[᭘ 8B]
᭘
ᬓ᭄ᬲᬯᬃᬡ᭄ᬦᬜ᭞ᬫᬮᬶᬮᬶᬢ᭄ᬕᬥᬸᬂᬓᬵᬲ᭄ᬢᬸᬭᬶ᭞ᬯᬶᬭᬕᬲᬮᬕ᭞ᬗᬺᬫ᭄ᬩᬸᬦ᭄ᬲᬫᬄᬗᬺᬫ᭄ᬧᬬᬓ᭄᭞ᬲᬾᬯᭀᬲ᭄ᬧᬮᬰ᭠ᬕᬶᬦᬶᬜ᭄ᬚ᭄ᬭᬶᬂ᭞ᬳᬦ᭄ᬤᭀᬂᬯᬶᬮᬶᬲ᭄ᬩᬵᬂ᭞ᬓᬬᬸᬫᬵᬲ᭄ᬢᬳᭂᬦ᭄ᬧᬸᬭᬶᬂ᭟ᬫᬦᬭᬲᬄᬳᬸᬧᬋᬗ᭄ᬕᬦᬶᬂᬧᬜ᭄ᬘᭀᬭᬦ᭄᭞ᬳᬓᬾᬄᬗᭂᬘᭀᬃ
ᬤᬺᬲ᭄ᬗᬶᬮᬶ᭞ᬜᭂᬩᬸᬭᬶᬦ᭄ᬢᬮᬕ᭞ᬢᭀᬬᬰᬸᬘᬶᬧᬯᬶᬢ᭄ᬭ᭞ᬮ᭄ᬯᬶᬃᬢᬶᬃᬣᬧᬗ᭄ᬮᬸᬓᬢ᭄ᬩᭂᬃᬲᬶᬄ᭞ᬳᬦᬹᬢ᭄ᬲᬯᬗᬂ᭞ᬗ᭄ᬭᬸᬯᬢ᭄ᬧᬧᬵᬤᬸᬲ᭄ᬓᬺᬢ᭄ᬢᬶ᭟ᬧᬢᬓᬦᬾᬮᬶᬮᬂᬫᬮᬫᬮᬭᬤᬦ᭄᭞ᬮ᭄ᬬᬦ᭄ᬯᬾᬦ᭄ᬢᭂᬦ᭄ᬲᬾᬫᬾᬃᬫᬮᬶᬄ᭞ᬓᭂᬫ᭄ᬩᬃᬤᬍᬫᬮ᭄ᬯᬵ᭞
ᬲᬯᭀᬲ᭄ᬦᬾᬓᬦ᭄ᬢᭂᬦ᭄ᬚᬶᬫ᭄ᬩᬃ᭞ᬥᬦᬸᬳᬶᬍᬳᬶᬦ᭄ᬯᬦᬵᬤ᭄ᬭᬶ᭞ᬯᬶᬢ᭄ᬦᬶᬮᭀᬢ᭄ᬨᬮ᭞ᬢ᭄ᬭᬢᬾᬩᬵᬂᬥᬥᬸᬧᬸᬢᬶᬄ᭟ᬫᬗ᭄ᬓᬶᬦ᭄ᬢᭂᬤᬸᬦ᭄ᬢᭂᬧᬶᬦ᭄ᬩᬾᬚᬶᬦᬾᬫᬭᬵᬃᬬ᭄ᬬᬦ᭄᭞ᬫᬤᬩ᭄ᬤᬩᬦ᭄ᬫᬰᬸᬘᬶ᭞ᬫᬲᬹᬃᬬ᭄ᬬᬰᬾᬯᬦᬵ᭞ᬗᬸᬜ᭄ᬘᬭᬂᬚᬧᬫ
ᬦ᭄ᬢ᭄ᬭ᭞ᬭᬶᬂᬕᬗ᭄ᬕᬗᬸᬤᬓᬜ᭄ᬚᬮᬶ᭞ᬫ᭄ᬯᬂᬯᬶᬱ᭄ᬡᬸᬳᬚᬧ᭞ᬦᬸᬱ᭄ᬝᬦᬲᬂᬳ᭄ᬬᬂᬯᬶᬥᬶ᭟ᬫᬗᬺᬥᬦᬯᬦ᭄ᬢᬄᬦᬸᬦᬲ᭄ᬓ᭄ᬭᬳᬬ᭄ᬯᬦ᭄᭞ᬫᬗᬺᬕᭂᬧ᭄ᬧᬹᬚᬵᬲ᭄ᬢᬸᬢᬶ᭞ᬗᬃᬘ᭄ᬘᬡᬪᬝᬵᬭ᭞ᬲᬫᬗ᭄ᬤᬲᬶᬤ᭄ᬥᬓᬵᬃᬬ᭄ᬬ᭞ᬲᬓᬮᬶᬓᬭᬵᬢ᭄ᬦᬩᬓ᭄ᬢᬶ᭞ᬲᬧ
[᭙ 9A]
᭙
ᬦᬶᬲ᭄ᬓᬭ᭞ᬧᬸᬧᬸᬢ᭄ᬲᬯᭀᬲ᭄ᬦᬾᬗᬶᬭᬶᬂ᭟ᬫᬧ᭄ᬯᬘᬦᬵᬚᬗ᭄ᬕᭂᬮ᭄ᬗᬋᬋᬄᬧᬾᬫ᭄ᬩᭀᬦᬦ᭄᭞ᬯᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬳ᭠ᬢᬦᬶ᭞ᬲᬸᬯᬸᬂᬫᬭᬶᬗ᭄ᬕᬸᬗᬦ᭄᭞ᬭᬳᬩ᭄ᬭᬶᬕ᭄ᬭᬶᬕ᭄ᬮᬸᬫᬸᬢᬦ᭄᭞ᬢᬸᬫ᭄ᬩᬸᬳᬶᬦ᭄ᬩᬸᬦ᭄ᬮᬝᬵᬧᬓᬶᬲ᭄᭞ᬢᬦ᭄ᬘᬶᬦᬭᬶᬢ᭄ᬣ᭞ᬫᬸᬗ᭄ᬕᬄ
ᬢᭂᬤᬸᬦ᭄ᬧᬫᬵᬃᬕ᭄ᬕᬶ᭟ᬲᬶᬮᬓ᭄ᬲᬶᬮᬸᬓ᭄ᬧᬥᬲᬯᬢ᭄ᬫᬦ᭄ᬤᬸᬦᬂ᭞ᬲᬕᬾᬢ᭄ᬦᬸᬳᬸᬢ᭄ᬧᬲᬶᬲᬶ᭞ᬲᬫᬶᬓᬦ᭄ᬢᭂᬦ᭄ᬢᬶᬗ᭄ᬕᬃ᭞ᬓᬭᬵᬫ᭄ᬬᬵᬦᬶᬂᬲᬫᬸᬤ᭄ᬭ᭞ᬓᭂᬫ᭄ᬩᬂᬓᬧᬲᬾᬧᬓ᭄ᬭᬶᬦᬶᬂ᭞ᬧᬸᬢᬶᬄᬧᬓ᭄ᬭᬜᬄ᭞ᬬᬾᬳᬾᬓᬢ᭄ᬗᬄᬳᬶᬳᬶᬤ᭄᭟ᬫᬮᬸᬮᬸᬦᬦ᭄
ᬕᬩ᭄ᬬᬸᬳᬦ᭄ᬳᭀᬫ᭄ᬩᬓᬾᬩᬦ᭄ᬩᬦ᭄᭞ᬓᬤᬶᬜᬧᬗᬢᬸᬭᬶᬦ᭄᭞ᬳᬶᬤ᭄ᬥᬲᬗᬃᬚ᭄ᬚᬸᬡ᭞ᬲᬫᬗ᭄ᬤᬾᬫᬓᬓᬭᬂ᭞ᬗᬭᬭᬶᬲ᭄ᬲᬶᬫ᭄ᬧᬂᬫᬭᬦᬶᬦ᭄᭞ᬳᬶᬲᬓᬦ᭄ᬫᬣᬦ᭄ᬭᬸᬫ᭄ᬭᬸᬫ᭄ᬦᬶᬂᬚᬮᬦᬶᬥᬶ᭟ᬤᬾᬦᬶᬂᬳᬓᬾᬄᬧ᭄ᬭᬯᬸᬚᬸᬓᬸᬗᬾᬫᬗᬫ᭄ᬩ᭄ᬬᬵᬃ᭞
ᬯᬾᬦ᭄ᬢᭂᬦ᭄ᬦᬾᬢᬦ᭄ᬧᬓᬦ᭄ᬢᬶᬃ᭞ᬯᬳᬸᬫᬲᭀᬭᭀᬕᬦ᭄᭞ᬗᬩᬸᬢ᭄ᬫᬗ᭄ᬕᬃᬫᬮᬬᬃ᭞ᬫᬤᬬᬸᬂᬢᬍᬃᬦᬭᬶᬲ᭄ᬤᬶᬲ᭄᭞ᬫᬓᭂᬩᬢ᭄ᬩᬶᬤᬓ᭄᭞ᬓᭂᬮᬧ᭄ᬓᭂᬮᬧ᭄ᬗᬸᬮᬧᬶᬦ᭄᭟ᬓᬦ᭄ᬢᭂᬦ᭄ᬭᬳᬸᬄᬩᬳᬶᬢᬭᬭᬶᬲ᭄ᬫᬘᬂᬘᬂ᭞ᬫᬶᬦᬩ᭄ᬚᬕᬶᬫᭂᬦ᭄ᬤᬓᬶᬦ᭄᭞ᬧᬸᬢᬸ
