[᭓᭑ 31B]
᭓᭑
ᬦᬶᬓᬵᬯᬘᬡᬦ᭄ᬳᬶᬤ᭄ᬥᬲᬂᬧ᭄ᬭᬪᬹ᭞ᬭᬶᬂᬭᬓ᭄ᬭ᭄ᬬᬵᬦ᭄ᬧᬢᬶᬄᬫᬹᬃᬢ᭄ᬬᬯᬰ᭞ᬳᬸᬫᬢᬸᬃᬮᬶᬦ᭄ᬢᬂᬲᬳᬶᬭᬶᬂ᭟ᬫᬗ᭄ᬓᬶᬦ᭄ᬫᬧᬫᬶᬢ᭄ᬢᬸᬃᬲᭂᬫ᭄ᬩᬄ᭞ᬭᬭᬶᬲ᭄ᬫᭂᬤᬮ᭄ᬗᬶᬮᬓᬂᬩᬮᬵᬲᬫᬶ᭞ᬯᬢᭂᬓ᭄ᬦᬾᬕᬶᬦᬸᬮᬂᬳᬮᬸ᭞ᬲᬺᬕᭂᬧ᭄ᬓᭀᬱᬯᬳᬦ᭞ᬳᬲᬓ᭄ᬱᬡᬕᭀᬂᬩᭂ
ᬦ᭄ᬤᬾᬢᬫ᭄ᬩᬸᬃᬕᬸᬫᬸᬭᬸᬂ᭞ᬮᬦ᭄ᬧᬳ᭄ᬭᬶᬓᬶᬂᬓᬸᬤ᭄ᬥᬮᬶᬫᬦ᭄᭞ᬓ᭄ᬭᬾᬢ᭄ᬣᬲ᭄ᬬᬦ᭄ᬤᬦᬵᬫᬓᬵᬤᬶ᭟ᬗ᭄ᬭᬭᬶᬲ᭄ᬫᬫᬵᬃᬕ᭄ᬕᬶᬕᬕ᭄ᬮᬶᬲᬦ᭄᭞ᬫᬕᬺᬤᭂᬕ᭄ᬲ᭄ᬯᬭᬦ᭄ᬓ᭄ᬭᬾᬣᬧᬤᬢᬶ᭞ᬢᬦᬲᬸᬯᬾᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬯᬢᭂᬲᬦ᭄ᬧ᭄ᬭᬤᬾᬰ᭞ᬓᬦ᭄ᬢᭂᬦ᭄ᬢᬶᬗ᭄ᬕᬃᬧᬫᬵᬃᬕ᭄ᬕᬶᬦ᭄ᬳᬶᬤ᭄ᬥᬲᬂᬚᬶᬱ᭄ᬡᬸ
᭞ᬲᬵᬫ᭄ᬧᬸᬦ᭄ᬭᬶᬂᬧᬸᬘᬓ᭄ᬳᬘᬵᬮᬵ᭞ᬲᬳᬵᬳᬶᬭᬶᬗᬦᬾᬲᬫᬶ᭟ᬗ᭄ᬮᬶᬦ᭄ᬢᬂᬯᬢᭂᬲ᭄ᬢᬲᬶᬓ᭄ᬫᬮᬬ᭞ᬭᬭᬶᬲ᭄ᬚᬗ᭄ᬕᭂᬮ᭄ᬳᬶᬭᬶᬓᬵᬭᬓ᭄ᬭ᭄ᬬᬵ᭠ᬦ᭄ᬧᬢᬶᬄ᭞ᬲᬋᬂᬧᬢᬶᬄᬚᬬᬲᬸᬦᬸ᭞ᬦᬩ᭄ᬤᬩᬂᬕᬕ᭄ᬮᬭᬦ᭄᭞ᬧᬥ᭄ᬫᬩ᭄ᬬᬸᬳ᭞ᬧᬸᬦᬶᬓᬲᬦᬾᬓᬯᬗᬸᬦ᭄᭞ᬲᬬᬕᬗᬦ᭄ᬢᭀᬲ᭄ᬧ᭄ᬭ
ᬯᬸᬳᬦ᭄᭞ᬲᬓᬶᬂᬳᬱ᭄ᬝᬶᬦᬦᬵᬕᬭᬷ᭟ᬲᬫ᭄ᬩᬶᬮᬂᬗᬯᬗᬸᬦ᭄ᬕᭂᬦᬄ᭞ᬧᭀᬦ᭄ᬤᭀᬓ᭄ᬧᭀᬦ᭄ᬤᭀᬓ᭄ᬯᬭᬸᬂᬯᬭᬸᬂᬢᬵᬢ᭠ᬭᬶᬂ᭞ᬲᬫᬶᬬᬫᬮᬓᬃᬓᬸᬓᬸᬄ᭞ᬫᬲᬸᬢᭂᬃᬫᬕᬕ᭄ᬮᬭᬦ᭄᭞ᬢᬦ᭄ᬘᬭᬶᬢ᭄ᬣᬳ᭄ᬦᭂᬗᬂᬦᬾᬫᬗ᭄ᬓᬶᬦ᭄ᬤᬸᬫᬸᬦ᭄᭞ᬫᬗ᭄ᬓᬶᬦ᭄ᬳᬶᬤ᭄ᬥᬲᬗᬃᬚ᭄ᬚᬸ᭠
[᭓᭒ 32A]
᭓᭒
ᬡ᭞ᬲ᭄ᬤᭂᬂᬭᬶᬂᬧᬲ᭄ᬯᬦᬶᬂᬳᬸᬓᬶᬃ᭟ᬓᬵᬓ᭄ᬱᬶᬬᬦ᭄ᬲᬓᬶᬂᬳᬶᬭᬶᬓᬵ᭞ᬓᬦ᭄ᬢᭂᬦ᭄ᬲᬶᬦᬄᬰᬢ᭄ᬭᬸᬦᬾᬫᬗ᭄ᬭᬯᬸᬳᬶᬦ᭄᭞ᬓᬤᬶᬫ᭄ᬩᬄᬫᬰᬾᬂᬓᬧᬶᬢᬸ᭞ᬭᬶᬂᬮᬫ᭄ᬩᬸᬗᬶᬂᬧᬃᬯ᭄ᬯᬢ᭄ᬣ᭞ᬓᬤᬶᬓᬕ᭄ᬬᬢ᭄ᬗ᭄ᬭᬭᬶᬲ᭄ᬫᬫᬵᬃᬕ᭄ᬕᬶᬕᬕᬶᬲᬸᬦ᭄᭞ᬲᬵᬫ᭄ᬧᬸᬦ᭄ᬲᬬᬦ᭄ᬫᬦᭂᬤᬸ
ᬦᬂ᭞ᬗ᭄ᬮᬶᬦ᭄ᬢᬂᬭᬶᬂᬲᬺᬗ᭄ᬕᬦᬶᬂᬕᬶᬭᬶ᭟ᬯᬾᬦ᭄ᬢᭂᬦ᭄ᬓᬧᬗ᭄ᬕᬶᬄᬧᬰ᭄ᬭᬫᬦ᭄᭞ᬩᬢᬸᬚᬸᬯᬂᬓᭂᬜ᭄ᬚᭂᬓᬦ᭄ᬳᬶᬤ᭄ᬥᬫᬶᬚᬶᬮ᭄᭞ᬲᬂᬭᬵᬚᬋᬱᬶᬓᬯᬸᬯᬸᬲ᭄᭞ᬳᬭᬶᬰ᭄ᬭᬷᬭᬵᬚᬓᬺᬱ᭄ᬡᬵ᭞ᬜᬕ᭄ᬚᬕ᭄ᬜᬧᬲᬂᬧᬃᬣᬦᬵᬫ᭄ᬧᭂᬓᬂᬲᬵᬫ᭄ᬧᬸᬦ᭄᭞ᬲᬂᬬᬸᬬᬸᬢ᭄ᬲᬸᬦᬾᬦ᭄ᬢᭂᬦ᭄ᬧᬲᬄ᭞
ᬧᬢᬶᬄᬳᬶᬦ᭄ᬤ᭄ᬭᬵᬲᬾᬦᬵᬗᬶᬭᬶᬂ᭟ᬫᬗ᭄ᬭᬭᬶᬲ᭄ᬫᬚᬓ᭄ᬫᬦ᭄ᬢᬸᬓᬦ᭄᭞ᬦᬾᬲᬾᬯᭀᬲᬦ᭄ᬜᬦ᭄ᬢᭀᬲ᭄ᬭᬶᬂᬚᬩᬓᬭᬶ᭞ᬲᬂᬢᬶᬕᬫᬗ᭄ᬭᬜ᭄ᬚᬶᬂᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬲᬂᬗᬃᬬ᭄ᬬᬚᬭ᭞ᬫᬦᬓᬾᬦᬶᬦ᭄᭞ᬳᬦ᭄ᬢᬸᬓ᭄ᬲ᭄ᬯᬓᬵᬃᬬ᭄ᬬᬦᬾᬭᬯᬸᬄ᭞ᬓᬤᬶᬧ᭄ᬭᬡᬕᬢᬵ
ᬓᬵᬮ᭞ᬭᬭᬶᬲ᭄ᬫᬵᬢᬸᬃᬲᬂᬢᬧᬢᬶ᭟ᬢᬶᬢ᭄ᬬᬂᬲᬓᬶᬂᬢᬲᬶᬓ᭄ᬫ᭄ᬮᬬ᭞ᬫᬕᬸᬫᬦ᭄ᬢᬶᬧᬋᬓ᭄ᬰ᭄ᬭᬶᬦᬭᬧᬢᬶ᭞ᬧ᭄ᬭᬪᬸᬤᬢ᭄ᬭ᭠ᬘᬦ᭄ᬤ᭄ᬭᬵᬩᬦᬸ᭞ᬫᬲᬤ᭄ᬬᬧᬘᬂᬦᬸᬦᬲ᭄᭞ᬳᬦᬓ᭄ᬳᬶᬤ᭄ᬥᬥ᭄ᬬᬄᬲᭀᬫᬯᬢᬶᬓᬲᬸᬫ᭄ᬩᬸᬂ᭞ᬲᬫᬶᬲᬵᬫ᭄ᬧᬸᬦ᭄ᬓᬧᬶᬤᬵᬃᬣ᭞ᬢ᭄ᬮᬲ᭄ᬲ
