ᭄ᬢᬸᬓ᭄᭞ᬫᬦᬯᬶᬢᬲᬧᬸᬦᬶᬓᬵ᭞ᬳᬦ᭄ᬢᬸᬓ᭄ᬳᭀᬃᬢ᭄ᬣᬦᬾᬮᬸᬫᬶᬡ᭄ᬥᬶᬄ᭟ᬳᬶᬧᬜ᭄ᬚᬶᬲ᭄ᬫᬶᬭᬂᬓᭀᬘᬧ᭄᭞ᬧ᭄ᬭᬚ᭄ᬜᬵᬦ᭄ᬧᬧᬥᬸᬫ
ᬓᬵᬤᬶᬰᬓ᭄ᬢᬶ᭞ᬫᬵᬮᬶᬄᬗᬦ᭄ᬤᬶᬓᬵᬲᬂᬧ᭄ᬭᬪᬹ᭞ᬦᬾᬚᬦᬶᬳᬶᬤᭂᬧᬶᬭᬵ᭞ᬬᬾᬦᬶᬂᬢ᭄ᬓᬵᬳᬶᬧᬜ᭄ᬚᬶᬲ᭄ᬫᬶᬭᬵᬂᬗᭂᬩᬸᬕ᭄᭞ᬫᬳᬶᬬᬚᬕᬢ᭄ᬫᭂᬦ᭄ᬢᬯᬵᬦ᭄᭞ᬚᬮᬦ᭄ᬦᬸᬗ᭄ᬓᬸᬮ᭄ᬲᬋᬂᬲᬫᬶ᭟ᬤᬸᬭᬸᬂᬧᬸᬧᬸ
ᬢ᭄ᬫᬫ᭄ᬩᬯᭀᬲᬂ᭞ᬲᬂᬧ᭄ᬭᬪᬹᬫᭂᬦ᭄ᬢᬯᬵᬦ᭄ᬲᬕᬾᬢ᭄ᬧ᭄ᬭᬧ᭄ᬢᬶ᭞ᬚᬦ᭄ᬫᬵᬤᬶᬳᬶᬲ᭄ᬤᬶᬳᬶᬲ᭄ᬫᬢᬹᬃ᭞ᬲᬓᬶᬂᬢ᭄ᬧᬶᬦᬵᬕᬭᬵ᭞ᬫᬦ᭄ᬢᬯᬵᬦᬾᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬭᬭᬶᬲ᭄ᬫᬢᬹᬃ᭞ᬭᬢᬸᬲᬲᬸᬳᬸᬦᬦ᭄ᬢᬶᬢ᭄ᬬᬂᬯᬾᬦ᭄ᬢᭂ
ᬦ᭄ᬰᬢ᭄ᬭ᭄ᬭᬶᬂᬧᬦ᭄ᬧᬶ᭟ᬧᬫᬵᬃᬕ᭄ᬕᬶᬦᬾᬗᬫ᭄ᬭᬶᬓᬶᬬᬂ᭞ᬓᭀᬘᬧ᭄ᬚᬕᬵᬗᭂᬩᬸᬦᬵᬕᬭᬵᬫᬗ᭄ᬓᬶᬦ᭄᭞ᬓᬲᬫ᭄ᬩᬢ᭄ᬲᬫ᭄ᬩᬢ᭄ᬓᬲᬸᬫ᭄ᬩᬸᬂ᭞ᬫᬧᬭᬩ᭄ᬧᬜ᭄ᬚᬶᬲ᭄ᬫᬶᬭᬂ᭞ᬫᬳᬶᬭᬶᬗᬦ᭄ᬲᬶᬓᭂᬧ᭄ᬬᬦ᭄ᬳᬓᬸᬤᬂᬳ᭄ᬬᬸᬓ
[᭑᭓ 13A]
ᬕ᭄ᬬᬢ᭄ᬲᬂᬧ᭄ᬭᬪᬹᬫᭂᬦ᭄ᬢᬯᬵᬦ᭄᭞ᬚᭂᬚᭂᬄᬓᬵᬬᬸᬦᬾᬢᬦ᭄ᬲᬶᬧᬶ᭟ᬧᬮᬶᬂᬘᬘᬶᬗᬓᬾᬋᬗᬲ᭄᭞ᬬᬦ᭄ᬲᬯᬗᬂᬫᬶᬭᬶᬩ᭄ᬧᬘᬂᬫ᭄ᬮᬳᬶᬩ᭄᭞ᬦᬶᬗ᭄ᬕᬮ᭄ᬦᬵᬕᬭᬵᬜᬮᬸᬓ᭄ᬱᬸᬓ᭄᭞ᬗ᭄ᬢᭀᬃᬳᬗ᭄ᬕ
ᬦᬾᬳᬦ᭄ᬧ᭄ᬭᬄ᭞ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬲ᭄ᬯᬵᬩᬯᬦᬾᬲᬬᬦ᭄ᬓᭂᬘᬸᬤ᭄᭞ᬢᬸᬫᬸᬮᬶᬫᬓᬵᬃᬬ᭄ᬬᬲᬸᬭᬵᬢ᭄ᬫᬦᬸᬗ᭄ᬓᬸᬮ᭄ᬜ᭄ᬭᬳᬂᬕᬸᬫᬶ᭟ᬲᬵᬫ᭄ᬧᬸᬦᬾᬧᬸᬧᬸᬢ᭄ᬫᬜᬸᬭᬵᬢ᭄᭞ᬓᬧᬳᬶᬘᬵᬢ᭄ᬓᬾᬦ᭄ᬧ᭄ᬭᬤᬦᬫᬵᬦ᭄ᬢ᭄ᬭᬶ
ᬲᬯᬶᬭᬾᬄᬧᬘᬂᬓᬳᬸᬢᬸᬲ᭄᭞ᬫᬫᬋᬓ᭄ᬧᬜ᭄ᬚᬶᬲ᭄ᬫᬶᬭᬂ᭞ᬫᬫᭂᬦ᭄ᬤᭂᬓᬶᬦ᭄ᬫᬓᬤᬶᬜᬢ᭄ᬯᬦ᭄ᬕᬮᬸᬄ᭞ᬧᬸᬢ᭄ᬭᬦᬾᬧ᭄ᬭᬪᬹᬫᭂᬦ᭄ᬢᬯᬵᬦ᭄᭞ᬳᬬᬸᬳᬬᬸᬓᬵᬮᬶᬄᬲᬶᬓᬶ᭟ᬫᬧᬭᬩ᭄ᬧᬸᬱ᭄ᬧᬵᬚᬸᬯᬶᬢ᭄ᬣᬵ᭞
ᬳᬾᬮᬶᬢᬦ᭄ᬫᬧᬭᬩ᭄ᬧᬸᬱ᭄ᬧᬵᬲᬭᬷ᭞ᬢ᭄ᬯᬦ᭄ᬧᬸᬢ᭄ᬭᬶᬧᬘᬂᬓᬵᬢᬹᬃ᭞ᬫᬗ᭄ᬓᬶᬦ᭄ᬭᬶᬂᬧᬜ᭄ᬚᬶᬲ᭄ᬫᬶᬭᬂ᭞ᬫᬲᬋᬗᬦ᭄ᬧ᭄ᬭᬫᬶᬰ᭄ᬯᬭᬶᬫᬵᬰᬶᬄᬓᬵᬢᬹᬃ᭞ᬘᬶᬳ᭄ᬦᬦᬦ᭄ᬲᬂᬧ᭄ᬭᬪᬹᬫᭂᬦ᭄ᬢᬯᬵᬦ᭄᭞ᬲᬵᬫ᭄ᬧᬸᬦ᭄ᬦᬸᬗ᭄ᬓᬸᬮ᭄ᬗᬭᬶ
Kaca:Bali-lontar-paparikan-panji-semirang-250ppi.pdf/13
Kaca puniki sampun kauji-wacén
