[᭓᭒ 32B]
᭓᭒
ᬧ᭄ᬭᬶᬓᬦ᭄ᬤᬳᬶᬦ᭄ᬤᬶᬓ᭄᭟ᬫᬗ᭄ᬓᬶᬦ᭄ᬫᬗ᭄ᬕᬶᬄᬤᬸᬓᬩᬭ᭞ᬲᬤᬶᬕᬯᬾᬫᬨᬮᬓᬧ᭄ᬭᬶᬳᬢᬶᬦ᭄᭞ᬢᬦ᭄ᬫᬶᬢᬳᭂᬦ᭄ᬤᬤᭀᬲ᭄ᬫᬗ᭄ᬕᬸᬄ᭞ᬤᬸᬄᬓᬶᬢᬓᬾᬭᬗᬾᬭᬂ᭞ᬲᬦ᭄ᬢᬸᬓᬦᬾᬤᬸᬓ᭄ᬢᬶᬢ᭄ᬬᬗᬾᬯᬳᬸᬭᬯᬸᬄ᭞ᬳᬶᬭᬶᬓᬩᭂᬘᬶᬓ᭄ᬫᬤᬩ᭄ᬤᬩ᭄᭞ᬫᬧᬧ
ᬕ᭄ᬫᬓᬵᬦ᭄ᬤᬧᬱ᭄ᬝᬶ᭟ᬓᬤᬶᬧᬢᬸᬢᬶᬂᬧᬦ᭄ᬭᬶᬫ᭞ᬓᬯᬶᬩᬯᬦ᭄ᬦᬾᬦ᭄ᬢᭂᬦ᭄ᬜᬦ᭄ᬤᬂᬘᬾᬤᬦᬶᬦ᭄᭞ᬫᬜᬫ᭄ᬩ᭄ᬭᬫᬫ᭄ᬯᬂᬧᬶᬲᬸᬕᬸᬄ᭞ᬲᬫᬶᬢᬺᬧ᭄ᬢᬶᬲᬢᬵᬢ᭞ᬓᬦ᭄ᬢᭀᬲ᭄ᬢᬶᬕᬂᬤᬶᬦᬵᬩᬩᬯᭀᬲᬾᬳᬤᬸᬂ᭞ᬭᬭᬶᬲ᭄ᬢᬶᬢ᭄ᬬᬂᬫᬗ᭄ᬮᬦ᭄ᬢᬸᬭᬂ᭞ᬦᬸᬦᬲ᭄ᬤᬾᬯᬶᬲᭀ
ᬫᬯᬢᬶ᭟ᬫᬗ᭄ᬓᬶᬦ᭄ᬯᬳᬸᬲᬧᬸᬦᬶᬓᬵ᭞ᬫᬧᬶᬤᬵᬃᬣᬳᬶᬤ᭄ᬥᬳᬵᬃᬬ᭄ᬬᬢᬧᬢᬶ᭞ᬲᬂᬚᬭᬓᬕ᭄ᬬᬢ᭄ᬫᬗ᭄ᬭᬸᬗᬹ᭞ᬫ᭄ᬦᭂᬩ᭄ᬫᭂᬦᭂᬩᬶᬂ᭠ᬤᬃᬬ᭄ᬬ᭞ᬩ᭄ᬮᭂᬕ᭄ᬩᭂᬕᬦ᭄ᬭᬭᬶᬲ᭄ᬫᬳᭀᬕᬲ᭄ᬫᬲᬯᬸᬃ᭞ᬥᬸᬄᬤᬾᬯ᭄ᬯᬲᬗᬃᬬ᭄ᬬᬧᬃᬣ᭞ᬬᬦ᭄ᬓᬾᬦ᭄ᬢᭂᬦ᭄ᬮᬶᬯᬢ᭄ᬓᬾᬯᭂᬳᬶᬦ᭄᭟ᬫᬧ᭠
ᬦ᭄ᬤᬶᬢᬲᬶᬓ᭄ᬫᬮᬬ᭞ᬧᬥᬕᬸᬮᬸᬓ᭄ᬫᬳᬸᬃᬳᬸᬭᬦ᭄ᬓᬰᬓ᭄ᬢᬶᬦ᭄᭞ᬧ᭄ᬭᬪᬸᬤᬢᬘᬦ᭄ᬤ᭄ᬭᬩᬦᬸ᭞ᬫᬭᬗ᭄ᬓᬸᬂᬫᬯᬶᬰᬾᬱ᭞ᬲᬵᬢ᭄ᬲᬢ᭄ᬲᬗ᭄ᬳ᭄ᬬᬂᬧᬭᬫᬩᬸᬤ᭄ᬥᬫᬦᬸᬭᬸᬦ᭄᭞ᬳᬫᬶᬦ᭄ᬤ᭄ᬬᬭᬶᬂᬫᬥ᭄ᬬᬧᬥ᭞ᬫᬶᬯᬄᬤᬾᬯᬶᬲᭀᬫᬯᬢᬶ᭟ᬮ᭄ᬯᬶᬃᬲᬗ᭄ᬳ᭄ᬬᬂᬮᭀᬓᬶ
[᭓᭓ 33A]
᭓᭓
ᬢᬾᬰ᭄ᬯᬭ᭞ᬳᬫᬶᬦ᭄ᬤ᭄ᬬᬾᬂᬭᬵᬢ᭄ᬲᬸᬰᬶᬮᬵᬲᬥᬸᬰᬓ᭄ᬢᬶ᭞ᬦᬾᬓᬶᬦᬸᬘᬧ᭄ᬳᬬᬸᬦᬸᬮᬸᬲ᭄᭞ᬗᬫᭀᬂᬩᬸᬤ᭄ᬥᬪᬾᬭᬯ᭄ᬯ᭞᭠ᬲᬓᬸᬳᬸᬫᬶᬂᬚᬕᬢ᭄ᬢᬲᬶᬓ᭄ᬫᬮᬬᬢᬶᬦᬹᬢ᭄᭞ᬕᭂᬘᬵᬭᬶᬂᬢᬸᬢᬸᬃᬓᬫᭀᬓ᭄ᬱᬦ᭄᭞ᬤᬾᬯᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬭᬶᬂᬓᬯᬾ᭠
ᬦ᭄ᬢᭂᬦᬦᬾᬳᬶᬭᬶᬓᬵ᭞ᬭᬾᬄᬲᬯᬶᬢ᭄ᬭᬲᬫᬶᬰᬶᬄᬓᬸᬫᬵᬰᬶᬄ᭞ᬭᬶᬂᬲᬂᬧ᭄ᬭᬪᬸᬘᬦ᭄ᬤ᭄ᬭᬵᬩᬦᬸ᭞ᬲᬦᬾᬯᬰᬯᬲᬶᬢ᭄ᬯ᭞ᬫᬧ᭠ᬦ᭄ᬫᬸᬮᬧᬶᬦᬲᬶᬳᬦ᭄ᬢᬶᬢ᭄ᬬᬂᬤᬸᬫᬸᬦ᭄᭞ᬬᬤᬶᬦ᭄ᬭᬶᬂᬰ᭄ᬭᬶᬭᬵᬚᬓᬺᬱ᭄ᬡᬵ᭞ᬳᬯᬦᬦ᭄ᬳᬶᬤᬾᬯᬫᬗ᭄ᬓᬶᬦ᭄᭟ᬲᬵᬫ᭄ᬧᬸᬦ᭄ᬧᬶᬲᬦ᭄ᬳᬶᬯᬂᬗᬃ
ᬱ᭞ᬜᭂᬗ᭄ᬕᬸᬄᬢᬶᬢ᭄ᬬᬂᬚ᭄ᬭᬶᬄᬧᬘᬂᬫᬶᬢᬶᬦ᭄ᬤᬶᬳᬶᬦ᭄᭞ᬳᬧᬦ᭄ᬲᬧᬸᬦᬶᬓᬵᬓᬤᬸᬂ᭞ᬢᬶᬢ᭄ᬬᬂᬫᬯᬦᬯᬰ᭞ᬩᭀᬬᬲᬓᬾᬂ᭠ᬢᬶᬢ᭄ᬬᬂᬳᬦ᭄ᬢᬸᬓ᭄ᬦᬾᬦ᭄ᬢᭂᬦ᭄ᬢᬶᬦᬸᬢ᭄᭞ᬩ᭄ᬘᬶᬓᬂᬫᬗ᭄ᬓᬶᬦ᭄ᬳᬶᬤᬾᬯ᭄ᬯ᭞ᬫᬗ᭄ᬭᬭᬶᬲ᭄ᬓᬤ᭄ᬯᬭᬯᬢᬶ᭟ᬧᬋᬓ᭄ᬭᬶᬂᬳᬶᬤ᭄ᬥᬳᬶᬭᬓ᭞ᬳᬸᬦᬶᬗᬬᬂ
ᬓᬦ᭄ᬤᬦᬾᬫᬓᬲᬫᬶ᭞ᬫᬸᬮᬳᬶᬤ᭄ᬥᬲᬦᬾᬧᬢᬸᬢ᭄᭞ᬢᬸᬦᬲᬶᬦ᭄ᬧᬶᬗᬦ᭄ᬳᬶᬗᬦ᭄᭞ᬬᬦᬶᬂᬲᬧᬸᬦᬧᬶᬚᬕᬶᬦᬾᬓᬧᬢᬸᬢ᭄᭞ᬳᬦ᭄ᬢᬸᬓ᭄ᬲᬂᬰ᭄ᬭᬷᬧᬤ᭄ᬫᬦᬵᬩᬵ᭞ᬧᬸᬦᬶᬓᬦᬾᬧᬘᬂᬳᬶᬭᬶᬂ᭟ᬭᬭᬶᬲ᭄ᬫᬦ᭄ᬢᬸᬓ᭄ᬓᬶᬦ᭄ᬤ᭄ᬭᬧ᭄ᬭᬱ᭄ᬝ᭞ᬫᬗᬢᬸᬭᬂᬳᬶᬦ᭄ᬤᬶᬓᬾᬫᬓᬲ᭠
