[᭒᭐ 20B]
᭒᭐
ᬗᬭᬶᬄᬳᬭᬶᬄ᭞ᬫᬵᬃᬤ᭄ᬥᬯ᭄ᬯᬫᬫ᭄ᬮᬤ᭄ᬧ᭄ᬭᬡ᭞ᬓᬤᬶᬫᬥᬸᬤ᭄ᬭᬯᬫᬶᬮᬶ᭞ᬭᬭᬶᬲ᭄ᬥ᭄ᬬᬄᬲᭀᬫᬯᬢᬶ᭞ᬫᬭᬸᬧᬋᬲ᭄ᬋ᭠ᬲ᭄ᬭᬶᬂᬓᬬᬸᬦ᭄᭞ᬫᬧᬶᬦ᭄ᬤᬓᬮᬜ᭄ᬚᬶᬢᬦ᭄᭞ᬬᬦ᭄ᬲᬯᬂᬜᬦ᭄ᬤᬂᬲᬸᬫᬦ᭄ᬤᬶᬂ᭞ᬳ᭄ᬬᬂᬫᬦᭀᬪᬸᬭᬶᬂᬫᬦᬲᬶᬚᬵᬤᬬᬶᬢᬵ᭟ᬓᬧᬶᬮᬸᬄ
ᬭᬱᬦᬶᬂᬘᬶᬢ᭄ᬣ᭞ᬫᬃᬫ᭄ᬭᬢ᭄ᬓᬕᬸᬦ᭄ᬢᬸᬭᬦ᭄ᬫᬦᬶᬲ᭄᭞ᬲᬢ᭄ᬲᬢ᭄ᬓᬩ᭄ᬮᬩᬸᬭᬦ᭄ᬓᬶᬮᬂ᭞ᬭᬸᬓ᭄ᬱᬗᬸᬦ᭄ᬢᬸᬓ᭄ᬗᬸᬲᬧ᭄ᬭᬳᬶ᭞ᬫᭂᬦᭂᬩ᭄ᬫᭂᬦᭂᬩᬶᬂᬳᬺᬤ᭄ᬥᬶ᭞ᬫᬵᬃᬫ᭄ᬫᬫᬵᬃᬫ᭄ᬫᬲᭂᬫᬸᬋᬗᬸ᭞ᬯᬳᬸᬳᬶᬤ᭄ᬥᬫ᭄ᬬᬵᬃᬱ᭞ᬓᬧ᭄ᬬᬵᬗᭂᬦ᭄ᬭᬶᬂᬧᬫ᭄ᬮᬲᬰᬶᬄ᭞ᬦᬸᬤᬸᬢ᭄ᬓᬬᬸᬦ᭄᭞ᬧᬫ᭄ᬭᬢᬶᬂᬳ᭄ᬬᬂᬫᬦᭀ᭠
ᬪᬯ᭟ᬳᬶᬭᬶᬓᬳᬶᬤ᭄ᬥᬦᭀᬕᬲᬂᬓᬤᬶᬮᬜ᭄ᬚᬶᬢᬜᬯᬸᬭᬶᬦ᭄᭞ᬲᬳᬲ᭄ᬫᬶᬢᬫᬵᬢᬸᬃᬳᬮᭀᬦ᭄᭞ᬢᬶᬦᬸᬢ᭄ᬭᬶᬂᬮᬶᬭᬶᬂᬳᬫᬦᬶ᭠ᬲ᭄᭞ᬩᬦ᭄ᬩᬦ᭄ᬢᬩᬸᬳᬾᬓᬮᬶᬲ᭄᭞ᬤᬸᬄᬲᬂᬓᬤᬶᬳ᭄ᬬᬂᬳᬢᬦᬸ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬲᬳᬶᬫ᭄ᬩᬂ᭞ᬭᬶᬂᬕᬸᬡᬫᬶᬯᬄᬓᬰᬓ᭄ᬢᬶᬦ᭄᭞ᬢ᭠
ᬫᬾᬂᬭᬸᬫ᭄ᬭᬸᬫ᭄᭞ᬯᬕᭂᬤ᭄ᬯᬶᬘᬓ᭄ᬱᬡᬾᬂᬭᬭᬲ᭄᭟ᬋᬋᬄᬲᬲᭀᬭᬶᬂᬳᬓᬱ᭞ᬬᬤᬶᬦ᭄ᬮᬸᬳᬸᬭᬶᬂᬧᬺᬃᬣᬶᬯᬶ᭞ᬭᬱᬦᬾᬦ᭄ᬢᭂᬦ᭄ᬧᬢᬦ᭄ᬤᬶᬗᬦ᭄᭞ᬭᬶᬂᬯᬢᭂᬓ᭄ᬧᬭᬩᬸᬧᬢᬶ᭞ᬢᬶᬢ᭄ᬬᬂᬯᬦ᭄ᬢᬄᬗᬫᬦᬳᬶᬦ᭄᭞ᬤᬕᬶᬂᬯᬘᬡᬦᬾᬯᬳᬸ᭞ᬢᬵᬢ᭄ᬲᬢ᭄ᬭᬸᬦ᭄ᬲᬂ
[᭒᭑ 21A]
᭒᭑
ᬳ᭄ᬬᬂᬇᬦ᭄ᬤ᭄ᬭᬵ᭞ᬦᬾᬢᬚᭂᬧ᭄ᬤᬳᬢᬶᬂᬫᬶᬗᬶᬤ᭄᭞ᬓᬤᬶᬓ᭄ᬢᬸᬲ᭄ᬫᬦᬄᬢᬶᬢ᭄ᬬᬂᬫ᭄ᬭᬲᬳ᭄ᬜᬕ᭄᭟ᬯᬳᬸᬫᬶᬭᬕᬶᬯᬘᬦᬵᬜᬸᬜᬸᬃᬓᬤᬶᬕᬸᬮᬫᬶᬮᬶᬃ᭞ᬮᬸᬮᬸᬄᬢᬶᬢ᭄ᬬᬂᬢᬦ᭄ᬧᬚᬶᬯ᭄ᬯ᭞ᬓᬤᬶᬓᬳᬸᬤᬦᬦ᭄ᬫᬡᬶᬓ᭄᭞ᬫᬫᬦᬄᬧᬘᬂᬗᬶᬭᬶᬂ᭞ᬫᬢᭂᬫ᭄ᬯᬂᬭᬶᬂ
ᬭᬹᬫ᭄ᬦᬶᬂᬧᬦ᭄ᬤᬸᬮᬸ᭞ᬮᬶᬮᬾᬮᬵᬳᬵᬃᬱᬦᬶᬂᬧᬢᬸᬭᭀᬦ᭄᭞ᬭᬭᬲᬾᬫᬲᬤᬫ᭄ᬧᬢᬶ᭞ᬦᬗᬶᬂᬭᬢᬸᬧᬮᬶᬮᬭᬶᬂᬧᬓᬬᬸᬦᬦ᭄᭟ᬦ᭄ᬤᬯᭂᬕ᭄ᬲᬶᬦᬫ᭄ᬧᬸᬭᬧᬶᬲᬦ᭄᭞ᬲᬯᬶᬭᬾᬄᬳᬦ᭄ᬢᬸᬓ᭄ᬫᬦᬯᬶ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬚᬢᬸᬓᬵᬃᬫ᭄ᬫ᭞ᬲ᭄ᬫᬮᬶᬄᬲᬦᬾᬕᬸᬫᬦ᭄ᬢᬶ᭞ᬢᬶ᭠
ᬢ᭄ᬬᬂᬭᬢᬸᬗᭂᬕ᭄ᬯᬦᬶᬦ᭄᭞ᬧᬳᬶᬘᬦ᭄ᬲᬂᬳᬥᬶᬕᬸᬭᬸ᭞ᬫ᭄ᬯᬄᬳ᭄ᬬᬂᬮᭀᬓᬶᬢᬾᬰ᭄ᬯᬭ᭞ᬫᬧᬓ᭄ᬱᬪᬸᬤ᭄ᬥᬪᬾᬭᬯ᭞ᬦᬾ᭠ᬦ᭄ᬢᭂᬦ᭄ᬧᬢᬸᬢ᭄ᬢᬶᬢ᭄ᬬᬂᬫᬗᭀᬩᬄᬰᬰᬡ᭟ᬤᬾᬦᬶᬂᬲᬾᬯᭀᬲ᭄ᬧᬗ᭄ᬮᬓ᭄ᬱᬡ᭞ᬧᬸᬮᬧᬮᬶᬦ᭄ᬕᬫᬲᬫᬶ᭞ᬗᬫᭀᬃᬕ᭄ᬬᬂᬘ᭠
ᬭᬘᬭ᭞ᬯᬦ᭄ᬢᬄᬭᬶᬂᬭᬳᬱ᭄ᬬᬢᬸᬗ᭄ᬕᬶᬮ᭄᭞ᬰᬶᬯ᭄ᬯᬩᬸᬤ᭄ᬥᬦᬾᬢᬸᬗ᭄ᬕᬶᬮ᭄᭞ᬲᬢ᭄ᬫ᭄ᬬᬲᬶᬦᬸᬗ᭄ᬕᬮ᭄ᬭᬶᬂᬢᬸᬢᬸᬃ᭞ᬓᬾᬯᬦ᭄ᬢᭂᬦ᭄ᬫᬗ᭄ᬤᬲᬢ᭄ᬬ᭞ᬳᬦ᭄ᬢᬸᬓ᭄ᬳᬦᬓᬾᬗᬲ᭄ᬢᬶᬢᬶ᭞ᬓ᭄ᬦᬶᬲᬵᬫ᭄ᬧᬸᬦ᭄ᬓᬮᬸᬮᬸᬢ᭄ᬪᬸᬥᬶᬓᬰ᭄ᬫᬭᬦ᭄᭟᭜᭚ᬲ᭄ᬫᬭᬦ᭄ᬤᬦᬵ᭚
