[᭑᭕ 15B]
᭞᭑᭕᭟
ᬢᬶᬕᬵᬭᬶᬂᬤᬲ᭄ᬲᬸᬭᬸᬧ᭄ᬲᬹᬃᬬ᭄ᬬᬵ᭞ᬲᬦ᭄ᬤ᭄ᬬᬯᬾᬮᬵᬭᬦ᭄ᬬᬳᬾᬓᬶ᭞ᬲᬸᬋᬫ᭄ᬫᬸᬲ᭄ᬡᬵᬦᬶᬓᬂᬚᬕᬢ᭄᭞ᬘᬶᬳ᭄ᬦᬵᬧᬓᭀᬍᬫᬦ᭄ᬪᬸᬫᬶ᭞ᬫᬱᬋᬂᬫᬱᬵᬧᬸᬦᬶᬓᬶ᭞
ᬲ᭄ᬯᬦᬶᬢᬵᬦᭂᬫ᭄ᬩᬾᬦᬶᬂᬲᬸᬭᬸᬧ᭄᭞ᬫᬸᬮᬶᬄᬫᬭᬶᬧᬸᬲᭂᬃᬦᬶᬓ᭞ᬭᬶᬂᬳᬯᬓᬶᬂᬲᬃᬯ᭄ᬯᬵᬳᬸᬭᬶᬧ᭄᭞ᬭᬶᬩ᭄ᬯᬦᬵᬕᬸᬂ᭞ᬫᬶᬯᬄᬭᬶᬂᬩ᭄ᬯᬦᬵᬲᬭᬶᬭᬵ᭟᭑᭗᭟ᬭᬶᬓᬮᬫ
ᬱᬵᬧᬸᬦᬶᬓᬵ᭞ᬓᬧᬵᬢᬹᬢ᭄ᬫᬮᬶᬄᬫᬋᬲᬶᬓ᭄᭞ᬢᬸᬫᬸᬮᬶᬭᬭᬶᬲ᭄ᬫᬲᬶᬮᬵ᭞ᬫᬗᬺᬕᭂᬧ᭄ᬗᬸᬘᬧ᭄ᬭᬶᬂᬳᬢᬶ᭞ᬥᬸᬄᬧᬸᬓᬸᬮᬸᬦ᭄ᬲᬗ᭄ᬳ᭄ᬬᬂᬯᬶᬥᬶ᭞ᬳᬸᬮᬸᬦ᭄ᬜᬸ
ᬯᬸᬦ᭄ᬳᬶᬘ᭄ᬙᬢᬾᬓᬸ᭞ᬯᬾᬢ᭄ᬦᬶᬂᬤᬲ᭄ᬲᬫ᭄ᬧᬸᬦ᭄ᬓᬸᬫ᭄ᬧᬸᬮᬵ᭞ᬧ᭄ᬭᬫᬡᬦᬶᬂᬚᬕᬢ᭄ᬲᬫᬶᬫᭀᬖᬵᬭᬢᬸ᭞ᬤᬤᭀᬲ᭄ᬢᬺᬧ᭄ᬢᬶᬦᬶᬂᬲ᭄ᬯᬘᬶᬢ᭄ᬢᬵ᭟᭑᭘᭟
[᭑᭖ 16A]
ᬲᬫ᭄ᬧᬸᬦᬶᬓᬵᬓᬂᬢ᭄ᬭᬶᬲᬦ᭄ᬤ᭄ᬬ᭞ᬦᭂᬫ᭄ᬩᬄᬯᬶᬥᬶᬓᬧᬶᬂᬢ᭄ᬭᬶᬡᬶ᭞ᬲᬦᬾᬲᬚ᭄ᬭᭀᬦᬶᬂᬲᬤᬶᬦᬵ᭞ᬦᬗ᭄ᬳᬶᬂᬬᬦ᭄ᬢᬦ᭄ᬫᬫ᭄ᬧᬸᬓᬓᬶ᭞ᬮᭀᬓᬶᬓᬬᬂᬫᬭᬶᬂᬓᬧ᭄ᬢᬶ᭞ᬫᬦᬹᬢ᭄ᬓᬫ
ᬫ᭄ᬧᬸᬳᬦ᭄ᬳᬶᬧᬸᬦ᭄᭞ᬧᬸᬦᬶᬓᬵᬤᬤᭀᬲ᭄ᬭᬶᬂᬓᭂᬲᬂ᭞ᬬᬦ᭄ᬓᬧᬶᬂᬭ᭄ᬯᬵᬓᬧᬶᬂᬲᬶᬓᬶ᭞ᬧᬶᬦᬶᬄᬳᬬᬸ᭞ᬤᬯᬸᬄᬭᬶᬂᬧ᭄ᬭᬪᬳᬓᬮᬵ᭟᭑᭙᭟ᬧ᭄ᬭᬤᬾᬬᬦ᭄ᬢᬦ᭄ᬳᬦᬂᬲ᭄ᬓᬃ᭞ᬳᬚᬯ
ᬗ᭄ᬤᬾᬫᬗᬪᬓ᭄ᬢᬶ᭞ᬩᬸᬗᬄᬳᬶᬥᭂᬧᬾᬓᬸᬲᬸᬫᬂ᭞ᬳᬶᬗ᭄ᬕᬲᬂᬓᬬᬂᬓᬲᬶᬲᬶ᭞ᬦᬶᬤᬦ᭄ᬢᬤᬃᬫ᭄ᬫᬳᬭᬦ᭄ᬬᬸᬓᬶ᭞ᬰᬸᬘᬶᬚᬩᬵᬢᭂᬓᬾᬂᬚ᭄ᬭᭀ᭞ᬦᬶᬓᬵᬧᬫᬸᬗ᭄ᬓᬲᬶᬂᬲᭂ
ᬫ᭄ᬩᬄ᭞ᬪᬓ᭄ᬢᬶᬭᬶᬂᬲᬶᬭᬳ᭄ᬬᬂᬯᬶᬥᬶ᭞ᬲ᭄ᬦᭂᬂᬗᬺᬕᭂᬧ᭄᭞ᬲᬫᬥᬶᬬᭀᬕᬵᬭᬦᬶᬓᬵ᭟᭒᭐᭟ᬯᬮᬶᬦᬶᬦ᭄ᬫᬮᬶᬄᬢᬸᬢᬹᬭᬂ᭞ᬤᬸᬮᬸᬭᬦ᭄ᬢ᭄ᬭᬶᬲᬦ᭄ᬤ᭄ᬬᬳᬶᬓᬶ᭞ᬭᬶᬯᬸ
Kaca:Bali-lontar-paparikan-kretibuana-400ppi.pdf/16
Kaca puniki sampun kauji-wacén
