[᭑᭗ 17B]
᭑᭗
ᬳ᭄ᬦᬾᬳᬚᭂᬗᬂ᭞ᬓᬓᬾᬦᬾᬫᬳᬦ᭄ᬫᬗᬮᬶᬄ᭞ᬳᬗ᭄ᬕᭀᬦ᭄ᬧᬗᭂᬦ᭄ᬢᭂᬕ᭄ᬳᬗ᭄ᬓᬶᬬᬦ᭄᭞ᬳ᭄ᬦᬾᬳᭂᬫ᭄ᬩᭀᬓ᭄ᬯᬬᬦ᭄ᬜᭂᬣᬶ᭞ᬳᬗ᭄ᬕᭀᬦ᭄ᬜᬫᬳᬶᬤᬵᬚᬦᬶ᭞ᬦᬗᬶᬗ᭄ᬓᬮᬶᬦ᭄ᬢᬗᬳᬶᬦ᭄ᬚᬸᬕᬸᬮ᭄᭞ᬓ᭄ᬜᭂᬫ᭄ᬳᬶᬤ᭄ᬯ
ᬕᬸᬂᬧᬸᬢ᭄ᬭ᭞ᬳᬶᬤᬯᬬᬦ᭄ᬗᬯᬮᬾᬦᬶᬦ᭄᭞ᬳᬶᬤᬩᬕᬸᬲ᭄ᬳᭂᬜᬾᬦ᭄ᬧᬤ᭄ᬥᬳᬤᬶᬦ᭄ᬳᬶᬤᬵ᭟ᬳᬶᬤ᭄ᬯᬕᬸᬂᬳᬶᬤᬫᬦᬶᬫ᭄ᬩᬮ᭄᭞ᬢ᭄ᬬᬂᬢᬾᬫᬭᬦᬸᬫᬤ᭄ᬥᬶ᭞ᬢᭀᬦ᭄ᬤᬾᬦ᭄ᬢ᭄ᬬᬂᬗ᭄ᬮᬄᬳᬤᬦ᭄᭞ᬲᬶᬂᬳ
ᬤᬗᭂᬦ᭄ᬢᬸᬗᬶᬦ᭄ᬧᬶᬧᬶᬮ᭄᭞ᬘᭀᬓᭀᬃᬤ᭄ᬥᬩᬕᬸᬲ᭄ᬓᭂᬜᬶᬂ᭞ᬫᬶᬋᬂᬲᬳᬸᬭᬾᬳᬶᬤ᭄ᬯᬕᬸᬂ᭞ᬫᬦᬶᬫ᭄ᬩᬮ᭄ᬳᬶᬤᬵᬯᬬᬦ᭄᭞ᬦᬄᬩᬵᬧᬵᬗᬤᬦᬶᬦ᭄ᬚᬦᬶ᭞ᬳᬶᬤᬩᬕᬸᬲ᭄ᬕ᭄ᬥᬾᬳᬶᬤᬦᬾᬘ᭄ᬭᬶᬕ
ᬦ᭄᭟ᬳᬶᬤᬩᬕᬸᬲ᭄ᬫᬥᬾᬓ᭄ᬮᬶᬬᬦ᭄᭞ᬧᬫᬤᬾᬦ᭄ᬳᬶᬯᬬᬦ᭄ᬜᭂᬝᬶ᭞ᬘᭀᬓᭀᬃᬤ᭄ᬥᬲᬳᬸᬃᬢᬦ᭄ᬧᬜ᭄ᬚᬂ᭞ᬓᬗ᭄ᬕᭀᬜᬩᬧᬵᬗᬤᬦᬶᬦ᭄᭞ᬳᬶᬤ᭄ᬯᬕᬸᬂᬫᬜᬯᬸᬭᬶᬦ᭄᭞ᬳ᭄ᬦᬄᬓ᭄ᬫᬵ
[᭑᭘ 18A]
ᬧᬤᬵᬧ᭄ᬱᬸ᭞ᬤᬶᬯᬗᬦ᭄ᬩ᭄ᬯᬶᬦ᭄ᬓᬦ᭄ᬤᬬᬂ᭞ᬳ᭄ᬬᬂᬲᬸᬩᬳᬶᬗᬸᬄᬕᬢᬶ᭞ᬫᬤᬶᬗᭂᬳᬂᬳᬦᬓ᭄ᬫᬃᬪᬃᬳᬤᬶᬧ᭄ᬭᬯᬵ᭟ᬳᬶᬤ᭄ᬯᬬᬦ᭄ᬲᬯᬸᬃᬭᬾᬩᬦ᭄ᬩᬦ᭄᭞ᬳᬮᬸᬲ᭄ᬫᬗᭀᬮᬲᬂᬗᬢᬶ᭞ᬗᬚᭂᬂ
ᬓᬾᬫᬮᬸᬳᬶᬤ᭄ᬥᬵ᭞ᬳᬶᬩᬧᬵᬗᬦ᭄ᬢ᭄ᬬᬂᬗᬬᬳᬶᬦ᭄᭞ᬳᬶᬤ᭄ᬯᬕᬸᬂᬲᭂᬦ᭄ᬤᬸᬚ᭄ᬗᬶᬲ᭄᭞ᬘᭀᬓᭀᬃᬫᬲᬯᬸᬃᬳᬮᬸᬲ᭄᭞ᬗ᭄ᬕᬶᬄᬫᬗ᭄ᬓᬶᬦ᭄ᬢ᭄ᬬᬂᬦᬸᬦᬲ᭄᭞ᬳᬶᬤᬩᬕᬸᬲ᭄ᬗ᭄ᬕᬶᬄᬮᬯᬦᬶ
ᬦ᭄᭞ᬳᬧᬂᬫᬫ᭄ᬧᬸᬄᬦᬸᬮᬸᬗᬶᬦ᭄ᬫᬗᬮᬶᬄᬲᬳᬂ᭟ᬳᬶᬤᬩᬕᬸᬲ᭄ᬕᭂᬤ᭄ᬥᬾᬦᬶᬫ᭄ᬩᬮ᭄᭞ᬓᭂᬲ᭄ᬬᭂᬕ᭄ᬗᬫᬄᬲᬸᬩᬧᬤᬶᬦᬶ᭞ᬢᭀᬂᬫᬢᬶᬳ᭄ᬬᬂᬫᬓᭂᬦ᭄ᬢᭀ᭞ᬳᬶᬤᬩᬕᬸᬲ᭄ᬫᬤᬾᬓ᭄ᬜᬶᬂ᭞ᬗᬸ
ᬗ᭄ᬓᬩ᭄ᬳᬚᭂᬗᬦ᭄ᬕᭂᬮᬶᬲ᭄᭞ᬓᬳ᭄ᬦᬳᬂᬳᬶᬤᬩᬕᬸᬲ᭄᭞ᬚᬸᬓᬸᬢ᭄ᬦᬲᬶᬓᬤᬸᬓᬂ᭞ᬦᬫ᭄ᬧᬓᬯᬸᬓ᭄ᬜᬶᬂᬓ᭄ᬜᬶᬂ᭞ᬳᬶᬤᬩᬕᬸᬲ᭄ᬕᭂᬤᬾᬲᬳᬲᬫᬦᬖ᭄ᬮᬂ᭟ᬳᬶᬤᬯᬬᬦ᭄ᬓᬫᭂᬫᭂᬕᬦ᭄
Kaca:Bali-lontar-paparikan-malat-02-550ppi.pdf/18
Kaca puniki sampun kauji-wacén
