[᭑᭔ 14B]
᭞᭑᭔᭟
ᬧ᭄ᬭᬸᬫᭂᬲᭂᬧ᭞ᬧᬥᬵᬯᬶᬦᬾᬄᬭᬱᬰᬸᬘᬶ᭞ᬲᬫᬶᬓᬸᬫ᭄ᬧᬸᬮ᭄᭞ᬗ᭄ᬕᬯᬾᬲᬸᬢᬺᬧ᭄ᬢᬶᬦᬶᬂᬫᬦᬄ᭟᭑᭒᭞ᬭᬶᬂᬫᬱᬵᬓᬮᬧᬸᬦᬶᬓᬵ᭞ᬲ᭄ᬯᬦᬶᬢᬵᬧᬧᬋᬂᬫᬶᬮᬶ᭞
ᬲᬓᬶᬂᬕᭂᬦᬄᬓᬸᬫ᭄ᬧᬸᬮᬦ᭄ᬬ᭞ᬭᬶᬂᬳᬯᬓᬶᬂᬲᬃᬯ᭄ᬯᬳᬸᬭᬶᬧ᭄᭞ᬲᬳᬶᬦ᭄ᬤᭂᬭᬶᬂᬩ᭄ᬯᬦᬳᬶᬓᬶ᭞ᬫᬩ᭄ᬭᬶᬬᬸᬓ᭄ᬱᬫᬶᬫᬯᬸᬗᬸ᭞ᬲᬓᬶᬂᬧᬢᬸᬃᬯ᭄ᬯᬦ᭄ᬬᬳᬶᬓᬵ᭞ᬓᬧᬢᬹᬢ᭄ᬭᬭᬶᬲ᭄
ᬫᬭᭂᬲᬶᬓ᭄᭞ᬦᬩ᭄ᬤᬩ᭄ᬮᬸᬗ᭄ᬕᬸᬄ᭞ᬗᭂᬋᬕᭂᬧ᭄ᬳᬫᬸᬘᬧᬾᬂᬢ᭄ᬯᬲ᭄᭟᭑᭓᭟ᬥᬸᬄᬧᬸᬓᬸᬮᬸᬦ᭄ᬲᬸᬲᬳᬸᬦᬦ᭄᭞ᬪᬝᬭᬳ᭄ᬬᬂᬧ᭄ᬭᬫᬵᬯᬶᬥᬶ᭞ᬧᬸᬓᬸᬮᬸᬦ᭄ᬲᬶᬦᬸᬂᬦᬸᬕ᭄ᬭᬳ᭞
ᬯᬲ᭄ᬢᬸᬢᬦ᭄ᬓᭂᬦᬵᬳᬶᬦᬃᬕ᭄ᬕᬶ᭞ᬬᬓ᭄ᬢᬶᬍᬯᬶᬄᬗᬕᬯᭀᬓᬶᬦ᭄᭞ᬫᬭᬹᬧᬵᬓᬢᬺᬧ᭄ᬢᬶᬦᬶᬂᬳ᭄ᬬᬸᬦ᭄᭞ᬧᬣᬶᬓ᭄ᬪᬝᬭᬵᬦ᭄ᬤᭂᬕ᭄ᬳᬦᬥᬄ᭞ᬧᬶᬢᬸᬮᬸᬲ᭄ᬰᬶᬄᬢᬭᬶᬂᬫ
[᭑᭕ 15A]
ᬫᬶ᭞ᬦᬫ᭄ᬧᬵᬜᬸᬯᬸᬦ᭄᭞ᬧ᭄ᬭᬫᬵᬕᬃᬚ᭄ᬚᬶᬲᬦᬶᬂᬫᬦᬄ᭟᭑᭔᭟ᬧᬶᬂᬭ᭄ᬯᬫᬱᬵᬢ᭄ᬗᬄᬗ᭄ᬯᬳᬶ᭞ᬚᭂᬚᭂᬕ᭄ᬳ᭄ᬬᬂᬧ᭄ᬭᬢᬗ᭄ᬕᬵᬧᬢᬶ᭞ᬢᬾᬚᬦᬶᬭᬵᬲᭂᬤᭂᬂᬧᬦᭂᬲ᭄᭞ᬦᬸᬲᬸᬧ᭄ᬲᬃ
ᬯ᭄ᬬᬵᬗ᭄ᬕᬦᬶᬂᬳᬸᬭᬶᬧ᭄᭞ᬫᬲᬋᬂᬓᬮᬵᬓᬶᬸᬧᬸᬦᬶᬓᬶ᭞ᬳᬶᬓᬦᬂᬭᬄᬲᭂᬤᭂᬗᬳ᭄ᬬᬂ᭞ᬕᬫ᭄ᬩᬸᬭᬦᬾᬂᬰᬭᬶᬭ᭞ᬦᬶᬂᬲᬃᬯ᭄ᬯᬵᬪᬯᬵᬦᬾᬂᬪᬸᬫᬶ᭞ᬫ᭄ᬭᬱᬍᬲᬸ᭞ᬫᬶᬯᬄᬓ
ᬩ᭄ᬬᬄᬧᬭᬦ᭄ᬫᬦᬄ᭟᭑᭕᭟ᬭᬶᬓᬮᬫᬲᬵᬧᬸᬦᬶᬓᬵ᭞ᬓᬧᬢᬹᬢ᭄ᬭᬭᬶᬲ᭄ᬫᬰᬸᬘᬶ᭞ᬦᬬᬸᬳᬶᬦ᭄ᬯᬸᬦ᭄ᬯᬸᬦᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬫᬗᭂᬕᭂᬧ᭄ᬗᬸ
ᬘᬧᬶᬂᬳᬢᬶ᭞ᬪᬝᬭᬵᬯᬶᬥᬶᬧᬸᬓᬸᬮᬸᬦ᭄᭞ᬧᬢᬶᬓ᭄ᬢᬦᬸᬳᬸᬦ᭄ᬦᬸᬕ᭄ᬭᬳ᭞ᬩᭀᬬᬧᬦᬲ᭄ᬲᬶᬭᬾᬂᬪᬸᬫᬶ᭞ᬤᬤᬵᬲ᭄ᬳᬬᬸ᭞ᬦᬶᬯᭂᬍᬢᬶᬓ᭄ᬭᬶᬂᬪ᭄ᬯᬦᬵ᭟᭑᭖᭞
Kaca:Bali-lontar-paparikan-kretibuana-400ppi.pdf/15
Kaca puniki sampun kauji-wacén
