[᭙ 9B]
᭙
ᬲᬦ᭄ᬲᬂᬦᬵᬣ᭞ᬫᬮᬶᬄᬭᬭᬶᬲ᭄ᬫᬫᬵᬃᬕ᭄ᬕ᭞ᬳᬶᬤ᭄ᬥᬲᬂᬳᬃᬬ᭄ᬬᬓᬶᬭᬶᬣᬶ᭞ᬫᬶᬭᬶᬕ᭄ᬧᬲᭀᬯᬦ᭄᭞ᬭᬶᬂᬳᭂᬤᭀᬦ᭄ᬢᬸᬜ᭄ᬚᬸᬗᬾᬢᬶᬲ᭄ᬢᬶᬲ᭄᭟ᬲᬶᬕ᭄ᬭᭀᬂᬲᬶᬕ᭄ᬭᭀᬂᬲᬾᬮᭀᬯᬦ᭄ᬧᬭᬗᬦᬾᬚᬶᬫ᭄ᬩᬃ᭞ᬭᬶᬬᬓᬾᬜᭂᬫ᭄ᬩᬸᬃᬦᬫ᭄ᬧ᭄ᬬᬲᬶᬦ᭄᭞ᬓᬵᬗᬾ
ᬧᬘ᭄ᬭᬗᬄ᭞ᬢᭀᬬᬫᬘᭂᬧᬸᬓ᭄ᬫᬸᬜ᭄ᬘ᭄ᬭᬢ᭄᭞ᬫᬢᬾᬚᬓᬸᬳᬸᬂᬧᬓ᭄ᬭᬶᬢᬶᬲ᭄᭞ᬫᬮ᭄ᬬᬄᬗᬮ᭄ᬬᬵᬮᬄ᭞ᬮᬸᬫᬸᬄᬤᬶᬩᬶᬬᬲ᭄ᬫᬤᬶᬤᬶᬄ᭟ᬧᬲᬂᬲᬸᬭᬸᬤ᭄ᬲᬕᬭᬦᬾᬲᬬᬦ᭄ᬳᬳᬤ᭄᭞ᬫᬦᭂᬤᬸᬳᬂᬓᬦ᭄ᬢᭂᬦ᭄ᬩᭂᬘᬶᬓ᭄᭞ᬫᬜᬦ᭄ᬤᬶᬂᬩᬗᬯᬦ᭄᭞ᬓᬘᬫ᭄ᬧᬸ
ᬳᬦ᭄ᬮᭀᬮᭀᬯᬦ᭄᭞ᬩᬸᬮᬶᬄᬩᬗ᭄ᬲᬄᬗᭂᬫ᭄ᬧᬸᬃᬧᬸᬢᬶᬄ᭞ᬧᬶᬮᬳᬾᬳᬲᬢ᭄᭞ᬓᬮᬧ᭄ᬳᬸᬮᬫᬾᬓᬫ᭄ᬧᬶᬄ᭟᭠ᬲᬤ᭄ᬥᬳᬓᬾᬄᬭᬯᬸᬄᬚᬸᬭᬸᬧᬜ᭄ᬘᬶᬂᬧᭂᬜ᭄ᬘᬃ᭞ᬜᬾᬭᬾᬓ᭄ᬜᭀᬭᭀᬓ᭄ᬫᬜᬭᬶᬂ᭞ᬦᭀᬓᬮ᭄ᬫᬸᬩᬸᬗ᭄ᬭᬓᬤ᭄᭞ᬦᬶᬓᬸᬮ᭄ᬤᬸ
ᬗ᭄ᬓᬶᬮᬦ᭄ᬲᬫ᭄ᬩᬂ᭞ᬗᬸᬮᬢᬶᬫᬶᬦᬦᬶᬂᬧᬲᬶᬃ᭞ᬲᬸᬫᬶᬗ᭄ᬓᬶᬦ᭄ᬭᬫ᭄ᬬ᭞ᬫᭂᬧᭂᬓ᭄ᬤᬕᬶᬂᬧᬲᬶᬲᬶ᭟ᬧᬥᬂᬩᬸᬮᬸᬂᬩᬸᬮᬸᬗᬾᬫᬲᬄᬲᬄ᭞ᬲᬫ᭄ᬩ᭄ᬭᬕ᭄ᬓᭂᬩᭂᬭᬂᬳᬗᬶᬦ᭄᭞ᬲᬫ᭄ᬩᭂᬦ᭄ᬫᬮᬸᬮᬸᬦᬦ᭄᭞ᬫᬶᬦᬩ᭄ᬗᭂᬮᬶᬂᬫᬕᬸᬬᬂ᭞ᬫᬫᬸᬮᬗ᭄ᬲᬃᬕ᭄ᬮᬮᬂᬕ᭄ᬮᬶᬮᬶᬂ᭞ᬓᬗᭂᬦ᭄ᬫᬗᭂᬦᬂ᭞
[᭑᭐ 10A]
᭑᭐
ᬲᬂᬫᬗᭂᬦ᭄ᬤᭀᬦ᭄ᬓᬭᬰ᭄ᬫᬶᬦ᭄᭟ᬫᬗ᭄ᬓᬶᬦ᭄ᬭᬸᬗ᭄ᬓᬧᬫᬵᬃᬕ᭄ᬕᬶᬦᬾᬗᬢᭂᬗᬳᬂ᭞ᬳᬮᬲ᭄ᬯᬬᬄᬓᬧᬗ᭄ᬕᬶᬄ᭞ᬩᬸᬭᭀᬦᬾ᭠ᬧᬓ᭄ᬮᬶᬜ᭄ᬘᬓ᭄᭞ᬲᭀᬭᭀᬄᬳᬶᬚᬸᬂᬫᬜ᭄ᬚᬗᬦ᭄᭞ᬲᭂᬗ᭄ᬕᬄᬫᬬᬸᬂᬓᬶᬤᬂᬓᬜ᭄ᬘᬶᬮ᭄᭞ᬕᬫᬂᬩᬭ᭄ᬯᬂ᭞ᬩᬸᬭᭀᬦ᭄ᬢᬸᬓᬂᬓᬲ᭄ᬢᬸᬭᬶ᭟
ᬭᬶᬂᬩᭀᬗ᭄ᬓᭀᬮ᭄ᬯᬶᬢ᭄ᬓᬬᬸᬦᬾᬫ᭄ᬤᭂᬫ᭄ᬧᬚ᭄ᬮᬾᬫ᭄ᬧᬂ᭞ᬯᬾᬦ᭄ᬢᭂᬦ᭄ᬓᬧᬶᬗ᭄ᬕᬶᬃᬫᭂᬲᬶᬓ᭄᭞ᬫᬩᬺᬤ᭄ᬗᬚᬓ᭄ᬧᬦᬓ᭄᭞᭠ᬦᬾᬳᬮᬶᬢ᭄ᬩᭀᬄᬫᬲ᭄ᬯᬭ᭞ᬘ᭄ᬮᭂᬗᬓ᭄ᬘ᭄ᬮᭂᬗᬶᬓ᭄ᬫᬶᬦᬩ᭄ᬗᭂᬮᬶᬂ᭞ᬦᬕᬶᬄᬳᬢᬸᬭᬂ᭞ᬧᬲ᭄ᬮᭂᬄᬲᭂᬄᬫᬸᬗᬶᬮ᭄ᬫᬸᬗᬶᬮ᭄᭟ᬯᬢᭂᬓ᭄ᬩᭀ᭠
ᬚᭀᬕ᭄ᬧᬾᬢᬸᬮᬸᬢᬸᬗᬾᬧᬓ᭄ᬭ᭄ᬬᬵᬓ᭄᭞ᬭᬶᬂᬩᬗ᭄ᬲᬶᬂᬩᬶᬗᬶᬦ᭄ᬗᬮᬦ᭄ᬢᬶᬂ᭞ᬯᬾᬦ᭄ᬢᭂᬦ᭄ᬜᬶᬗᬮ᭄ᬧᬦᬓ᭄ᬦ᭄ᬬ᭞ᬘ᭄ᬭᬸᬯᬢ᭄᭠ᬘ᭄ᬭᬸᬯᬶᬢ᭄ᬫᬜᬸᬦᬦ᭄᭞ᬦᬾᬫ᭄ᬮᬮᬶᬲ᭄ᬭᬢ᭄ᬲᬢ᭄ᬲ᭄ᬭᬶᬢ᭄ᬲᬶᬢ᭄᭞ᬫᬶᬦᬩ᭄ᬜᬵᬫ᭄ᬩ᭄ᬭᬫ᭞ᬳᬶᬤ᭄ᬥᬲᬂᬫᬗ᭄ᬮᬸᬗᬦᬶᬦ᭄᭟ᬧᬤ᭄ᬭᬸᬢ᭄ᬤᬸᬢ᭄ᬫ
ᬭᬾᬭᭀᬤ᭄ᬦᬸᬢᬸᬃᬧᬫᬵᬃᬕ᭄ᬕ᭞ᬭᬯᬸᬳᬶᬂᬳᬶᬮᬡ᭄ᬥᬓ᭄ᬓ᭄ᬮᭂᬲᬶᬄ᭞ᬳᬮᬸᬢᬍᬃᬕᬶᬭᬂ᭞ᬲᬓᬶᬂᬕᭀᬳᭀᬓᬾᬫᭂᬤᬮ᭄᭞ᬕᬭᬯᬮᬦ᭄ᬫᬜᬕ᭄ᬚᬕᬶᬦ᭄᭞ᬫᬶᬦᬩ᭄ᬗᬢᬸᬭᬂᬤᬾᬯᬾᬓ᭄ᬫ᭄ᬮᭂᬤ᭄ᬫᬗᬶᬭᬶᬂ᭟ᬲᬯᭀᬲ᭄ᬲᭀᬭᭀᬄᬧᬓ᭄ᬱᬶᬦᬾᬩᬶᬦ
