[᭓᭓ 33B]
᭓᭓
ᬫᬶ᭞ᬭᬶᬂᬳᬶᬤ᭄ᬟᬰ᭄ᬭᬷᬘᬃᬫ᭄ᬫᬧᬸᬦᬸ᭞ᬫ᭄ᬯᬂᬲᬂᬘᬢᬸᬃᬧᬦ᭄ᬤᬯ᭞ᬲᬧᬸᬦᬶᬓᬩᬩᬯᭀᬲ᭄ᬲᬂᬚᬭᬧᬸᬧᬸᬢ᭄᭞ᬫᬗ᭄ᬓᬶᬦ᭄ᬳᬶᬤ᭄ᬟᬲᬗᬃᬚ᭄ᬚᬸᬡ᭞ᬋᬲᭂᬧ᭄ᬓᬬᬸᬦᬾᬫᬶᬦᭂᬳᬶᬦ᭄᭟ᬯᬳᬸᬲᭂᬗ᭄ᬕᬗᬦ᭄ᬲᬫᬢ᭄ᬭ᭞ᬢᬦᬲᬸᬯᬾᬭᬭᬶᬲ᭄ᬳᬶᬤ᭄ᬟᬫᬧᬫᬶᬢ᭄᭞ᬲᬋᬂᬳᬶᬤ᭄ᬟᬲᬂᬬᬸᬬᬸᬢ᭄ᬲᬸ᭞ᬫ᭄ᬯᬂ
ᬧᬢᬶᬄᬇᬦ᭄ᬤ᭄ᬭᬵᬲᬾᬦᬵ᭞ᬲᬵᬫ᭄ᬧᬸᬦ᭄ᬓᭀᬤᬮ᭄ᬳᬶᬭᬶᬗᬦ᭄ᬗᬶᬭᬶᬂᬫᬩ᭄ᬭᬶᬬᬸᬓ᭄᭞ᬧᬭᬵᬬᬸᬥᬫ᭄ᬯᬂᬧᬋᬓᬦ᭄᭞ᬓᬲᬶᬦᭀᬫᬦᬾᬗ᭄ᬭᬶᬳᬶᬦᬶᬦ᭄᭟᭜᭟ᬲᬶᬦᭀᬫ᭄᭚ᬧᬫᬃᬕ᭄ᬕᬶᬦᬾᬕᬕᬗ᭄ᬲᬭᬦ᭄᭞ᬗᬶᬂᬓᬤᬶᬮᬸᬬᬸᬯᬦ᭄ᬓᬶᬤᬶᬓ᭄᭞ᬭᬾᬄ
ᬫᬲᬗᬸᬮᬭᬯᬶᬭᬂ᭞ᬢᬦᬸᬘᬧᭂᬦ᭄ᬭᬯᬸᬄᬕ᭄ᬮᬶᬲ᭄᭞ᬲᬵᬫ᭄ᬧᬸᬦ᭄ᬭᬶᬂᬤ᭄ᬯᬭᬯᬢᬶ᭞ᬗ᭄ᬭᬭᬶᬲ᭄ᬓᬧᬸᬭᬶᬬᬦ᭄ᬜᬸᬚᬸᬃ᭞ᬲᬂᬲᬢ᭄ᬬᬓᬶᬕᭂᬮᬸᬜᬕ᭄ᬚᬕ᭄᭞ᬗᬢᬸᬭᬂᬰ᭄ᬭᬶᬳᬭᬶᬫᬹᬃᬢ᭄ᬢᬶ᭞ᬳᬶᬤ᭄ᬟᬲᬵᬫ᭄ᬧᬸᬦ᭄ᬲᬂᬓᬶᬂᬳᬶᬢᬶᬕᬂᬭᬳᬶᬦᬵ᭟ᬮᬸᬗ᭄ᬳᬵᬓᬳᬶᬦ᭄ᬤ᭄ᬭᬵᬧ᭄ᬭᬱ᭄ᬝ᭞ᬳᬯᬶᬦᬦ᭄ᬲᬸᬯᬸᬂ᭠
ᬳᬶᬭᬶᬓᬶ᭞ᬭᬢᬸᬭᬯᬸᬄᬲᬓᬶᬂᬤᬶᬚᬵ᭞ᬦᬶᬓᬲᬂᬤᬸᬫᬸᬦ᭄ᬦᬾᬫᬗ᭄ᬓᬶᬦ᭄᭞ᬲᬫᬗ᭄ᬤᬢᬶᬢ᭄ᬬᬂᬳᬸᬦᬶᬂ᭞ᬲᬂᬧᬃᬢ᭄ᬣᬦᬶᬫ᭄ᬩᬮ᭄ᬫᬲᬯᬸᬃ᭞ᬦᬧᬶᬢᬶᬢ᭄ᬬᬂᬲᭂᬗ᭄ᬓᬮ᭞ᬧ᭄ᬭᬬᬦᬾᬗᬺᬋᬄᬧᬶᬓᭀᬮᬶᬄ᭞ᬢ᭄ᬓᬵᬮᬘᬸᬃᬓᬤᬸᬄᬓᬶᬢᬦ᭄ᬫᬳᬵᬪᬭ᭟ᬮᬸᬗ᭄ᬳᬵᬓᬢᬲᬶᬓ᭄ᬫᬮᬬ
[᭓᭔ 34A]
᭞ᬫᬶᬲᬥ᭄ᬬᬧᬘᬂᬫᬧᬤᬶᬓ᭄᭞ᬦᬸᬦᬲ᭄ᬭᬶᬂᬳᬶᬤ᭄ᬟᬲᬂᬓᬣᭀᬂ᭞ᬧᬸᬦᬶᬓᬵᬥ᭄ᬬᬄᬲᭀᬫᬯᬢᬶ᭞ᬓᬮᬸᬕᬺᬳᬗᬍᬫᭂᬲᬶᬦ᭄᭞ᬓᬮᬸᬕᬦ᭄ᬤᬾᬦ᭄ᬭᬶᬂᬲᬂᬧ᭄ᬭᬪᬸ᭞ᬗ᭄ᬭᬯᭀᬲ᭄ᬧᬓᬓᬮᬶᬳᬦ᭄᭞ᬢ᭄ᬮᬲ᭄ᬓᬧᬶᬤᬵᬃᬣᬲᬫᬶ᭞ᬲᬓᬶᬂᬯᬳᬸᬭᬯᬸᬄᬓᬦ᭄ᬢᭀᬲ᭄ᬓᬧᬗᬸᬲᬓ᭄᭟
ᬲᬂᬲᬢ᭄ᬬᬓᬶᬩᬸᬫᬶᬋᬗᬂ᭞ᬓᬤᬶᬳᬢᬸᬃᬲᬂᬓᬶᬭᬶᬣᬶ᭞ᬋᬗᭂᬢ᭄ᬓᬲᬸᬦᬾᬓᬮᬶᬦ᭄ᬢᬂ᭞ᬓᬕᭂᬗᬦ᭄ᬯᬶᬭᬂᬲᬯ᭄ᬬᬓ᭄ᬢᬶ᭞ᬓ᭄ᬬᭀᬥᬗ᭄ᬤᬕ᭄ᬤᬢᬦ᭄ᬲᬶᬧᬶ᭞ᬫᬭᬸᬧᬩᬗ᭄ᬭᬲ᭄ᬭᬲ᭄ᬫᬲᬳᬸᬭ᭄᭞ᬭᬢᬸᬗᬶᬭᬶᬂᬕ᭄ᬮᬶᬲᬂᬓᬢᬲᬶᬓ᭄ᬫᬮᬬᬳᭂᬦ᭄ᬢᭀᬦᬶᬦ᭄᭞ᬫᬗ᭄ᬓᬶᬦ᭄ᬫᬦ᭄ᬢᬸᬓ᭄ᬤᬸᬫᬸᬦ᭄ᬓᬳᬱ᭄ᬝᬶᬦᬧᬹᬭᬵ᭟᭠
ᬳᬶᬭᬶᬓᬵᬭᬭᬶᬲ᭄ᬳᬢᬸᬭᬂᬭᬶᬂᬳᬶᬭᬓᬵᬫᬶᬸᬭᬶᬂᬳᬶᬭᬳᬶ᭞ᬫᬮᬶᬄᬜᬦ᭄ᬤᬂᬩᭂᬘᬶᬓ᭄ᬧᬶᬲᬦ᭄᭞ᬓᭂᬜ᭄ᬚᭂᬓᬦ᭄ᬫᬧᬸᬧᬸᬮ᭄ᬲᬫᬶ᭞ᬭᬶᬂᬳ᭠ᬱ᭄ᬝᬶᬦᬵᬦᬵᬕᬭᬶ᭞ᬗ᭄ᬭᬭᬶᬲ᭄ᬗᬸᬦᬶᬗᬬᬂᬳᬢᬹᬃ᭞ᬢᬶᬗ᭄ᬓᬳᬾᬭᬶᬂᬧᬮᬸᬕᭀᬦ᭄᭞ᬬᬦ᭄ᬓᬧᬢᬸᬢ᭄ᬫᬗ᭄ᬤᬾᬕ᭄ᬮᬶᬲ᭄᭞ᬮᬸᬗᬗᬵᬮᬸᬭᬸᬕ᭄ᬧᬸᬦᬶᬓ
ᬢᬲᬶᬓ᭄ᬫᬮᬬ᭟ᬧᬸᬧᬸᬢ᭄ᬓᬤᬶᬲᬧᬸᬦᬶᬓᬵ᭞ᬲᬳᬸᬃᬳᬶᬤ᭄ᬟᬲᬢ᭄ᬬᬵᬓᬶ᭞ᬫᬗ᭄ᬓᬶᬦ᭄ᬫᬗ᭄ᬭᬭᬶᬲ᭄ᬫᬫᬵᬃᬕ᭄ᬕ᭞ᬳᬶᬤ᭄ᬟᬲᬂᬗᬃᬬ᭄ᬬᬢᬧᬢᬶ᭞ᬢᬦᬸᬘᬧᭂᬦ᭄ᬭᬶᬂᬫᬵᬃᬕ᭄ᬕᬶ᭞ᬘ᭄ᬭᬶᬢ᭄ᬣᬬᬂᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬭᬯᬸᬄᬭᬶᬂᬳᬶᬦ᭄ᬤ᭄ᬭᬵᬧ᭄ᬭᬱ᭄ᬝᬵ᭞ᬫᬗ᭄ᬭᬭᬶᬲ᭄ᬳᬶᬤ᭄ᬟᬓᬧᬸᬭᬶ᭞ᬫᬗᬭᬶᬬᬸ
Kaca:Bali-lontar-paparikan-datacandrabanu-450ppi.pdf/34
Kaca puniki sampun kauji-wacén
