[᭗ 7B]
᭗
ᬧᬃᬯ᭄ᬯᬢᬵ᭞ᬲᬬᬦ᭄ᬤᭂᬭᬶᬂᬲᬫ᭄ᬧ᭄ᬬᬄᬕᬸᬦᬸᬂᬫᬓᬤᭂᬗᬸᬦ᭄᭞ᬳᬓᬾᬄᬓᬧᬗ᭄ᬕᬶᬄᬧᬢᬧᬦ᭄᭞ᬲᬂᬥᬃᬫ᭄ᬫᬲᬦᬾᬫᬰ᭄ᬭ᭠ᬫᬶ᭟ᬲᬵᬫ᭄ᬧᬸᬦ᭄ᬤᭀᬄᬧᬫᬵᬃᬕ᭄ᬕᬶᬦ᭄ᬳᬶᬤ᭄ᬥ᭞ᬲᬗᬃᬚ᭄ᬚᬸᬡᬓᬭᬶᬫᬗᭂᬦ᭄ᬢᬧ᭄ᬕᬶᬭᬶ᭞ᬲᬫ᭄ᬩᬶᬮ᭄ᬫᬘᬗ᭄ᬓ᭄ᬭᬫᬭᬶᬂᬳ᭄ᬦᬸ᭞ᬫᬳᬲ᭄ᬭᬶᬂᬯᬦᬦ᭄ᬢᬭ᭞᭠
ᬓᬢᬄᬧᬗ᭄ᬕᬶᬄᬲᬫᬶᬬᬦ᭄ᬗᬃᬤ᭄ᬥᬶᬳᬸᬮᬗᬸᬦ᭄᭞ᬢ᭄ᬕᬮᬦ᭄ᬧᬮᬲ᭄ᬳᬮᬲᬦ᭄᭞ᬢᬢᬫᬦᬾᬮᬶᬦ᭄ᬢᬂᬳᬰ᭄ᬭᬶ᭟᭜᭚ᬤᬹᬃᬫ᭄ᬫ᭚ᬧᬮᬸᬄᬧᬮᬸᬄᬢᭂᬕᬮ᭄ᬫᬶᬫᬶᬸᬯᬄᬧᬲᬯᬳᬦ᭄᭞ᬫᬸᬦ᭄ᬤᬸᬓ᭄ᬩᬸᬓᬶᬢᬾᬭᬤᬶᬦ᭄᭞ᬳᬢᭂᬩ᭄ᬓᬬᬸᬓᬬ᭄ᬯᬦ᭄᭞ᬧᬕᬕᬦ᭄ᬓᬸᬩᬸ᭠
ᬓᬸᬩ᭄ᬯᬦ᭄᭞ᬋᬦᭂᬲ᭄ᬳᬢᬸᬩ᭄ᬗᬾᬮᭀᬫᬯᬶᬮᬶᬲ᭄᭞ᬲᬾᬬᭀᬲ᭄ᬧᬵᬃᬳ᭄ᬬᬗᬦ᭄᭞ᬗᬸᬗᬂᬢ᭄ᬕᭂᬄᬫᬗᬶᬗ᭄ᬕᬶᬮ᭄᭟ᬫᬗᬮᬸ᭠ᬦ᭄ᬢᬂᬓᬦ᭄ᬢᭂᬦ᭄ᬫᬾᬭᬸᬫ᭄ᬯᬂᬧ᭄ᬭᬲᬤ᭄ᬥ᭞ᬫᬧᬧᬮᬶᬳᬦ᭄ᬫᬳᬸᬓᬶᬃ᭞ᬩᬢᬩᬢᬸᬧᬭᬲ᭄᭞ᬫᬧᬧᬢ᭄ᬭᬦ᭄ᬧᬧᬶᬦ᭄ᬤᬦ᭄᭞ᬓᬭᬂᬩᭀᬫᬓᬭᬂ᭠
ᬗᬱ᭄ᬝᬶ᭞ᬫᬕᬕ᭄ᬮᬧᬦ᭄᭞ᬳᬯᬸᬦᬯᬸᬦ᭄ᬘᬯᬶᬭᬶ᭟ᬫᬚᬚᬩᬦ᭄ᬳᬮᬸᬦᬮᬸᬦ᭄ᬘᬦ᭄ᬤᬶᬩᭂᬦ᭄ᬢᬃ᭞ᬳᬫ᭄ᬩᬮ᭄ᬳᬫ᭄ᬩᬮ᭄ᬫᬯᬦ᭄ᬢᬶ᭞ᬬᬦ᭄ᬳᬓᬸᬤᬂᬧᬦ᭄ᬢᬵ᭞ᬧᬸᬭᬶᬳᬕᬸᬂᬗᬜ᭄ᬘᬩ᭄᭞ᬫᬋᬗ᭄ᬕᬳᬵᬃᬘ᭄ᬘᬫᬭᬶᬭᬶᬲ᭄᭞ᬳᬦ᭄ᬢᬸᬓ᭄ᬓᬳ᭄ᬬᬗᬦ᭄᭞ᬧᬸᬭᬵᬧᬸᬘᬓᬶᬂᬳᬸᬓᬶᬃ᭟ᬫᬗ᭄ᬓᬶᬦ᭄ᬓᬭᬶᬳᬶ᭠
[᭘ 8A]
᭘
ᬭᬶᬓᬵᬘᬦ᭄ᬤᭂᬕ᭄ᬫᬭᬵᬃᬬ᭄ᬬᬦ᭄᭞ᬗᬮᬶᬮᬂᬮᬂᬮᬂᬓᬭᬰ᭄ᬫᬶᬦ᭄᭞ᬯᬾᬦ᭄ᬢᭂᬦ᭄ᬓᬓ᭄ᬮᭂᬩᬸᬢᬦ᭄᭞ᬳᬸᬭᬸᬱᬦ᭄ᬫᬧᬓᬸᬦ᭄ᬤᬦ᭄᭞ᬢᭀᬬ᭠ᬦᬾᬦᬶᬃᬫ᭄ᬫᬵᬮᬳ᭄ᬦᬶᬂ᭞ᬲᬸᬤ᭄ᬥᬧᬯᬶᬢ᭄ᬭᬮ᭄ᬬᬦ᭄ᬫᬓᬭᬲᬭᬲᬶ᭟ᬲ᭄ᬓᬃᬢᬸᬜ᭄ᬚᬸᬂᬫᬢᬸᬭᬸᬢ᭄ᬓᭂᬫ᭄ᬩᬂᬓᬸᬫᭂᬫ᭄ᬩᬂ᭞ᬲᬤ᭄ᬧᬤᬦᬾᬫᬗ᭄ᬭᬶᬂᬭᬶᬂ᭞ᬍᬂ
ᬍᬂᬳᬸᬫᬾᬤ᭄ᬭᬦ᭄᭞ᬓᬾᬦ᭄ᬤᭂᬦᬦ᭄ᬗᬭᬲᬭᬲ᭄᭞ᬫᬗᬶᬲᭂᬧ᭄ᬫᬥᬸᬦᬶᬂᬲᬵᬭᬶ᭞ᬚᬗᬶᬄᬫᬰ᭄ᬯᬭ᭞ᬗ᭄ᬭᬶᬬᭂᬂᬓᬤᬶᬗᬋᬋᬫᬶᬄ᭟ᬬᬦ᭄ᬧᬃᬡ᭄ᬦᬬᬂᬳᬧᬸᬲ᭄ᬭᬶᬂᬭᬹᬫ᭄ᬦᬶᬂᬧᬮᬫ᭄ᬩᬂ᭞ᬫᬶᬦᬩ᭄ᬫᬢᬸᬃᬗᬢᬸᬭᬶᬦ᭄ᬫᬗ᭄ᬤᬓᬬᬸᬦ᭄ᬲᬶᬫ᭄ᬧᬂ᭞ᬳᬶᬤ᭄ᬥᬲᬂᬯᬯᬸᬧ᭄ᬭᬧ᭄ᬢ᭞ᬲᬵᬃᬯ᭄ᬯᬓᬸᬲᬸᬫ
ᬦᬾᬫᬶᬳᬶᬓ᭄᭞ᬲ᭄ᬤᭂᬂᬲᬸᬫᬵᬃ᭞ᬫᬓᭂᬲ᭄ᬬᬸᬄᬜᬗ᭄ᬮᬸᬄᬫᬦᬶᬲ᭄᭟ᬍᬗᭂᬂᬗᬮᬸᬩ᭄ᬓᬤᬶᬲᬵᬃᬚ᭄ᬚᬯᬫᬜᬧ᭞ᬫᭂᬍᬤ᭄ᬳᬮ᭠ᬳᬶᬸᬧ᭄ᬫᬦᬕᬶᬄ᭞ᬧᬘᬂᬘᬘᬸᬦ᭄ᬤᬸᬓᬂ᭞ᬭᬶᬂᬳᬶᬭᬶᬗᬦᬾᬩᬚᬂ᭞ᬲᬦᬾᬓᬦ᭄ᬢᭂᬦ᭄ᬩ᭄ᬢᬾᬦ᭄ᬫᬮᬶᬄ᭞ᬭᬶᬂᬧᬶᬗ᭄ᬕᬶᬭᬶᬂᬮ᭄ᬯᬄ᭞ᬧᬦ᭄ᬤᬦ᭄ᬭᬗ᭄ᬓᬂ
ᬓᬾᬢᬓᬶ᭟ᬚ᭄ᬭᬳᬶᬂᬲᬵᬭᬶᬘᬶᬦ᭄ᬤᬕᬲᬸᬕᬦ᭄ᬤᬲᬸᬫᬵᬃ᭞ᬳᬗ᭄ᬰᬡᬳᬗ᭄ᬰᭀᬓᬵᬱ᭄ᬝᬶ᭞ᬧᬶᬥᬥᬫᬚᬚᬃ᭞ᬓᬫᭀᬦᬶᬂᬢᬶᬕᬂᬧᬢ᭄ᬭ᭞ᬭᬶᬚᬱᬳᬦ᭄ᬤᬸᬮ᭄ᬰ᭄ᬭᬶᬕᬥᬶᬂ᭞ᬢᬜ᭄ᬚᬸᬂᬘᬫ᭄ᬧᬓ᭞ᬲᬸᬮᬢ᭄ᬭᬶᬳᬶᬦᬵᬕᬲᬵᬭᬷ᭟ᬲᬦ᭄ᬤᬢ᭄ᬚᭂᬧᬸᬦ᭄ᬫᬤᬕᬶᬂᬳᬗ᭄ᬕ᭄ᬭᬾ
