[᭑᭖ 16B]
᭑᭖
ᬚᭀᬕ᭄ᬚᬦᬶ᭞ᬩᬢᬸᬮᬸᬲᬂᬕᬢᬶ᭞ᬦᬸᬤᬸᬓ᭄ᬢ᭄ᬬᬂᬓᬾᬦᬾᬮᬘᬸᬃ᭞ᬢ᭄ᬯᬭᬫᬗ᭄ᬮᬄᬳᬸᬗ᭄ᬕ᭄ᬯᬦ᭄᭞ᬳᬶᬤᬯᬬᬦ᭄ᬫᬜᬯᬸᬭᬶᬦ᭄᭞ᬦᬄᬬᬦ᭄ᬓᬗ᭄ᬕᭀᬚᬮᬦ᭄ᬤᬶᬢᬸᬳᬶᬤᬚᬸᬫᬄ᭞ᬳᬶᬤ
ᬯᬬᬦ᭄ᬭᬭᬶᬲ᭄ᬫᬗᬚᬓ᭄᭞ᬘᭀᬓᭀᬃᬤ᭄ᬥᬤ᭄ᬯᬕᬸᬂᬫᬫᬃᬕ᭄ᬕᬶ᭞ᬢ᭄ᬓᭂᬤ᭄ᬚᬸᬫᬄᬳᬶᬤᬯᬬᬦ᭄᭞ᬘᭀᬓᭀᬃᬤ᭄ᬥᬤ᭄ᬯᬕᬸᬂᬫᬗᬓ᭄ᬱᬶ᭞ᬗᭂᬦᬄᬳᬸᬫᬄᬤ᭄ᬯᬕᬸᬂᬩ᭄ᬱᬶᬓ᭄᭞ᬧᬳᭀᬦ᭄ᬫ
ᬫ᭄ᬢᬾᬦ᭄ᬳᬩᬸᬗ᭄ᬓᬸᬮ᭄᭞ᬤᬶᬫ᭄ᬢᬾᬦ᭄ᬓᬳᬶᬚᭀᬕᬂ᭞ᬤ᭄ᬯᬬᬦ᭄ᬓᬧᬳᭀᬦ᭄ᬗᬮᬳᬶᬦ᭄᭞ᬲᬲᭀᬓ᭄ᬧᭀᬓᬦ᭄ᬳᬸᬗ᭄ᬓᬩ᭄ᬫᬓ᭄ᬚᬂᬫᬢᬮᬂ᭟ᬩ᭄ᬭᬸᬓᬾᬮᬯᬸᬢ᭄ᬓᬚ᭄ᬫᬓ᭄᭞ᬓᬲᬸᬢ᭄ᬲᬸ
ᬢ᭄ᬮᬯᬸᬢ᭄ᬳᬶᬲᬶᬦᬶᬦ᭄᭞ᬓᬢᬤ᭄ᬢᬤ᭄ᬓᬳᬩᬫᬸᬮ᭄ᬬᬦ᭄᭞ᬦᬾᬄᬳ᭄ᬬᬾᬄᬳᬚᭂᬗᬂᬳᭂᬗ᭄ᬕᬶᬄ᭞ᬩ᭄ᬬᬸᬓ᭄ᬕᭂᬦ᭄ᬢᭂᬦ᭄ᬫᬭᬫᬶᬲᬶ᭞ᬳᬶᬤᬾᬯᬕᬸᬂᬧᬸᬢ᭄ᬭᬋᬗᬸ᭞ᬲᬬᬦ᭄ᬫᬯᬸᬭᬸᬄ
[᭑᭗ 17A]
ᬫ᭄ᬮᬄ᭞ᬳᬶᬤ᭄ᬥᬘᭀᬓᭀᬃᬤ᭄ᬥᬦᬶᬫ᭄ᬩᬮᬶᬦ᭄᭞ᬮᬯᬸᬢ᭄ᬓᬵᬳᬶᬤᬬᬸᬫᬥᬾᬳᬶᬦ᭄ᬢᬭᬵᬦ᭄᭟ᬫᬜᬸᬳᬸᬦ᭄ᬳᭂᬲᭀᬓ᭄ᬫᬢᬸᬫ᭄ᬧᬂ᭞ᬩᬋᬂᬤᬬᬸᬯᬬᬦ᭄ᬜᭂᬝᬶ᭞ᬳᬶᬤ᭄ᬯᬬᬦ᭄ᬕᬸᬦᬸᬂ
ᬫᬜᬕ᭄ᬚᬕ᭄᭞ᬗᭀᬃᬢᬬᬂᬦᬾᬦᬾᬳᬶᬢᬸᬦᬶ᭞ᬳᬶᬤᬬᬸᬍᬕᬵᬕᬢᬶ᭞ᬳᬶᬚᬸᬜᬓᬦ᭄ᬗᬳᬾᬚᬸᬓᬸᬢ᭄᭞ᬮᬯᬸᬢ᭄ᬗᬩᬫᬸᬮ᭄ᬬᬦ᭄᭞ᬓᬳᭀᬚᭀᬕ᭄ᬳᬶᬤᬲᬂᬓ
ᬮᬶᬄ᭞ᬲᬳᬳᬮᬸᬲ᭄ᬫᬳᬶᬚᬦᬶᬫᬗᬚᭂᬗᬂ᭟ᬢᬹᬭᬶᬂᬲᬸᬩᬓᬲᭀᬤᬬᬂ᭞ᬫᬚᬸᬓᬸᬢ᭄ᬧᬓᬸᬫᬮᬶᬓ᭄ᬮᬶᬓ᭄᭞ᬲᬵᬫ᭄ᬩᭂᬮ᭄ᬳᭂᬜᬸᬄᬳᬾᬫᬳ᭄ᬢᬓ᭄᭞ᬦᬲᬶᬩᬳᬲ᭄ᬩᬋᬂᬳᬸᬩᬶ
᭞ᬲᬂᬓᬮᬶᬄᬦᬦᭂᬗᬓ᭄ᬱᬶ᭞ᬳᬶᬤᬯᬬᬦ᭄ᬕᬸᬦᬸᬂᬭᬯᬸᬄ᭞ᬭᬭᬶᬲ᭄ᬳᬶᬤᬗᬓ᭄ᬱᬫᬵ᭞ᬩᬋᬂᬤᬬᬸᬯᬬᬦ᭄ᬜᭂᬣᬶ᭞ᬳᬶᬩᬕᬸᬲ᭄ᬳᬫ᭄ᬧᬸᬭᬵᬧᬶᬲᬦ᭄ᬳᬶᬩᬧᬵ᭟ᬓᬗ᭄ᬕᭀᬳᬂ
Kaca:Bali-lontar-paparikan-malat-02-550ppi.pdf/17
Kaca puniki sampun kauji-wacén
