[᭑᭕ 15B]
᭑᭕
ᬦ᭄ᬢᬸᬗᬶᬦ᭄ᬳᭂᬩᬸᬦ᭄ᬕᭂᬮᬶᬲ᭄᭞ᬳ᭄ᬦᬾᬢ᭄ᬓᭂᬓᬂᬕᬶᬲᬶ᭞ᬢ᭄ᬬᬂᬗᭂᬤᭂᬂᬧᬂᬧ᭄ᬥᬮᬩᬸᬄ᭞ᬢᬸᬢᬸᬢ᭄ᬳᬶᬤ᭄ᬥ᭞ᬤ᭄ᬯᬬᬦ᭄ᬕᬸᬦᬸᬂᬫᬗᭂᬤᭂᬗᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬶᬗ᭄ᬕᬶᬃᬧᬗ᭄ᬓᬸᬂᬘᭀᬓᭀᬃᬤ᭄ᬥ᭟ᬳᬶᬤ᭄ᬯᬕᬸᬂᬧᬸ
ᬢ᭄ᬭᬜᬶᬗᬓ᭄᭞ᬓᭂᬲ᭄ᬬᭂᬕ᭄ᬚᬸᬯᬂᬳ᭄ᬬᬂᬫᬳᬶ᭞ᬘᭀᬓᭀᬃᬤ᭄ᬥᬳᬾᬗ᭄ᬕᬾᬮ᭄ᬫᬫᬸᬮᬂ᭞ᬳᭂᬩᬸᬦ᭄ᬧᬳᬗᬦ᭄ᬤᬶᬓᬵᬕ᭄ᬮᬶᬲ᭄᭞ᬤᬲᬗ᭄ᬲᬬᬦᬾᬕᬶᬲᬶ᭞ᬢ᭄ᬓᭂᬓᬂᬧᬂᬳ᭄ᬥᬮᬩᬸᬄ᭞ᬧᬤᬾ
ᬓᬓ᭄ᬥᭂᬂᬢᬶᬢᬄ᭞ᬢ᭄ᬬᬂᬫᬓᬩᬾᬮᬫᬢᬶ᭞ᬳ᭄ᬥᬧᭂᬗ᭄ᬓᬸᬂᬳᬶᬤᬧᬚᬳᬢᬸᬃᬢ᭄ᬬᬂ᭟ᬓᬬᬸᬦ᭄ᬳᬶᬤᬫᬦᬸᬳᬸᬢ᭄ᬣᬂ᭞ᬦ᭄ᬓᭂᬓᬂᬩᬸᬦᬾᬓᬕᬶᬲᬶ᭞ᬳᬶᬤᬯᬬᬦ᭄ᬮ᭄ᬬᬂᬫᬜᬶᬗᬓ᭄᭞ᬲᬳᬦᬸ
ᬮᬸᬂᬗ᭄ᬥᭂᬂᬢᬮᬶ᭞ᬳᬫ᭄ᬩᬸᬮ᭄ᬢᬸᬮᬸᬗᬶᬦ᭄ᬯᬶᬤ᭄ᬥᬶ᭞ᬳᬾᬗ᭄ᬕᬮ᭄ᬤᬶᬤᬸᬳᬸᬃᬳᬶᬤ᭄ᬯᬕᬸᬂ᭞ᬓᬫ᭄ᬩᬶᬮ᭄ᬳᬦ᭄ᬢᬸᬓ᭄ᬘᭀᬓᭀᬃᬤ᭄ᬥ᭞ᬫᬦᬗᬶᬲ᭄ᬧᬂᬓᬓᬮᬶᬄ᭞ᬲᬮᬶᬂᬕ᭄ᬮᬸᬢ᭄᭞ᬓᬗᭂᬦ᭄ᬳᬶᬤᬯᬬ
[᭑᭖ 16A]
ᬦ᭄ᬜᬕ᭄ᬚᬕ᭄᭟ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬜᬾᬦ᭄ᬳᬶᬤᬩᬕᬸᬲ᭄ᬫᬗ᭄ᬮᬶᬂ᭞ᬳᬸᬮᬶᬤᬶᬚᬤᬾᬱᬦ᭄ᬳᬶᬤᬵ᭞ᬧᬢᬸᬄᬩᬕᬸᬲ᭄ᬕᬢᬶᬕᬢᬶ᭞ᬘᭀᬓᭀᬃᬤ᭄ᬥᬫᬜᬳᬸᬭᬶᬦ᭄᭞ᬢ᭄ᬬᬂᬩᬧ
ᬲᬚᬵᬢᬦ᭄ᬤ᭄ᬭᬸᬄ᭞ᬳᬶᬗᭂᬢ᭄ᬢ᭄ᬬᬂᬲᬸᬩᬓᬲᬗ᭄ᬕᬵ᭞ᬩᬳᬦ᭄ᬳᭂᬩᬸᬦᬾᬤᬶᬳᬶᬤᬶᬂ᭞ᬩ᭄ᬯᬶᬦ᭄ᬓᬢᬶᬫ᭄ᬩᬮ᭄᭞ᬳᬶᬤᬯᬬᬦ᭄ᬫᬦᬢᬲᬂ᭟ᬚᬦᬶᬓᬶᬚᬵᬧᬮᬓ᭄ᬯᬦ᭄᭞ᬬᬾᬦ᭄ᬳᬶᬤᬳ᭄ᬜ
ᬓ᭄ᬜᬶᬗ᭄ᬕᬳᬶᬦ᭄᭞ᬗᬶᬂᬩᬧᬵᬩ᭄ᬭᬳ᭄ᬫᬡᬵᬦᬶᬱ᭄ᬝ᭞ᬗ᭄ᬮᬄᬧᬦᬓ᭄ᬮᬸᬄᬳᬩ᭄ᬱᬶᬓ᭄᭞ᬳᬚᬓ᭄ᬤᬤ᭄ᬯᬫᬧᬦ᭄ᬢᬶᬂ᭞ᬓᬧ᭄ᬓᭂᬦ᭄ᬫᬗᬤᭂᬧ᭄ᬓᬬᬸ᭞ᬩᬓᬮ᭄ᬚᬓᬦᬾᬜᬵᬦᬦ᭄᭞ᬤᬶᬚᬸᬫᬄᬩ
ᬧᬵᬲᬶᬂᬗ᭄ᬮᬲᬶᬂ᭞ᬓ᭄ᬭᬡᬢ᭄ᬓᭂᬤ᭄ᬩᬧᬫᬳᬶᬗᬮᬶᬄᬲᬳᬂ᭟ᬧᬤᬲᬮᬾᬂᬧᬗᭂᬦᬂ᭞ᬘᭀᬓᭀᬃᬤ᭄ᬥᬫᬲᬳᬸᬃᬳᬭᬶᬲ᭄᭞ᬢ᭄ᬬᬂᬩᬧᬵᬲᬶᬂᬤᬳᬦ᭄ᬥ᭞ᬩ᭄ᬯᬶᬦ᭄ᬩᬓᬵᬮ᭄ᬳᭀ
Kaca:Bali-lontar-paparikan-malat-02-550ppi.pdf/16
Kaca puniki sampun kauji-wacén
