[᭑᭖ 16B]
᭞᭑᭖᭟
ᬲᬶᬲᬶᬭᬦᭂᬫ᭄ᬩᬄ᭞ᬫᭂᬦᭂᬫ᭄ᬩᬳᬾᬓᬧᬶᬂᬲᬶᬓᬶ᭞ᬕᬮᬄᬲᭂᬫᭂᬂᬳᬶᬓᬵᬓᬭᬶ᭞ᬧ᭄ᬭᬫᬡᬾᬂᬭᬵᬢ᭄ᬓᬭᬶᬢᬸᬄ᭞ᬫᬗ᭄ᬤᬾᬯᬭᬲᬶᬂᬰᬭᬶᬭ᭞ᬭᬶᬓᬮᬫᬱᬵᬧᬸᬦᬶ
ᬓᬶ᭞ᬧᬶᬦᬶᬄᬧᬢᬹᬢ᭄᭞ᬓᬃᬫ᭄ᬫᬬᭀᬕᬦᬾᬕᭂᬮᬭᬂ᭟᭒᭑᭟ᬓᬵᬮᬫᬱᬵᬧᬲᭂᬫᭂᬗᬦ᭄᭞ᬳᬶᬓᬂᬧᬭᬚᬦᬵᬲᬫᬶ᭞ᬳᬕᬸᬂᬳᬮᬶᬢ᭄ᬢᬸᬯᬵᬳ
ᬦ᭄ᬯᬫ᭄᭞ᬦᬾᬓᬾᬦᬓ᭄ᬢᬦ᭄ᬓᬢᬫᬦ᭄ᬯ᭄ᬬᬤᬶ᭞ᬮᬸᬗ᭄ᬳᬵᬳᬓᬾᬲᬄᬲᬓᬾᬶᬧᬸᬭᬶ᭞ᬗ᭄ᬮᬓ᭄ᬱᬡᬬᬂᬓᬃᬬ᭄ᬬᬦ᭄ᬳᬶᬧᬸᬦ᭄᭞ᬭᬶᬂᬕ᭄ᬦᬄᬧᬓᬃᬬ᭄ᬬᬦ᭄ᬲᭀᬯᬂ᭞ᬳᬮᬶᬢ᭄ᬳ
ᬦᭀᬫ᭄ᬧᬤᬵᬗ᭄ᬭᬜ᭄ᬚᬶᬂ᭞ᬭᬶᬂᬲᬓᬓᭀᬮᬄ᭞ᬫᬦᬹᬢ᭄ᬢᬢᬸᬚᭀᬦᬭᬕᬵ᭟᭒᭒᭟ᬲᬧᬸᬦᬶᬓᬲᬂᬧᬡ᭄ᬤᬶᬢᬵ᭞ᬫᬸᬗ᭄ᬕᬄᬭᬶᬂᬧᬫᬸᬚᬦ᭄ᬬᬾᬓᬶ᭞ᬲᬺᬕᭂ
[᭑᭗ 17A]
ᬧ᭄ᬓ᭄ᬭᬫᬦᬶᬂᬧᬫᬹᬚᬵ᭞ᬫᬫᬹᬚᬶᬬᬂᬚᬕᬢ᭄ᬲᬫᬶ᭞ᬲᬓᬯᭀᬦ᭄ᬢᭂᬓᬾᬦᬶᬂᬪᬸᬫᬶ᭞ᬫᬗ᭄ᬤᬲᬶᬥᬵᬫᬗ᭄ᬕᬶᬄᬳᬬᬸ᭞ᬗᬫᭀᬮᬶᬳᬂᬓᬲᭀᬪᬕ᭄ᬬᬦ᭄᭞ᬓᬭ
ᬜ᭄ᬚᬶᬗᬦ᭄ᬫᬦᬄᬢᬺᬧ᭄ᬢᬶ᭞ᬧᬢᬸᬄᬳᬶᬗ᭄ᬓᬸᬧ᭄᭞ᬫᬫ᭄ᬮᬚᬳᬶᬦ᭄ᬓᭀᬧᬲᬫᬦ᭄᭟᭒᭓᭟ᬦᬾᬳᬶᬦᬸᬘᬧᬸᬯᬸᬲᬶᬦᬫ᭄ᬬᬦ᭄᭞ᬫᬯᬸᬕ᭄ᬩᬘᬓᬦ᭄ᬧ᭄ᬭᬯᬺᬢ᭄ᬢᬶ᭞ᬧᬺᬯᬺᬢ᭄ᬢᬳᬶ
ᬦᬭᬦ᭄ᬓᬃᬬ᭄ᬬ᭞ᬲᬓᬢᬳᬶᬂᬲᬃᬯ᭄ᬯᬳᬸᬭᬶᬧ᭄᭞ᬲᬳᬦᬦᬶᬂᬭᬶᬪᬸᬫᬶ᭞ᬲᬫᬶᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬮᬸᬧᬸᬢ᭄᭞ᬧᬢᬹᬢ᭄ᬦᬧᬓ᭄ᬫᬦᬫ᭄ᬩᬸᬢ᭄ᬓᬃᬬ᭄ᬬ᭞ᬗ᭄ᬳᬶᬂᬚ᭄ᬭᭀᬦᬶᬂ
ᬫᬓᬃᬬ᭄ᬬᬳᬶᬓᬶ᭞ᬦᭀᬭᬧᬢᬹᬢ᭄᭞ᬗᬋᬨᬮᬦᬶᬂᬗᬓᬃᬬ᭄ᬬᬦ᭄᭟᭒᭔᭟ᬬᬦᬶᬂᬚᬦ᭄ᬢᭀᬲ᭄ᬫᬗᬧ᭄ᬢᬶᬬ᭞ᬨᬮᬦ᭄ᬧᬓᬃᬬ᭄ᬬᬦ᭄ᬬᬾᬓᬶ᭞ᬳᬶᬓᬢᬦ᭄ᬓᬧᬢᬸᬢ᭄ᬧᬶ
Kaca:Bali-lontar-paparikan-kretibuana-400ppi.pdf/17
Kaca puniki sampun kauji-wacén
