[᭑᭘ 18B]
᭑᭘
᭞ᬳᬶᬤᬩᬕᬸᬲ᭄ᬫᬤᬾᬓ᭄ᬜᬶᬂ᭞ᬗᬓ᭄ᬱᬫᬵᬳᬫ᭄ᬧᬸᬭᬵᬩᬧᬵ᭞ᬳᬤᬶᬅ᭄ᬢ᭄ᬬᬂᬫᬾᬤᬕᬢᬶ᭞ᬫᬭᬶᬓᬵᬩᬧᬵᬫᬶᬚᬶᬮ᭄᭞ᬭᬭᬶᬲ᭄ᬫᭂᬤᬮ᭄ᬓᬢ᭄ᬮᬸ᭞ᬓᬧᬳᭀᬦ᭄ᬫᬗᬚᭂᬗᬂ᭞ᬳᬶ
ᬤᬩᬕᬸᬲ᭄ᬕᭂᬤᬾᬓ᭄ᬜᬶᬂ᭞ᬲᬳᬗ᭄ᬮᬸᬢ᭄᭞ᬓᭂᬲ᭄ᬬᭂᬕ᭄ᬮᬬᬄᬧᬶᬲᬦ᭄ᬢ᭄ᬬᬂ᭟ᬤᬩᬕᬸᬲ᭄ᬫᬤᬾᬩᬸᬓᬵᬮᬤ᭄᭞ᬓ᭄ᬦᭂᬳᬾᬫᬤᬍᬫ᭄ᬕᬢᬶ᭞ᬧᬬᬸᬫᭂᬫ᭄ᬩᬄᬢᭀᬬᬦ᭄ᬘᬶᬗᬓ᭄᭞ᬤᬩᬕᬸᬲ᭄ᬫᬤᬾ
ᬗᬲᬶᬳᬶᬦ᭄᭞ᬤᬩᬕᬸᬲ᭄ᬦᬾᬮᬯᬦᬶᬦ᭄᭞ᬳᬶᬤᬩᬕᬸᬲ᭄ᬕᭂᬤᬾᬲᬯᬸᬃ᭞ᬓᭂᬲ᭄ᬬᭂᬕ᭄ᬩᬋᬂᬚᬓ᭄ᬢ᭄ᬬᬂ᭞ᬫᬗᬚᭂᬗᬂᬲᬋᬂᬓᬮᬶᬄ᭞ᬲᬵᬫ᭄ᬧᬸᬦ᭄ᬳᬸᬲᬦ᭄᭞ᬤᬩᬕᬸᬲ᭄ᬕᭂᬤᬾᬗᬦ᭄ᬤᬶᬓᬵ
᭟ᬓᭂᬲ᭄ᬬᭂᬕ᭄ᬦᬄᬚᬢᬓᭀᬦᬂ᭞ᬳᬸᬫᬄᬳᬾᬚᬮᬦ᭄ᬮᬸᬢ᭄ᬫᬸᬮᬶᬄ᭞ᬳᬶᬩᬸᬓ᭄ᬳᬶᬗᬸᬄᬧᬶᬲᬦ᭄ᬢ᭄ᬬᬂ᭞ᬩᬓᬮ᭄ᬓᬾᬦᬾᬲᬳᬶᬲᬳᬶ᭞ᬩᬕᬸᬲ᭄ᬫᬥᬾᬜᬯᬸᬭᬶᬦ᭄᭞ᬳ᭄ᬦᬄᬓᬾ
[᭑᭙ 19A]
ᬦ᭄ᬳᬶᬩᬧᬵᬮᬓᬸ᭞ᬳᬶᬤᬯᬬᬦ᭄ᬫᬸᬮ᭄ᬬᬦ᭄᭞ᬤᬩᬕᬸᬲ᭄ᬫᬤᬾᬦᬓᭀᬦᬶᬦ᭄᭞ᬩᬧᬳᬸᬦᬶᬂ᭞ᬭᬶᬂᬫᬯᬱ᭄ᬝᬵᬓᬳᬸᬭᬶᬧᬦ᭄᭟ᬤᭂᬳᬕᬕ᭄ᬮᬂᬲᬶᬗ᭄ᬳᬲ᭄ᬓᬵᬃ᭞ᬳᬶᬤᬯᬬᬦ᭄ᬫᬜᬯᬸ
ᬭᬶᬦ᭄᭞ᬳᬧᬵᬳᬶᬤᬫᬤᬵᬦ᭄ᬓᬾᬢᭀ᭞ᬩᬧᬲᬶᬂᬧᬶᬲᬦ᭄ᬫᬶᬭᬕᬶ᭞ᬚᬯᬦᬶᬂᬲᬢ᭄ᬯᬦ᭄ᬦᬓ᭄ᬮᬶᬗ᭄ᬲᬶᬃ᭞ᬳᬧᬳᬶᬤᬧᬸᬜᬦ᭄ᬓᬬᬸ᭞ᬫᬤᬦ᭄ᬥᭂᬳᬵᬓᭀᬭᬶᬧᬦ᭄᭞ᬳᬶᬤᬩᬕᬸᬲ᭄ᬕᭂᬤᬾ
ᬚ᭄ᬗᬶᬲ᭄᭞ᬓᭂᬲ᭄ᬬᭂᬕ᭄ᬳᭂᬦᬄᬤᬚᬩ᭄ᬯᬶᬦ᭄ᬗᭂᬮ᭄ᬬᬸᬦᬂᬧ᭄ᬢᬵ᭟ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬳᬶᬗ᭄ᬕᬶᬄᬩᬧᬵᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬦᬶᬓᬶᬳᬶᬫᬾᬫᬾᬳᬶᬳᭂᬫ᭄ᬩᭀᬓ᭄᭞ᬭᬶᬂᬳᬶᬧᬗᬮᬸᬦᬾᬲᬫᬶ᭞
ᬳᬶᬦ᭄ᬤᬬᬂᬬᬢᬓᭀᬦᬶᬦ᭄᭞ᬲᬶᬜᬳᬤᬳᬦᬓ᭄ᬢᬳᬸ᭞ᬳᬶᬤᬬᬸᬫᬤᬾᬳᬶᬦ᭄ᬢᬭᬦ᭄᭞ᬩᬋᬂᬤᬬᬸᬯᬬᬦ᭄ᬜᭂᬝᬶ᭞ᬲᬳᬸᬃᬳᬮᬸᬲ᭄ᬳᭂᬗ᭄ᬕᬶᬄᬢ᭄ᬬᬂᬫᬜᭂᬋᬧᬂ᭟ᬫ
Kaca:Bali-lontar-paparikan-malat-02-550ppi.pdf/19
Kaca puniki sampun kauji-wacén
